• ລາວ-ຫວຽດນາມ ເພີ່ມທະວີການຮ່ວມມືສອງຝ່າຍ

ໂດຍ: ສີເປື້ອນມື 06 ທັນວາ 2019 (13.43 ນ.) Read : 410

ໃນວັນທີ 5 ທັນວາ 2019 ຜ່ານມາ ທີ່ໂຮງແຮມລາວພຣາຊາ ນະຄອນຫລວງວຽງຈັນ, ທ່ານ ກິແກ້ວ ໄຂຄຳພິທູນ ລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບ ແລະ ພົບປະສອງຝ່າຍ ກັບ ທ່ານ ຫງວຽນ ຫງອກ ຖຽນ ລັດຖະມົນຕີ ກະຊວງວັດທະນະ ທຳ, ກິລາ ແລະ ທ່ອງທ່ຽວ (ວກທ) ສສ.ຫວຽດນາມ ພ້ອມດ້ວຍຄະນະ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກ ຢູ່ສປປ ລາວ.
ໃນການພົບປະຄັ້ງນີ້, ສອງຝ່າຍໄດ້ຕີລາຄາສູງ ຕໍ່ການພົວພັນຮ່ວມມື ລະຫວ່າງ ສປປ ລາວ ແລະ ຫວຽດນາມ ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ສືບຕໍ່ຂະຫຍາຍ ຕົວເຂົ້າສູ່ລວງເລິກ. ການພົວພັນຮ່ວມມືືສອງຝ່າຍ ລະຫວ່າງ ກະຊວງ ຖວທ ລາວ ແລະ ກະຊວງ ວກທ ສສ.ຫວຽດນາມ ຜ່ານມາໄດ້ຮັບການເສີມຂະຫຍາຍ ແລະ ປະກອບສ່ວນເຂົ້າໃນການເສີມສ້າງມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດເວົ້າລວມ, ເວົ້າສະເພາະ ກໍ່ແມ່ນການພົວພັນຮ່ວມມືທີ່ມີມູນເຊື້ອ ລະ ຫວ່າງ ສອງກະຊວງດັ່ງກ່າວ, ໃຫ້ນັບມື້ນັບແໜ້ນແຟ້ນ ທັງມີໝາກມີຜົນຕົວຈິງ, ປະກອບສ່ວນເຂົ້າໃນການປັບປຸງຍົກລະດັບຄຸນນະພາບ ແລະ ປະສິດທິຜົນຂອງວຽກວັດທະນະທຳ ແລະ ທ່ອງທ່ຽວຂອງສອງປະເທດພວກເຮົາ ໃຫ້ນັບມື້ນັບສູງຂຶ້ນຢ່າງບໍ່ຢຸດຢັ້ງ.

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ