• All-New MAZDA CX-30 Sport SUV Premium ມີຈໍາໜ່າຍໃນ ສປປ ລາວ ແລ້ວ

ໂດຍ: ສີເປື້ອນມື 29 ພະຈິກ 2019 (17.20 ນ.) Read : 168

ໃນວັນທີ 29 ພະຈິກ 2019 ທາງ ມາສດ້າ ໄດ້ຈັດງານເປີດໂຕລົດມາສດ້າ 2 ລຸ້ນ ຄື: All-New MAZDA CX-30 Sport SUV Premium ຢ່າງເປັນທາງການ ທີ່ສູນການຄ້າວຽງຈັນ ເຊັນເຕີ ນະຄອນຫຼວງວຽງຈັນ, ໂດຍການເປັນປະທານຂອງ ທ່ານ ກົງເພັດ ແກ້ວມະນີວົງ ຜູ້ຈັດການທົ່ວໄປ, ທ່ານ ທິບພະເນດ ແກ້ວມະນີວົງ ຫົວໜ້າຝ່າຍຂາຍ, ມີບັນດາແຂກຖືກເຊີນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

All-New MAZDA CX-30 Sport SUV Premium ທີ່ເປີດໂຕໃນມື້ແມ່ນເປັນລຸ້ນທີ 2 ຂອງຜະລິດ ຕະພັນຍຸກທີ 7 (7 Gen) ຊຶ່ງຈະມາຢູ່ໃນຕໍາແໜ່ງລະຫວ່າງ CX-3 ແລະ CX-5, ໂດຍຈຸດປະສົງທີ່ຜະລິດຂຶ້ນມາກໍເພື່ອໃຫ້ໄດ້ຄຸນນະພາບສູງສຸດທຸກອົງປະກອບ, ຕອບໂຈດຕໍ່ຜູ້ຊົມໃຊ້ທີ່ມັກຄວາມເປັນ Premium, ເປັນເອກະລັກ ແລະ ມີສະໄຕເປັນຂອງໂຕເອງ, ເປັນລົດທີ່ມີຂະໜາດເໝາະສົມໃນການໃຊ້ຊີວິດໂຕຈິງປະຈໍາວັນ. ໂດຍໄດ້ນໍາເອົາແນວຄິດ “Less is more” ກໍຄືການຫຼົບ ຫຼື ນໍາອົງປະກອບສິ້ນສ່ວນທີ່ບໍ່ຈໍາເປັນອອກເພື່ອຈະສ້າງຄວາມສົມບູນໃນເນື້ອທີ່ຫວ່າງໃຫ້ຫຼາຍຂຶ້ນ.

   All-New MAZDA CX-30 ໄປໄດ້ທຸກທີ່ລຸຍໄດ້ທຸກບ່ອນ Freedom To Go Anywhere ເຄື່ອງຈັກ 2.0L ໃຫ້ພະລັງແຮງບິດສູງໃນຮອບເຄື່ອງຈັກຕໍ່າ ປະຢັດນໍ້າມັນສູງສູດຈາກ Sky active Technology ໜຶ່ງດຽວຂອງ MAZDA.

    ທ່ານຜູ້ຟັງທີ່ເຄົາລົບ All-New MAZDA CX-30 ຊຶ່ງຫາກໍໄດ້ຄວ້າລາງວັນເດັ່ນໆອັນລືຊື່ລະດັບໂລກມາວາງກີ້ນີ້ຄື: ລາງວັນພວງມະໄລຄໍາ “Golden Steering Award” ຈາກປະເທດເຢຍລະມັນປະຈໍາປີ 2019 ປະເພດລົດ “Small SUV” ຊຶ່ງເປັນລາງວັນທີ່ສໍາຄັນໜຶ່ງໃນວົງການລົດ, ລາງວັນລົດທີ່ມີຄວາມປອດໄພສູງສຸດຂອງ “Euro NCAP” ໂດຍໄດ້ຮັບຄະແນນ 5 ດາວ ແລະ ທໍາລາຍສະຖິຕິຂອງໂລກໂດຍຄວ້າຄະແນນເຖິງ 99% ໃນໝວດ ການປົກປ້ອງຜູ້ໂດຍສານທີ່ເປັນຜູ້ໃຫຍ່

ພ້ອມນີ້ ກໍໄດ້ແນະນຳອີກໜຶ່ງລຸ້ນນັ້ນກໍຄື: New Mazda 2 ລຸ້ນປີ 2020  ນໍໜ້າເລື່ອງເທັກໂນໂລຈີ ກວ່າລົດຂະໜາດດຽວກັນ ໂດຍໄດ້ປັບປຸງທຸກອົງປະກອບຂອງລົດໃຫ້ມີຄຸນນະພາບສູງ, ຂັບຂີ່ງຽບ-ນີ້ມ ແລະ ຫຼູຫຼາ ພ້ອມໃຫ້ສະມັດທະພາບການຂັບຂີ່ດີເລີດ, ເຄື່ອງຈັກ Upgrade ໃຫ້ແຮງບິດສູງໃນຮອບເຄື່ອງຈັກຕ່ໍາ, ຜົນໄດ້ຮັບກໍຄື:ປະຢັດນ້ໍາມັນ, ເຄຶ່ອງຈັກງຽບລົງ ແລະ ໃຫ້ຄວາມຮູ້ສຶກເໜືອນຂັບລົດ premium.

                ທ່ານໃດສົນໃຈສາມາດເຂົ້າໄປສອບຖາມລາຍລະອຽດໄດ້ຕາມສູນຈຳໜ່າຍມາສດ້າໃກ້ບ້ານທ່ານ ຫຼື ໂທສອບຖາມລາຍລະອຽດໄດ້ທີ່ໝາຍເລກ (021) 222 288.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ