• ໄດ້ແລ້ວ! ຜູ້ໂຊກດີໄດ້ຮັບລົດຈັກ Honda Zoomer-X ຈາກ ຄາເຟ່ ອາເມຊອນ

ໂດຍ: ສີເປື້ອນມື 29 ພະຈິກ 2019 (16.05 ນ.) Read : 217

ໃນວັນທີ 29 ພະຈິກ 2019 ທາງຄາເຟ່ ອາເມຊອນ ໄດ້ຈັດງານຈັບລາງວັນ ເພື່ອຄົ້ນຫາຜູ້ໂຊກດີ ທີ່ຮ້ານ ຄາເຟ່ ອາເມຊອນ ສາຂາ ໂພນຕ້ອງ ເພື່ອລຸ້ນຮັບລົດຈັກ Honda Zoomer-X ຄັ້ງທີ 3 ໃຫ້ແກ່ລູກຄ້າ ຄາເຟ່ ອາເມຊອນ ທົ່ວປະເທດ. ໃຫ້ກຽດເຂົ້າຮ່ວມໃນພິທີຈັບສະຫຼາກມີ: ທ່ານ ມົນໄຊ ບຸນອີ່ມ ຜູ້ອໍານວຍການບໍລິສັດ ພີທີທີ (ລາວ) ຈໍາກັດ ພ້ອມດ້ວຍພະນັກງານ ແລະສື່ມວນຊົນທຸກຂະແໜງການ.

ທ່ານ ມົນໄຊ ບຸນອີ່ມ ໄດ້ກ່າວວ່າ: ການຈັບສະຫຼາກມອບໂຊກໃນຄັ້ງນີ້ ເປັນຄັ້ງທີ 3 ເຊິ່ງໄດ້ຮັບກະແສຕອບຮັບຈາກລູກຄ້າຫຼາຍຂຶ້ນຈາກສອງເດືອນຜ່ານມາ, ຕ້ອງຂໍຂອບໃຈລູກຄ້າທີ່ເຊື່ອໝັ້ນ ແລະມາໃຊ້ບໍລິການນໍາພວກເຮົາ. ເຊິ່ງການແຈກລາງວັນໃນຄັ້ງຕໍ່ໄປ (ຄັ້ງທີ 4) ໃນທ້າຍເດືອນ ທັນວາ 2019 ຈະເປັນການແຈກແບບພິເສດສຸດໆ ເພາະຈະມີການແຈກລົດຈັກ Honda Zoomer-X ຈໍານວນ 2 ຄັນ.

#ສໍາລັບຜູ້ທີ່ໄດ້ຮັບລາງວັນ ຈາກໂຄງການ ອາເຟ່ ອາເມຊອນ ແຈກໂຊກໃຫຍ່ ຄັ້ງທີ 3 ມີດັ່ງລຸ່ມນີ້:

-    ລາງວັນທີ 1 : ໄດ້ຮັບລົດຈັກຮອນດ້າ Zoomer X ຈໍານວນ 1 ຄັນ ຜູ້ໂຊກດີໄດ້ແກ່: ທ່ານ ນາງ ວິສຸດາ ສຸ້ຍດາໄລ ຢູ່ບ້ານ ຫຼັກ 3 ເມືອງ ສາມັກຄີໄຊ ແຂວງ ອັດຕະປື.

-    ລາງັວນທີ 2: ໄດ້ຮັບລາງວັນດື່ມເຄື່ອງດື່ມຈາກອາເມຊອນຟຣີ 1 ເດືອນ ມີ 3 ລາງວັນ ໄດ້ແກ່: ທ່ານ ນາງ ລິນດາ ສົມວົງສັກ ຢູ່ບ້ານ ວຽງຄໍາ ເມືອງ ປາກກະດິງ ແຂວງ ບໍລິຄໍາໄຊ, ທ່ານ ຂັນທະລີ ຈັນທະສຸກ ຢູ່ບ້ານ ທົ່ງກາງ ເມືອງ ສີສັດຕະນາກ ນະຄອນຫຼວງວຽງຈັນ ແລະທ່ານ ນາງ ຈັນມາລີ ຫຼວງລາດ ຢູ່ບ້ານ ໂນນສະຫວ່າງ ເມືອງ ໄຊເສດຖາ ນະຄອນຫຼວງວຽງຈັນ.

-    ລາງວັນທີ 3: ໄດ້ຮັບຊຸດເຄື່ອງພຣີມ່ຽມຈາກອາເມຊອນ ມີ 5 ລາງວັນ ໄດ້ແກ່: ທ່ານ ນາງ ມະນີລັດຕະນາ ຈະເລີນສຸກ ຢູ່ບ້ານ ໄຊສະຖານ ເມືອງ ສີສັດຕະນາກ ນະຄອນຫຼວງວຽງຈັນ, ທ່ານ ນາງ ພະຈິດຕາ ຈັນນະວົງ ຢູ່ບ້ານ ໂພນຕ້ອງ ເມືອງ ຈັນທະບູລີ ນະຄອນຫຼວງວຽງຈັນ, ທ່ານ ນາງ ສີສະຫວັນ ພະສຸວໍ ຢູ່ບ້ານ ທາດຂາວ ເມືອງ ສີສັດຕະນາກ ນະຄອນຫຼວງວຽງຈັນ, ທ່ານ ອາທອນ ຢູ່ບ້ານ ໂພນຊາຍ ນະຄອນໄກສອນພົມວິຫານ ແຂວງ ສະຫວັນນະເຂດ ແລະທ່ານ ຕິງລັກ ສູນດາລາ ຢູ່ບ້ານ ໜອງທາເໜືອ ເມືອງ ຈັນທະບູລີ ນະຄອນຫຼວງວຽງຈັນ.

ໃນປີ 2020 ທີ່ຈະມາເຖິງນີ້ ທາງຄາເຟ່ ອາເມຊອນ ຍັງຈະມີກິດຈະກໍາດີໆຢ່າງຕໍ່ເນື່ອງ ເພື່ອເປັນການຄືນກໍາໄລໃຫ້ລູກຄ້າທີ່ມາໃຊ້ບໍລິການໃນ ສປປ ລາວ. ສາມາດຕິດຕາມການເຄື່ອນໄຫວໄດ້ທາງແຟນເພຈເຟສບຸກ: Café amazon Lao PDR.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ