• ຟູດແພນດ້າ ເປີດໃຫ້ບໍລິການໃນລາວແລ້ວ ພ້ອມສົ່ງອາຫານແຊບໆເຖິງທີ່ທຸກມື້

ໂດຍ: ສີເປື້ອນມື 22 ພະຈິກ 2019 (14.46 ນ.) Read : 143

ຟູດແພນດ້າ (foodpanda) ຜູ້ໃຫ້ບໍລິການລະດັບສາກົນໃນການຈັດສົ່ງອາຫານຕາມຄວາມຕ້ອງການ ໄດ້ຈັດງານເປີດໂຕຢ່າງເປັນທາງການໃນລາວ ໃນວັນທີ 22 ພະຈິກ 2019 ຜານມາ ທີ່ສູນການຄ້າ ວຽງຈັນເຊັນເຕີ. ໃຫ້ກຽດເຂົ້າຮ່ວມງານດັ່ງກ່າວມີ: ທ່ານ ບຸນສະເຫຼີມ ເຄນນາວົງ ຮອງລັດຖະມົນຕີ ກະຊວງໄປສະນີ ໂທລະຄົມມະນາຄົມ ແລະ ການສື່ສານ,​ ທ່ານ ເຈຄັອບ ເຊບັດສະຕຽນ ແອັງເຈເລປະທານຜູ້ບໍລິຫານຟູດແພນດ້າປະຈຳພາກພື້ນອາຊີ-ປາຊີຟິກ,​ ທ່ານ ນາງ ທັນຍາລັດ ຈະເລີນສຸກ ຜູ້ອໍານວຍການ ຟູດແພນດ້າ ລາວ, ບັນດາສິລະປິນ-ນັກສະແດງ, ຜູ້ປະກອບການຮ້ານຄ້າ 300 ກວ່າຮ້ານ ແລະມວນຊົນເຂົ້າຮ່ວມຢ່າງຫຼວງຫຼາຍ.

 ທ່ານ ເຈຄັອບ ເຊບັດສະຕຽນ ແອັງເຈເລປະທານຜູ້ບໍລິຫານຟູດແພນດ້າປະຈຳພາກພື້ນອາຊີ-ປາຊີຟິກ ກ່າວວ່າ: ຟູດແພນດ້າ ແມ່ນຊ່ອງທາງໃຫ້ບໍລິການທີ່ໃຫ້ຄວາມສະດວກສະບາຍ ແລະຊ່ວຍໃຫ້ລູກຄ້າສາມາດເພີດເພີນໄປກັບການຮັບປະທານອາຫານໄດ້ຢ່າງງ່າຍດາຍ ບໍ່ວ່າຈະຢູ່ໃສກໍຕາມ”. “ພວກເຮົາຮູ້ສຶກຕື່ນເຕັ້ນຫຼາຍທີ່ໄດ້ນຳເອົາ ຟູດແພນດ້າ ມາສູ່ລາວ ແລະພວກເຮົາຈະພະຍາຍາມໃຫ້ບໍລິການຢ່າງເຕັມທີ່ເພື່ອຊອກຫາເມນູອາຫານທີ່ແຊບທີ່ສຸດມາໃຫ້ລູກຄ້າຂອງພວກເຮົາ.”

ປັດຈຸບັນຊາວນະຄອນຫຼວງວຽງຈັນສາມາດສັ່ງອາຫານຫຼາກຫຼາຍເມນູໃຫ້ມາສົ່ງກົງເຖິງເຮືອນຫ້ອງການ ຫຼືສະຖານທີ່ນອກເຮືອນຕ່າງໆ ເພື່ອເອົາມາແບ່ງຮັບປະທານນຳກັນກັບໝູ່ເພື່ອນ ແລະຄອບຄົວ ຫຼືເພີດເພີນໄປຄົນດຽວກໍໄດ້  ເຊິ່ງເພີ່ມຄວາມສະດວກສະບາຍໃຫ້ແກ່ລູກຄ້າໃນການເຂົ້າເຖິງອາຫານລົດຊາດແຊບໄດ້ທຸກບ່ອນທຸກເວລາດ້ວຍວິໄສທັດທີ່ຢາກຈະຈັດສົ່ງອາຫານທີ່ແຊບໄປທົ່ວພາກພື້ນອາຊີ-ປາຊີຟິກລາວເປັນປະເທດທີເກົ້າທີ່ເຂົ້າມາເປັນສ່ວນໜຶ່ງຂອງຄອບຄົວຟູດແພນດ້າ ເຊິ່ງບໍລິສັດມີຈຸດປະສົງ ຢາກໃຫ້ບໍລິການທັງຮ້ານອາຫານ ແລະລູກຄ້າພາຍໃນເຂດນະຄອນຫຼວງວຽງຈັນ ໃຫ້ມີຊ່ອງທາງໃໝ່ໆເພື່ອຂາຍອາຫານ ແລະເພີດເພີນໄປກັບການຮັບປະທານອາຫານທີ່ແຊບບໍ່ວ່າຈະຢູ່ໃສກໍ່ຕາມ.

ທ່ານ ນາງ ທັນຍາລັດ ຈະເລີນສຸກຜູ້ອຳນວຍການຟູດແພນດ້າລາວ ໄດ້ກ່າວວ່າ: ຟູດແພນດ້າ ຂອງພວກເຮົາຕ້ອງການທີ່ຈະປ່ຽນມຸມມອງ ແລະປະສົບການຂອງຜູ້ຄົນຕໍ່ການຈັດສົ່ງອາຫານ ໂດຍການເອົາໃຈໃສ່ຢ່າງມີປະສິດທິພາບຕໍ່ລູກຄ້າທີ່ຕ້ອງການຮັບອາຫານທີ່ຍັງສົດໃໝ່ ແລະບໍ່ວ່າລູກຄ້າຕ້ອງການອາຫານເມນູໃດກໍຕາມ ພວກເຮົາຈະຊ່ວຍຕອບສະໜອງຄວາມຕ້ອງການຂອງລູກຄ້າພວກເຮົາໄປເລື້ອຍໆ

ຟູດແພນດ້າ ແມ່ນການບໍລິການສັ່ງ ແລະຈັດສົ່ງອາຫານທີ່ງ່າຍດາຍຜ່ານທາງແອັບເທິງມືຖືທັງໃນລະບົບປະຕິບັດການ iOS ແລະ Android ທີ່ໃຫ້ບໍລິການແອັບ ແລະ ເວັບໄຊ ຊ່ວຍໃຫ້ລູກຄ້າສາມາດຄົ້ນເບິ່ງຮ້ານອາຫານໃນເຄືອຂ່າຍທຸລະກິດໃຫຍ່ໆ ລວມທັງ ຮ້ານອາຫານໃນທ້ອງຖິ່ນທີ່ເປັນທີ່ນິຍົມຫຼາກຫຼາຍຮ້ານ ເພື່ອຊອກຫາເມນູອາຫານທີ່ເປັນເລີດດ້ວຍຄວາມສະດວກສະບາຍທີ່ສຸດດ້ວຍຄວາມສາມາດໃນການຕິດຕາມເມນູອາຫານທີ່ສັ່ງການຄົ້ນຫາຕົວເລືອກຮ້ານອາຫານໃໝ່ໆ ແລະການຊອກຫາຂໍ້ສະເໜີ ພິເສດຕ່າງໆທີ່ຕ້ອງການ 

ປັດຈຸບັນ ຟູດແພນດ້າ ໄດ້ມີການລວບລວມເອົາຮ້ານອາຫານໄວ້ຫຼາຍກວ່າ 300 ຮ້ານພາຍໃນເຂດນະຄອນຫຼວງວຽງຈັນເປີດໃຫ້ບໍລິການທຸກມື້ຕັ້ງແຕ່ເວລາ 07:00 – 23:00 ໂມງເພື່ອສຳພັດປະສົບການແຫ່ງຄວາມສຸກໃນການສັ່ງອາຫານຄັ້ງທຳອິດ ຜ່ານ ຟູດແພນດ້າສາມາດດາວໂຫຼດແອັບໄດ້ແລ້ວຕອນນີ້ ຫຼື ເຂົ້າໄປທີ່ https://www.foodpanda.la

ວິທີການສັ່ງອາຫານ:

-    ດ້ວຍການບໍລິການຜ່ານທາງເວັບໄຊ ຟູດແພນດ້າ ຫຼື ແອັບໃນລະບົບປະຕິບັດການ iOS ແລະ Android, ລູກຄ້າສາມາດ ເລືອກເຂດພື້ນທີ່ ແລະ ເບິ່ງລາຍຊື່ຮ້ານອາຫານທີ່ໃຫ້ບໍລິການຢູ່ເຂດໃກ້ຄຽງເຊິ່ງໄດ້ລວບລວມໄວ້ໃຫ້ແລ້ວຫຼັງຈາກລູກຄ້າເຫັນ ເມນູອາຫານທີ່ຕ້ອງການແລ້ວລູກຄ້າສາມາດສັ່ງອາຫານຢ່າງສະດວກສະບາຍຢູ່ເຮືອນ ຫຼື ຫ້ອງການ. ລາຍການອາຫານທີ່ສັ່ງຈະໄດ້ຮັບການປຸງແຕ່ງຈາກທາງຮ້ານອາຫານດ້ວຍຄວາມເອົາ ໃສ່ໃຈແລ້ວພະນັກງານຂັບລົດຂອງ ຟູດແພນດ້າຈະໄປຮັບເອົາ ແລະຈັດສົ່ງໂດຍກົງເຖິງທີ່.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ

  • #foodpanda