• ສະຫຼອງຄົບຮອບ 10 ປີ ທະນາຄານ ເອັສທີ ຄືນກໍາໄລໃຫ້ລູກຄ້າ

ໂດຍ: ສີເປື້ອນມື 18 ພະຈິກ 2019 (14.44 ນ.) Read : 3,300

ເນື່ອງໃນໂອກາດສະເຫຼີມສະຫຼອງການສ້າງຕັ້ງທຸລະກິດ ຄົບຮອບ 10 ປີ ແລະສະເຫຼີມສະຫຼອງອາຄານສໍານັກງານໃຫຍ່ຂອງທະນາຄານ ເອັສທີ ເຊິ່ງກົງກັບວັນທີ 22 ພະຈິກ 2019 ທາງທະນາຄານ ເອັສທີ ຈະຈັດງານລ້ຽງເພື່ອຂອບໃຈລູກຄ້າ ແລະພັນທະມິດທາງທຸລະກິດ ພ້ອມທັງຮ່ວມລຸ້ນລາງວັນຄໍາໜັກ 20 ບາດ ແລະບັນຊີເງິນຝາກ 10 ລ້ານກີບ ເຊິ່ງຈະມອບໃຫ້ກັບແຂກຜູ້ທີ່ມາຮ່ວມງານ ແລະຜູ້ຊົມທາງໄລ້ສົດທາງເພຈ STB.

ທ່ານ ໄຊຍາ ໄຊສຸລິວົງ ຮອງປະທານສະພາບໍລິຫານ ທະນາຄານ ເອັສທີ ໄດ້ໃຫ້ສໍາພາດວ່າ: ທະນາຄານ ເອັສທີ ຈໍາກັດ ເປັນທະນາຄານທຸລະກິດເອກະຊົນ ໂດຍແມ່ນນັກທຸລະກິດລາວຖືຮຸ້ນ 100% ນອນຢູ່ໃນເຄືອຂອງບໍລິສັດ ເອັສທີກຣຸບ ຈໍາກັດ ເຊິ່ງເປັນກຸ່ມບໍລິສັດທີ່ດໍາເນີນທຸລະກິດຫຼາຍຮູບແບບ. ຄຽງຄູ່ກັບການພັດທະນາ ແລະຂະຫຍາຍຕົວຢ່າງຕໍ່ເນື່ອງ ບໍລິສັດ ເອັສທີ ໄດ້ເລັງເຫັນຄວາມສໍາຄັນທາງດ້ານການທະນາຄານ. ດັ່ງນັ້ນ, ຈຶ່ງໄດ້ສ້າງ ທະນາຄານ ເອັສທີ ຂຶ້ນໃນວັນທີ 03 ກໍລະກົດ 2009 ພາຍໃຕ້ການນໍາພາ ແລະກໍ່ຕັ້ງໂດຍ ທ່ານ ສີທັດ ໄຊສຸລິວົງ ເປັນປະທານສະພາບໍລິຫານ ທະນາຄານ ເອັສທີ ຈໍາກັດ ດ້ວຍສະໂລແກນ ໝັ້ນຄົງ ໂປ່ງໃສ ບໍລິການດ້ວຍໃຈ ຮັບໃຊ້ສັງຄົມ ເຊິ່ງປັດຈຸບັນມີທັງໝົດ 7 ສາຂາ ແລະ 36 ໜ່ວຍບໍລິການ.

ທ່ານ ຈິຣັດຊາຍຸດ ອໍາຍົງ ຜູ້ອໍານວຍການໃຫຍ່ ທະນາຄານ ເອັສທີ ໄດ້ກ່າວວ່າ:​ທະນາຄານ ເອັສທີ ເປັນໜຶ່ງໃນ 5 ທະນາຄານແຖວໜ້າທີ່ເປັນຕົວແບບໃນການປະຕິບັດຕາມຫຼັກການບາເຊິລ II (BASEL II) ຂອງທະນາຄານແຫ່ງ ສປປ ລາວ ແລະມາດຕະຖານການລາຍງານທາງດ້ານການເງິນສາກົນ (IFRS) ພາຍໃນ 2-3 ປີທາງໜ້າ, ການປັບຕົວລະບົບການເງິນແບບໃໝ່, ເປັນທະນາຄານທີ່ດີທີ່ສຸດ ໃນດ້ານການບໍລິການທີ່ນໍາໄປສູ່ຄວາມເພິ່ງພໍໃຈຂອງລູກຄ້າ ແລະຍົກລະດັບຄວາມເຂັ້ມແຂງທາງດ້ານການເງິນ. ນອກນັ້ນ, ທະນາຄານ ເອັສທີ ຍັງເປັນໜຶ່ງໃນສາມທະນາຄານ ທີ່ຖືກເລືອກໃຫ້ຮ່ວມໂຄງການ ເຂົ້າຫາແຫຼ່ງທຶນຂອງວິສາຫະກິດຂະໜາດນ້ອຍ ແລະກາງ ໂດຍການຮ່ວມມືກັບ ກົມສົ່ງເສີມວິສາຫະກິດຂະໜາດນ້ອຍ ແລະກາງ, ກະຊວງອຸດສາຫະກໍາ ແລະ ການຄ້າ ແລະທະນາຄານໂລກ.

ວິໄສທັດຂອງທະນາຄານ ເອັສທີ ຈໍາກັດ ແມ່ນເປັນທະນາຄານທີ່ໄດ້ຮັບການຍົກຍ້ອງໃນດ້ານການສ້າງປະສິດທິພາບທາງການເງິນຜ່ານເຕັກໂນໂລຊີຕ່າງໆ ແລະຄວາມເພິ່ງພໍໃຈຂອງລູກຄ້າ. ຜ່ານການດໍາເນີນທຸລະກິດມາເປັນເວລາ 10 ປີ ທະນາຄານ ເອັສທີ ໄດ້ຮັບການຂະຫຍາຍຕົວຢ່າງວ່ອງໄວທາງດ້ານການເຄື່ອນໄຫວທຸລະກິດ ເຊັ່ນ: ດ້ານຊັບສິນ, ເງິນກູ້, ດ້ານທຶນ, ປະລິມານເງິນຝາກລວມ...

ທະນາຄານ ເອັສທີ ມີຜະລິດຕະພັນ ແລະການບໍລິການໃນດ້ານການເງິນ ເຊັ່ນ: ການໃຊ້ບໍລິການເງິນຝາກ, ບໍລິການດ້ານສິນເຊື່ອ, ໂອນເງິນພາຍໃນ ແລະຕ່າງປະເທດ,​ບໍລິການແລກປ່ຽນເງິນຕາ, ບໍລິການຊໍາລະໃບບິນຜ່ານເຄົ້າເຕີທະນາຄານ, ບໍລິການໂອນເງິນເດືອນ ແລະບໍລິການອີເລັກໂທນິກອື່ນໆ.

ດັ່ງນັ້ນ, ເພື່ອເປັນການສະເຫຼີມສະຫຼອງການສ້າງຕັ້ງທຸລະກິດ ຄົບຮອບ 10 ປີ ແລະສະເຫຼີມສະຫຼອງອາຄານສໍານັກງານໃຫຍ່ຂອງທະນາຄານ ເອັສທີ ໄດ້ຈັດໂປຼໂມຊັ່ນພິເສດໃຫ້ກັບລູກຄ້າ ພາຍໃຕ້ໂຄງການ ຝາກປຸບ ໄດ້ປັບ ເປັນໂຄງການທີ່ຄືນກໍາໄລໃຫ້ກັບລູກຄ້າ ທີ່ຢູ່ຄຽງຂ້າງທະນາຄານ ເອັສທີ ມາຕະຫຼອດ 10 ປີ. ກະຕິກາ ຄື: ພຽງແຕ່ລູກຄ້າເປີດບັນຊີຝາກປະຈໍາຕາມວົງເງິນທີ່ທະນາຄານກໍານົດໄວ້ ກໍຈະໄດ້ຮັບລາງວັນໄປແບບໍ່ຕ້ອງລຸ້ນ.

 


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ

  • STB