• ພຣູເດັນໂຊລ໌ ມອບລາງວັນທີ 1 ໃຫ້ລູກຄ້າຜູ້ໂຊກດີ

ໂດຍ: Admin Mahason 13 ພະຈິກ 2017 (12.29 ນ.) Read : 474

ໃນວັນທີ 31 ຕຸລາ 2017 ບໍລິສັດ ພຣູເດັນໂຊລ໌ ປະກັນໄພຊີວິດ ໄດ້ຈັດພິທີມອບລາງວັນໃຫຍ່ ທີ່ສໍານັກງານໃຫຍ່ຂອງທະນາຄານ ເອຊີລີດາລາວ. 

ຜູ້ໂຊກດີຈາກໃບສະໝັກເລກທີ 02489 ຄື: ທ່ານ ບຸນເຫຼື່ອມ ສຸກບຸນຊ່ວຍ ບ້ານ ສະພັງເມິກ ເມືອງ ໄຊທານີ ນະຄອນຫຼວງວຽງຈັນ ເປັນຜູ້ໂຊກດີໄດ້ຮັບລາງວັນທີ 1 ລົດເກັງໂຕໂຍຕ້າວີອອສ. ໃຫ້ກຽດເປັນປະທານມອບໃນພິທີຄັ້ງນີ້ໂດຍ ທ່ານ ອາເລນ ໄທ ຜູ້ອໍານວຍການໃຫຍ່ ບໍລິສັດ ພຣູເດັນໂຊລ໌ ປະກັນໄພຊີວິດ ເປັນຜູ້ມອບລາງວັນໃຫ້ລູກຄ້າຜູ້ໂຊກດີ

ຕໍ່ໜ້າຜູ້ເຂົ້າຮ່ວມ ຈໍານວນຫຼາຍ, ພະນັກງານ ບໍລິສັດ ພຣູເດັນໂຊລ໌, ພະນັກງານ ທະນາຄານ ເອຊີລີດາລາວແລະສື່ມວນຊົນທຸກຂະແໜງການ. ທ່ານ ບຸນເຫຼື່ອມ ສຸກບຸນຊ່ວຍ ເປັນອາຈານທີ່ມະຫາວິທະຍາໄລແຫ່ງຊາດ ພ້ອມພັນລະຍາ ທ່ານ ນາງ ຈິກ ສຸກບຸນຊ່ວຍ ມີຄວາມຮູ້ສຶກຕື້ນຕັນ ແລະພາກພູມໃຈຫຼາຍທີ່ໄດ້ເປັນຜູ້ໂຊກດີໄດ້ຮັບລາງວັນໃຫຍ່ກັບບໍລິສັດ ພຣູເດັນໂຊລ໌ ຄັ້ງນີ້. ທ່ານ ບຸນເຫຼືອມ ກ່າວວ່າ: ນີ້ເປັນຂອງຂວັນໃຫຍ່ທີ່ສຸດທີ່ພວກເຮົາໄດ້ຮັບໃນຊີວິດ ແລະພວກເຮົາຂໍສະແດງຄວາມຂອບໃຈຕໍ່ບໍລິສັດ ພຣູເດັນໂຊລ໌ ທີ່ມອບຄວາມຊົງຈໍາດີໆໃຫ້ພວກຂ້າພະເຈົ້າ.

ທີ່ມາ:
  • ຮູບພາບ