• ຫົວເຫວີຍໄດ້ຮັບລາງວັນຈາກ TechRadar Mobile Choice Consumer Awards ສອງລາງວັນ

ໂດຍ: ສີເປື້ອນມື 07 ພະຈິກ 2019 (16.04 ນ.) Read : 499

ທີ່ລອນດອນ, ປະເທດອັງກິດ - ທີ 5 ພະຈິກ 2019 ກຸ່ມທຸລະກິດເພື່ອຜູ້ບໍລິໂພກຂອງບໍລິສັດຫົວເຫວີຍ (CBG) ໄດ້ຮັບສອງລາງວັນອັນມີກຽດໃນງານ TechRadar Mobile Choice Consumer Awards (MCCA) ປະຈໍາປີ 2019 ເຊິ່ງຈັດຂຶ້ນທີ່ Café de Paris ໃນກຸງລອນດອນ.

ສ່ວນໜຶ່ງຂອງການປະກາດຜົນລາງວັນແມ່ນມາຈາກການສໍາຫຼວດຈາກຜູ້ບໍລິໂພກ, ເຊິ່ງຜູ້ບໍລິໂພກແມ່ນໄດ້ຮັບການຄັດເລືອກຈາກຄະນະກໍາມະການຜູ້ຊ່ຽວຊານຂອງ TechRadar ແລະ ໄດ້ຮັບເຊີນໃຫ້ລົງຄະແນນສຽງວ່າເຄືອຂ່າຍ ຫຼື ອຸປະກອນໃດທີ່ພວກເຂົາຮູ້ສຶກວ່າສົມຄວນທີ່ຈະເປັນຜູ້ຊະນະໃນການຄັດເລືອກ ແລະ ໄດ້ຄອງຕໍາແໜ່ງຜູ້ຊະນະລາງວັນຂອງ TechRadar MCCA trophy.

ງານພິທີຄັ້ງທີ 19 ຈັດຂຶ້ນໃນຕອນແລງ ໄດ້ປະກາດໃຫ້ HUAWEI P30 Pro ເປັນສະມາດໂຟນທີ່ມີກ້ອງຖ່າຍພາບດີທີ່ສຸດ ແລະ HUAWEI P Series 2019 ເປັນສະມາດໂຟນທີ່ຄຸ້ມຄ່າທີ່ສຸດໃນປີ 2019 ນີ້ (ໃນລາຄາຕ່ໍາກວ່າ £200) ຍັງຍົກໃຫ້ເປັນຜູ້ນໍາດ້ານຖ່າຍພາບໃນສະມາດໂຟນ ແລະ ມີການພັດທະນາຢ່າງຕໍ່ເນື່ອງເຮັດໃຫ້ຜູ້ບໍລິໂພກສາມາດຊື້ສະມາດໂຟນທີ່ມີສະເປັກແຮງໃນລາຄາທີ່ຈັບຕ້ອງໄດ້.

ລາງວັນ TechRadar Mobile ຈາກການເລືອກຂອງຜູ້ບໍລິໂພກເຫຼົ່ານີ້ສະແດງໃຫ້ເຫັນເຖິງແບຣນ Huawei ຍັງຄົງໂດດເດັ່ນຕໍ່ເນື່ອງ, ເຊິ່ງໃນປີ 2018 ກໍຊະນະ TechRadar Mobile Choice Awards ເຖິງ 3 ລາງວັນ (ຜູ້ຜະລິດແຫ່ງປີ, ສະມາດໂຟນແຫ່ງປີ, ກ້ອງສະມາດໂຟນທີ່ດີທີ່ສຸດ), ເຊັ່ນດຽວກັນກັບປີ 2017 ຫົວເຫວີຍກໍໄດ້ຮັບລາງວັນເຖິງ 2 ລາງວັນ (ສະມາດໂຟນທີ່ດີທີ່ສຸດໃນຕະຫຼາດ, One to Watch) ແລະ ໃນປີ 2016 ກໍຊະນະໜຶ່ງລາງວັນ (ສະມາດໂຟນກ້ອງດີທີ່ສຸດ)

 ທ່ານ Li Changzhu ຮອງປະທານຝ່າຍທຸລະກິດອຸປະກອນມືຖື, ກຸ່ມທຸລະກິດເພື່ອຜູ້ບໍລິໂພກບໍລິສັດຫົວເຫວີຍກ່າວວ່າ ພວກເຮົາຮູ້ສຶກເປັນກຽດທີ່ໄດ້ຮັບການຍອມຮັບຈາກຜູ້ບໍລິໂພກ ແລະ ຜູ້ຊ່ຽວຊານດ້ານເທັກໂນໂລຢີທີ່ TechRadar ອີກຄັ້ງ ແລະ ເຮົາມີຄວາມຍິນດີທີ່ໄດ້ຮັບລາງວັນສອງລາງວັນຈາກອຸປະກອນ HUAWEI P Series ຫົວເຫວີຍພວກເຮົາພະຍາຍາມທີ່ຈະນໍາສະເໜີປະສົບການການຖ່າຍພາບຈາກສະມາດໂຟນລຸ້ນໃໝ່ໃຫ້ກັບຜູ້ບໍລິໂພກ, ຄວາມສາມາດຂອງກ້ອງສະມາດໂຟນທີ່ມີເທັກໂນໂລຢີທັນສະໄໝ ແລະ ຊັດເຈນ

 ທ່ານ Mark Fermor ຜູ້ອໍານວຍການ TechRadar Mobile Choice Consumer Awards ກ່າວ ໃນໄລຍະເວລາ 19 ປີທີ່ຜ່ານມາໃນອັງກິດ, ລາງວັນ TechRadar Mobile Choice Consumer Awards ຂອງພວກເຮົາມາດຕະຖານການຄັດເລືອກຈະເໜືອກວ່າເກນຂອງຜູ້ບໍລິໂພກເດີມທີ່ມີຢູ່ໂດຍໄດ້ຮັບຄະແນນຢືນຢັນຈາກລູກຄ້າຫຼາຍກວ່າ 34,000 ຄົນ ນັ້ນສະແດງໃຫ້ເຮົາເຫັນວ່າຜູ້ບໍລິໂພກເລືອກໃນສິ່ງທີ່ຢາກເລືອກລົງຄະແນນແທ້.

 ຫົວເຫວີຍຊະນະລາງວັນໃນໝວດ ກ້ອງສະມາດໂຟນທີ່ດີທີ່ສຸດ ນັ້ນສະແດງໃຫ້ເຫັນວ່າຫົວເຫວີຍຍັງຄົງໄດ້ຮັບລາງວັນນະວັດຕະກໍາການຖ່າຍພາບທີ່ດີ່ທີ່ສຸດຢ່າງຕໍ່ເນື່ອງຈົນເຖິງປີ 2019, ເຊິ່ງ HUAWEI P9 ກໍໄດ້ຮັບຄະແນນໂຫວດໃຫ້ເປັນສະມາດໂຟນມີກ້ອງດີທີ່ສຸດໃນປີ 2016 ແລະ HUAWEI P20 ໄດ້ຮັບລາງວັນໃນປີ 2018.

ໃນເດືອນກັນຍາ 2019 ຫົວເຫວີຍກໍໄດ້ເປີດໂຕ P30 Pro ສີໃໝ່ຕໍ່ຍອດການອອກແບບທີ່ສວຍງາມຂອງ HUAWEI P series ແລະ ເທັກໂນໂລຢີການຖ່າຍພາບທີ່ເປັນນະວັດຕະກໍາໃໝ່ທີ່ P30 Pro ພູມໃຈສະເໜີການປັບປຸງໃຫ້ດີຂຶ້ນ, ການອອກແບບສີສັນທີ່ທັນສະໄໝ ແລະ ຟັງຊັ່ນແກ້ໄຂພາບ, ວິດີໂອທີ່ດີຂຶ້ນ.

 HUAWEI P30 series ຍັງຄົງເປັນທີ່ນິຍົມຂອງຜູ້ບໍລິໂພກ ໂດຍກາລັນຕີຈາກຍອດຂາຍສູງເຖິງ 17 ລ້ານເຄື່ອງ. HUAWEI P30 series ໄດ້ຮັບຄວາມນິຍົມ ແລະ ຍົກຍ້ອງຈາກອົງກອນທີ່ມີອໍານາດຈາກຫຼາຍແຫ່ງທົ່ວໂລກລວມເຖິງ European Image and Sound Association (EISA) ເຊິ່ງ HUAWEI P30 Pro ກໍໄດ້ຮັບລາງວັນ "EISA Best Smartphone 2019-2020" ໂດຍສະມາຄົມເຊິ່ງເປັນປີທີ່ສອງຕິດຕໍ່ກັນທີ່ໄດ້ຮັບລາງວັນປະເພດນີ້.


ທີ່ມາ: