• ພຣູດຼີມ ໂພຼເທັກເຕີ ຜະລິດຕະພັນໃໝ່ ຂອງ ພຣູເດັນໂຊລ໌ ລາວ

ໂດຍ: ສີເປື້ອນມື 04 ພະຈິກ 2019 (16.38 ນ.) Read : 91

ໃນວັນທີ 04 ຕຸລາ 2019 ທາງບໍລິສັດ ພຣູເດັນໂຊລ໌ ປະກັນໄພຊີວິດ (ລາວ) ຈໍາກັດ ພຣູເດັນໂຊລ໌ ລາວ ໄດ້ເປີດໂຕໂຄງການ “WE DO” ຢູ່ທີ່ໂຮງແຮມ ຄລາວ ພລາຊ່າ ນະຄອນຫຼວງວຽງຈັນ. ໃຫ້ກຽດເຂົ້າຮ່ວມໄດ້ແກ່: ພະນະທ່ານ ຈອນ ເພຍສັນ (John Pearson) ເອກອັກຄະລັດຖະທູດອັງກິດ ປະຈໍາ ສປປ ລາວ, ທ່ານ ນາງ ຈັນສຸກ ຜາລີວັນ ຕົວແທນຈາກກົມຄຸ້ມຄອງ, ພັດທະນາລັດວິສາຫະກິດ ແລະປະກັນໄພ, ທ່ານ ດຣ. ສະວາຍ ເຮ່ ຜູ້ອໍານວຍການ ແລະຜູ້ບໍລິຫານ ທະນາຄານ ເອຊີລີດາ ລາວ, ທ່ານ ອາໂນ່ ໂກລີເຢ່ ຜູ້ອໍານວຍການ ທະນາຄານ ລາວ-ຝຣັ່ງ, ທ່ານ ນາງ ເພັດສະຫວັນ ຕາງໜ້າທະນາຄານ ການຄ້າຕ່າງປະເທດລາວ ມະຫາຊົນ ແລະທ່ານ ເດວິດ ນັດແມນ ປະທານສະພາບໍລິຫານຂອງ ພຣູເດັນໂຊລ໌ ລາວ ພ້ອມບັນດາແຂກທີ່ຖືກເຊີນ.

ໂຄງການ “WE DO” ເປັນໂຄງການທີ່ເຕັມໄປດ້ວຍພະລັງ ແລະແນວຄິດສ້າງສັນ ທີ່ບົ່ງບອກເຖິງຄວາມມີຊີວິດຊີວາ, ມີຮູບໂສມໃໝ່ ທີ່ມີຄວາມໜ້າເຊື່ອຖື ພ້ອມກັບການນໍາສະເໜີ ດ້ວຍຄໍາໝັ້ນສັນຍາທີ່ວ່າ: ຮັບຟັງ, ເຂົ້າໃຈ ແລະມອບສິ່ງດີໆໃຫ້ແກ່ທ່ານ.

ທ່ານ ເດວິດ ນັດແມນ ກ່າວວ່າ: ໂຄງການ “WE DO” ຫຼື ພວກເຮົາຄືຄົນທີ່ລົງມືເຮັດ ໝາຍເຖິງ ພວກເຮົາເປັນສ່ວນໜຶ່ງທີ່ຢູ່ໃນໂລກຂອງລູກຄ້າ. ແບຣນຂອງພວກເຮົາ ໄດ້ສະແດງໃຫ້ເຫັນເຖິງຄໍາໝັ້ນສັນຍາທີ່ວ່າ: ຮັບຟັງ, ເຂົ້າໃຈ ແລະມອບສິ່ງທີ່ດີໃຫ້ແກ່ທ່ານ ເຊິ່ງພວກເຮົາເນັ້ນການເອົາໃຈໃສ່ໃນການສື່ສານທີ່ເປັນກັນເອງ, ມີຄວາມລຽບງ່າຍ ແລະພັດທະນານະວັດຕະກໍາໃໝ່ສູ່ລູກຄ້າໃຫ້ດີຂຶ້ນ. ໃນຍຸກແຫ່ງດິຈິຕອນທຸກຄົນສາມາດເຂົ້າເຖິງກັນໄດ້ງ່າຍ, ພວກເຮົາຈະສືບຕໍ່ເບິ່ງແຍງ ແລະການບໍລິຫານທີ່ເປັນເລີດດັ່ງທີ່ພວກເຮົາໄດ້ເຄີຍເຮັດມາ ເພື່ອທີ່ຈະເພີ່ມປະສົບການ ແລະຄວາມສໍາພັນອັນດົນນານຂອງພວກທ່ານກັບ ພຣູເດັນໂຊລ໌ ລາວ.

ໂຄງການ “WE DO” ໄດ້ຖືກເປີດໂຕໃນ 10 ແຫ່ງ ໃນເຄືອຂອງ ພຣູເດັນໂຊລ໌ ໃນທະວີບອາຊີ ລວມທັງປະເທດລາວ. ໂຄງການດັ່ງກ່າວໄດ້ສະເໜີເອົາຫົວຂໍ້ ນະວັດຕະກໍາ, ການເງິນ ແລະການອອກກໍາລັງກາຍ ທີ່ສ້າງຂຶ້ນບົນພື້ນຖານຂອງຍຸດທະສາດຂອງ ພຣູເດັນໂຊລ໌ ເພື່ອສຸມໃສ່ໃນການຊ່ວຍເຫຼືອລູກຄ້າໃຫ້ຮັກສາສຸຂະພາບ ແລະເສີມສ້າງຄວາມຮັ່ງມີໃຫ້ແກ່ພວກເຂົາ.

ເພື່ອໃຫ້ບັນລຸເປົ້າໝາຍ ພຣູເດັນໂຊລ໌ ລາວ ມີຄວາມພາກພູມໃຈໃນການເປີດໂຕຜະລິດຕະພັນໃໝ່ ທີ່ມີຊື່ວ່າ: ພຣູດຣີມ ໂພຼເທັກເຕີ ທີ່ເລັງໃສ່ການຄຸ້ມຄອງທີ່ສູງທີ່ສຸດ ເຊິ່ງກໍາລັງເປັນທີ່ຕ້ອງການຂອງຄົນລາວ. ພຣູດຣີມ ໂພຼເທັກເຕີ ແມ່ນຜະລິດຕະພັນທີ່ເນັ້ນການຄຸ້ມຄອງຊີວິດ ທີ່ມີຄ່າທໍານຽມທີ່ເໝາະສົມ ແລະມີຂາຍແລ້ວໃນປະເທດລາວ. ສອບຖາມຂໍ້ມູນເພີ່ມຕື່ມໄດ້ທີ່ເບີໂທ 020 21211123 ຫຼື info@prudential.com


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ

  • prudential