• ເພງໃໝ່ ໜຸ່ມ ສອນສິນໄຊ ຊັງແລ້ວຊັງເລີຍ

ໂດຍ: ສີເປື້ອນມື 30 ຕຸລາ 2019 (12.17 ນ.) Read : 279

ໜຸ່ມ ສອນສິນໄຊ ພອນມະລາຄໍາ ຫຼື ສອນສິນໄຊ ຖິ່ນຫົວພັນ ເປັນສິລະປິນນ້ອງໃໝ່ທີ່ມີຄວາມສາມາດຫຼາກຫຼາຍ ບໍ່ວ່າຈະເປັນການຮ້ອງເພງ,​ ພິທີກອນ, ໂຄສົກ ແລະ MC ໂຄສະນາສິນຄ້າຕ່າງ.​ ຜ່ານມາເພິ່ນກໍໄດ້ມີຜົນງານເພງຂອງຕົນເອງອອກມາໃຫ້ມວນຊົນໄດ້ຮັບຟັງກັນໄປແລ້ວ ນັ້ນກໍຄືເພງ ຖິ້ມອ້າຍເຮັດຫຍັງ ເຊິ່ງເປັນຜົນການການປະພັນຂອງ ໜຸ່ມ ໂຊນ່ານ ແຈັກເກັດ.

ຫຼ້າສຸດທາງໜຸ່ມ ສອນສິນໄຊ ຂອງໄດ້ຜະລິດຜົນງານເພງໃໝ່ອອກສູ່ສາຍຫູສາຍຕາມວນຊົນຢ່າງເປັນທີ່ຮຽບຮ້ອຍ ນັ້ນກໍຄືຜົນງານເພງ ຊັງແລ້ວຊັງເລີຍ ເຊິ່ງເປັນການປະພັນຂອງອາຈານ ໂຊກໄຊ ໂຊກອໍານວຍ ນັກຮ້ອງ ແລະນັກປະພັນຊື່ດັງ ທັງນີ້ກໍເພື່ອຕອບສະໜອງຕາມຄວາມຮຽກຮ້ອງຕ້ອງການຂອງບັນດາແຟນເພງທີ່ຕິດຕາມຜົນງານເພງໃໝ່.

ສໍາລັບຜົນງານເພງ ຊັງແລ້ວຊັງເລີຍ ເປັນອີກຜົນງານເພງໜຶ່ງທີ່ທາງໜຸ່ມ ສອນສິນໄຊ ໄດ້ທຸ້ມເທ ແລະຕັ້ງໃຈເຮັດຢ່າງສຸດຄວາມສາມາດ ບໍ່ວ່າຈະເປັນການຂຽນບົດລະຄອນ, ຄົ້ນຫານັກສະແດງຜູ້ທີ່ມີສີມື ແລະກໍາກັບການສະແດງ ເພື່ອເຮັດໃຫ້ຜົນງານດັ່ງກ່າວອອກມາຕາມທີ່ຄາດຫວັງໄວ້. ສ່ວນເນື້ອຫາຂອງເພງ ແມ່ນເປັນເພງເສົ້າເຂົ້າກັບອາລົມຄົນອົກຫັກ ທີ່ຖືກຄົນຮັກຫັກຫຼັງໄປມີຄົນໃໝ່ ແລະຖືກຫຼອກເປັນປະຈໍາຈົນຫົວໃຈເຈັບຊໍ້າຫຼາຍຄັ້ງ. ເມື່ອເປັນແບບນັ້ນ ຄົນທີ່ຖືກເຮັດໃຫ້ເຈັບຊໍ້າໆກໍເປັນຄົນມີຄົນໃຈ ເພື່ອໄດ້ຊັງໃຜແລ້ວກໍຊັງແລ້ວຊັງເລີຍ ເຖິງແມ່ນວ່າເຂົາຈະກັບມາຂໍຄືນດີກໍຕາມ.

ປັດຈຸບັນຜົນງານເພງ ຊັງແລ້ວຊັງເລີຍ ໄດ້ປ່ອຍແລ້ວ ເຊິ່ງສາມາດຮັບຊົມໄດ້ທາງຊ່ອງຢູທູບຂອງ MY Studio ແລະຕິດຕາມການເຄື່ອນໄຫວຂອງສິລະປິນໄດ້ທາເຟສບຸກ: ບ່າວສອນສິນໄຊ ຖິ່ນຫົວພັນ.




ທີ່ມາ:
  • ແທັກທີ່ກ່ຽວຂ້ອງ