• Tha Chang Thai Dessert ເຂົ້າໜົມຄົກນ້ອງໃໝ່ ເອົາໃຈຄົນຮັກສຸຂະພາບ

ໂດຍ: ສີເປື້ອນມື 15 ຕຸລາ 2019 (14.58 ນ.) Read : 155

ໃນວັນທີ 14 ຕຸລາ 2019 ທີ່ຜ່ານມາ ໄດ້ມີການຈັດພິທີເປີດຮ້ານເຂົ້າໜົມຄົກສາຍພັນໃໝ່ຂອງບໍລິສັດ U-Hup (ຮ້ານອາຫານເພື່ອສຸຂະພາບໂດຍສະເພາະ) ພາຍໃຕ້ແບຣນ Tha Chang ຢ່າງເປັນທາງການໃນ ສປປ ລາວ ຢູ່ທີ່ສູນອາຫານ ມະຫາວິທະຍາໄລແຫ່ງຊາດ (ວິທະຍາເຂດດົງໂດກ) ພາຍໃຕ້ຄອນເຊັບ ແຊບ-ມ່ວນຊື່ນ-ສຸຂະພາບດີ. ໃຫ້ກຽດເຂົ້າຮ່ວມໃນພິທີເປີດຮ້ານໃໝ່ໃນຄັ້ງນີ້ໄດ້ແກ່: ທ່ານ ອະທິພັດ ນິພິດຖາພັດ (ໃບພັດ) ຜູ້ກໍ່ຕັ້ງແບຣນ Tha Chang Thai Dessert, ທ່ານ ຂັວນປະຊາ ທອງວິພູສະນະ ເຈົ້າຂອງສາຂາ Tha Chang Thai Dessert ປະຈໍາສູນອາຫານ ມະຫາວິທະຍາໄລແຫ່ງຊາດ ແລະທ່ານ ນາງ ສຸດທິດາ ອານຸສິນ (ມີມີ່) ນາງສາວລາວ ປະຈໍາປີ 2018 ພ້ອມດ້ວຍແຂກທີ່ຖືກເຊີນຢ່າງຫຼວງຫຼາຍ.

ເຂົ້າໜົມຄົກສາຍພັນໃໝ່ ທີ່ເອົາໃຈຄົນຮັກສຸຂະພາບ ມາຮອດປະເທດລາວແລ້ວ ເຊິ່ງເປັນເຂົ້າໜົມຄົກ Vegan ທີ່ມີຊື່ສຽງຈາກປະເທດໄທ. Tha Chang Thai Dessert ເຂົ້າໜົມຄົກ Vegan ເປັນນະວັດຕະກໍາອາຫານເພື່ອສຸຂະພາບ ທີ່ປາສະຈາກຊີ້ນສັດ 100%, ມີຄວາມຫວານໜ້ອຍ, ເນັ້ນຄວາມຫອມຫວານຈາກກິ່ນ ແລະສີ ຈາກທໍາມະຊາດ, ສໍາຜັດລົດຊາດທີ່ບໍ່ຄືໃຜ, ແຄລໍລີ່ຕໍ່າ, ພັດທະນາສູດຈາກຜູ້ຊ່ຽວຊານ ແລະນັກໂພສະນາການ ໂດຍສະໜັບສະໜູນຈາກຜົນຜະລິດຈາກຊາວກະສິກອນໂດຍກົງ ທີ່ນໍາມາໃຊ້ເປັນສ່ວນປະສົມໃນການຄົ້ນຄິດສູດແປ້ງ. ຂະບວນການຜະລິດໄດ້ຮັບການເອົາໃຈໃສ່ຢ່າງພິຖີພິຖັນ ເຊິ່ງໄດ້ຄັດເລືອກສ່ວນປະສົມຫຼາຍກວ່າ 10 ຊະນິດ, ເລືອກພັນພິເສດທີ່ມີກິ່ນຫອມ ແລະສີຕາມທໍາມະຊາດ ເພື່ອໃຫ້ໄດ້ສີສັນຫຼາກຫຼາຍ ເຊັ່ນ: ລົດໃບເຕີຍ, ໝາກພ້າວ,​ ຊາໄທ, ໝາກມ່ວງ, ກະລົດ,​ ໝາກອຶ, ຜັກຫົມ, ມັນມ່ວງ ແລະອື່ນໆ.

ໃນອະນາຄົດມີແຜນທີ່ຈະຂະຫຍາຍສາຂາໄປຍັງຕ່າງປະເທດ ເຊັ່ນ: ຫວຽດນາມ, ກໍາປູເຈຍ, ມຽນມາ ແລະໃນທະວີບເອີລົບອີກດ້ວຍ.


ທີ່ມາ:
  • ຮູບພາບ