• ຣີວິວ Huawei Nova 5T ພ້ອມປຽບທຽບກັບສະມາດໂຟນຄ້າຍອື່ນໃຫ້ຕັດສິນໃຈຊື້ງ່າຍຂຶ້ນ!!!

ໂດຍ: ສີເປື້ອນມື 09 ຕຸລາ 2019 (16.13 ນ.) Read : 1,721


ວາງຂາຍກັນໄປເປັນທີ່ຮຽບຮ້ອຍແລ້ວສໍາລັບ Huawei nova 5T ສະມາດໂຟນລາຄາປະຢັດ ແຕ່ອັດສະເປັກຈັດເຕັມທຽບເທົ່າເຮືອທຸງກັບຂຸມພະລັງຊິບເຊັດ  Kirin 980 ເຊິ່ງເປັນຊິບເຊັດດຽວກັນທີ່ໃຊ້ໃນ Huawei P30 Pro, P30, Mate 20 Pro ແລະ Mate 20. Huawei nova 5T ມີກ້ອງຖ່າຍຮູບທັງໝົດເຖິງ 5 ກ້ອງ, ຄວາມຈໍາກໍ່ສູງດ້ວຍ Ram 8GB Rom 128GB. ລວມໆແລ້ວເມື່ອນໍາເອົາ Nova 5T ມາທຽບກັບລຸ້ນກາງຂອງທຸກໆຄ້າຍບອກເລີຍວ່າ Nova 5T ຄືຕົວເລືອກທີ່ໜ້າສົນໃຈທີ່ສຸດໃນຕອນນີ້ ແລະ ເຮົາກໍໄດ້ຮວບຮວມເອົາສະເປັກ ແລະ ພາບຖ່າຍຂອງແຕ່ລະຄ້າຍມາປຽບທຽບໃຫ້ທຸກຄົນໄດ້ເຫັນກັນ, ແຕ່ກ່ອນອື່ນມາເບິ່ງສະເປັກ ແລະ ຄວາມແຮງຂອງ nova 5T ກັນກ່ອນດັ່ງລຸ່ມນີ້ເລີຍ.

§  ຈໍສະແດງຜົນ: Huawei punch full view Display ຂະໜາດ 6.26 ນິ້ວ Full HD+ (2340x1080)

§  ກ້ອງໜ້າ4ໂຕ: ເລນຫຼັກຄວາມລະອຽດ 48 ລ້ານພິກເຊວ (f/1.8), ເລນກວ້າງ Super Ultra-wide Angle ຄວາມລະອຽດ 16 ລ້ານພິກເຊວ (f/2.2), ເລນໂບເກ້ຄວາມລະອຽດ 2 ລ້ານພິກເຊວ (f/2.4), ເລນ Macro ຄວາມລະອຽດ 2 ລ້ານພິກເຊວ (f/2.4)

§  ກ້ອງໜ້າ: ຄວາມລະອຽດ 32 ລ້ານພິກເຊວ, ພ້ອມ AI Beauty

§  ໜ່ວຍຄວາມຈໍາ: ROM 8GB, RAM 128GB

§  ຊິບເຊັດ: CPU Huawei Kirin 980, GPU turbo 3.0

§  ຮອງຮັບ 2 ຊິມດ້ວຍຖາດໃສ່ຊິມ Nano sim card

§  ແບັດຕາຣີ: ສູງເຖິງ 3750mAh, Huawei Super charge 22.5W

§  ປົດລ໋ອກ: ສະແກນລາຍນິ້ວມືດ້ານຂ້າງ, ສະແກນໃບໜ້າ

ປຽບທຽບຊິບເຊັດ

ສະມາດໂຟນ Huawei Nova 5T ອັດແນ້ນດ້ວຍຂຸມພະລັງຊິບເຊັດເຮືອທຸງ Kirin 980 ແບບ 7 ນາໂນແມັດ ແລະ ມີຊິບ NPU ຄູ່ ເຮັດໃຫ້ການເຮັດວຽກມີປະສິດທິພາບດີທີ່ສຸດ ແລະ ມີລະບົບ AI ທີ່ສະຫຼຽວສະຫຼາດ, ມີລະບົບ GPU Turbo 3.0 ທີ່ເຮັດໃຫ້ການຫຼິ້ນເກມມີຄວາມລື່ນໄຫຼ ແລະ ສາມາດຕັ້ງຄ່າເຟມເຣດສູງໄດ້ ເຮັດໃຫ້ນິ້ງຕະຫຼອດເວລາການຫຼິ້ນເກມ

  • Huawei Nova 5T = Kirin 980 ແບບ 7 ນາໂນແມັດ
  • Samsung Galaxy A70 = Snapdragon 675 ແບບ 11 ນາໂນແມັດ
  • Vivo V15 Pro = Snapdragon 675 ແບບ 11 ນາໂນແມັດ
  • OPPO Reno = Snapdragon 710 ແບບ 10 ນາໂນແມັດ

ເຫັນວ່າ Huawei Nova 5T ນຳໃຊ້ຊິບເຊັດທີ່ລະດັບສູງກວ່າໝູ່ຄື Kirin 980 ທີ່ນໍາໃຊ້ໃນລຸ້ນເຮືອທຸງ ເມື່ອປຽບທຽບກັບຊິບເຊັດອື່ນກໍທຽບເທົ່າກັບ Snapdragon 885  ແລະ ນໍາໃຊ້ຊິບເຊັດທີ່ມີຂະໜາດນ້ອຍກ່ອນໝູ່ພຽງແຕ່ 7 ນາໂນແມັດເທົ່ານັ້ນເຮັດໃຫ້ການໃຊ້ງານແມ່ນປະຢັດພະລັງງານແບັດຕາຣີໄດ້ດີຂຶ້ນ ເຖິງແມ່ນວ່າຈໍານວນຈຸແບັດຈະໜ້ອຍກວ່າລຸ້ນອື່ນ ແຕ່ການໃຊ້ງານຈະດົນກວ່າໝູ່ ເພາະຈາກຊິບເຊັດພຽງ 7 ນາໂນແມັດເຮັດໃຫ້ການສິ້ນເປືອງແບັດຫຼຸດໜ້ອຍລົງ.

ປຽບທຽບກ້ອງຖ່າຍຮູບ


Huawei Nova 5T ມີຄວາມໂດເດັ່ນເລື່ອງກ້ອງຖ່າຍຮູບເປັນເອກະລັກ ເພາະມີກ້ອງໜ້າ ແລະ ກ້ອງຫຼັງລວມກັນເຖິງ 5 ເລນ. ກ້ອງຫຼັງປະກອບດ້ວຍ 4 ເລນມີ: ເລນຫຼັກ Sony IMX586 ຄວາມລະອຽດ 48MP, ເລນກວ້າງ Super Wide Angle ຄວາມລະອຽດ 16MP, ເລນ Depth Camera ຄວາມລະອຽດ 2MP ແລະ ເລນຖ່າຍໄລຍະໃກ້ Macro Camera ຄວາມລະອຽດ 2MP. ສ່ວນກ້ອງຫນ້າມີຄວາມລະອຽດສູງເຖິງ 32MP ພ້ອມລະບົບ AI ຊ່ວຍປັບແຕ່ງພາບໃຫ້ສວຍງາມຂຶ້ນແບບອັດຕະໂນມັດ. ນອກນັ້ນຍັງມີໂໝດ Night Mode ສໍາລັບຖ່າຍຮູບຕອນກາງຄືນ, ມີລະບົບກັນສັ່ນ AIS ກັບ EIS ແລະ ສາມາດດັນຄ່າ ISO ໄດ້ສູງເຖິງ 102400 ເທົ່າກັບກ້ອງ DSLR ບາງລຸ້ນເລີຍ.

ແລະຈາກການປຽບທຽບລຸ້ນກາງຂອງແຕ່ລະຄ້າຍເຫັນວ່າ Huawei Nova 5T ເປັນສະມາດໂຟນລຸ້ນດຽວທີ່ມີກ້ອງຖ່າຍທັງໝົດ 5 ເລນດັ່ງລຸ່ມນີ້:

·         Huawei Nova 5T = ກ້ອງຫຼັງ 48+16+2+2 MP ກ້ອງໜ້າ 32 MP

·         Samsung Galaxy A80 = ກ້ອງໜ້າ 48+8+ 3 MP

·         Samsung Galaxy A70 = ກ້ອງໜ້າ 32+8+5 MP

  • Vivo V15 Pro = ກ້ອງຫຼັງ 48+8+5 MP ກ້ອງໜ້າ 32 MP
  • OPPO Reno = ກ້ອງຫຼັງ 48+5 MP ກ້ອງໜ້າ 16 MP

ຕາຕະລາງປຽບທຽບສະເປັກ

ລາຄາຂອງແຕ່ລະລຸ້ນແມ່ນຫຼຸດລື່່ນກັນບໍ່ຫຼາຍແຕ່ເມື່ອທຽບກັບສະເປັກຂອງແຕ່ລະລຸ້ນເຫັນວ່າ Huawei Nova 5T ມີສະເປັກທີ່ສູງກວ່າໝູ່ເພາະໃຊ້ຊິບເຊັດລະດັບເຮືອທຸງ ແລະ ມີເລນກ້ອງຖ່າຍພາບເຖິງ 5ເລນກ້ອງ ແລະ ດ້ວຍການໃຊ້ຊິບເຊັດລະດັບເຮືອທຸງເຮັດໃຫ້ການໃຊ້ງານຈະປະຢັດແບັດຕາຣີໄດ້ດີຂຶ້ນ ສາມາດຫຼິ້ນເກມ ຟັງເພງ ເບິ່ງໜັງໄດ້ໝົດມື້ໝົດຄືນເລີຍ.

ສໍາລັບທ່ານທີ່ສົນໃຈ Huawei Nova 5T ສາມາດຊື້ໄດ້ທີ່ຮ້ານຄ້າຕົວແທນຫົວເຫວີຍທົ່ວປະເທດ ຫຼື ສາມາດຕິດຕາມຂໍ້ມູນໂປໂມຊັ້ນຫົວເຫວີຍໄດ້ທີ່ເພຈ Huawei Mobile (LA) ຕາມລິ້ງນີ້ເລີຍ: https://www.facebook.com/HuaweimobileLA/


ທີ່ມາ:
  • ຮູບພາບ