• ງານວາງສະແດງຮູບພາບ ພາຍໃຕ້ຫົວຂໍ້ “ພະລັງແຫ່ງການກ້າວເດີນ”

ໂດຍ: ສີເປື້ອນມື 27 ກັນຍາ 2019 (11.30 ນ.) Read : 84

ເນື່ອງໃນໂອກາດວັນສະຖາປະນາ ສປ ຈີນ ຄົບຮອບ 70 ປີ ທີ່ຈະມາເຖິງນີ້ ປະຊາຊົນຈີນເຕັມໄປດ້ວຍຄວາມປິຕິຊົມຊື່ນ ແລະສະແດງຄວາມຮັກຫອມຕໍ່ປະເທດຊາດດ້ວຍຮູບແບບຕ່າງໆ. ດັ່ງນັ້ນ, ທາງວິທະຍຸສາກົນແຫ່ງປະເທດຈີນ CRI ປະຈໍາລາວ ຈຶ່ງພູມໃຈສະເໜີ ງານວາງສະແດງຮູບພາບ ພາຍໃຕ້ຫົວຂໍ້ ພະລັງແຫ່ງການກ້າວເດີນ ໃນວັນທີ 25 ກັນຍາ 2019 ຜ່ານມາ ທີ່ສູນການຄ້າ ວຽງຈັນເຊັນເຕີ ເພື່ອເປັນການອວຍພອນໃຫ້ແກ່ວັນສະຖາປະນາປະເທດຊາດຂອງຕົນ ດ້ວຍການແລກປ່ຽນວັດທະນະທໍາ, ການສົນທະນາດ້ານສິລະປະ ແລະຄວາມຄິດປະດິດສ້າງ.

ທ່ານ ນາງ ສຸດທິດາ ຫົວໜ້າ ວິທະຍຸສາກົນແຫ່ງປະເທດຈີນ CRI ປະຈໍາລາວ ໄດ້ກ່າວວ່າ: ງານວາງສະແດງຮູບພາບຄັ້ງນີ້ ໄດ້ແບ່ງເປັນ 6 ຫົວຂໍ້ ຄື: ສີສັນ (Color),​ ຍ້ອນຍຸກ (The ancient color), ​ການກ້າວເດີນ (Leap), ແສງ ແລະເງົາ (Light & Shadow),​ ການເຄື່ອນເໜັງ (Flow), ການດໍາລົງຊີວິດ (Living) ເຊິ່ງເປັນຫົວຂໍ້ແບບນາມປະທໍາ ແລະເປີກກວ້າງຈິນຕະນາການ ເພື່ອສະແດງໃຫ້ເຫັນເຖິງການປ່ຽນແປງຂອງຈີນ ໂດຍສະເພາະແມ່ນປະເທດຈີນໃນປັດຈຸບັນ. ສອງຊາດ ລາວ-ຈີນ ເປັນປະເທດ ເປັນປະເທດທີ່ມີສາຍນໍ້າພູຜາຕິດຈອດກັນ, ມີມິດຕະພາບທີ່ເປັນມູນເຊື້ອຍາວນານ ແລະການຮ່ວມມືໃນຂົງເຂດຕ່າງໆນັບມື້ນັບແໜ້ນແຟ້ນຂຶ້ນກວ່າເກົ່າ. ສະນັ້ນ, ງານວາງສະແດງຮູບພາບຄັ້ງນີ້ ໄດ້ຕັ້ງເຂດວາງສະແດງຜົນສໍາເລັດ ການຮ່ວມມື ລາວ-ຈີນ ເປັນພິເສດ.

ງານວາງສະແດງຮູບພາບ ພາຍໃຕ້ຫົວຂໍ້ ພະລັງແຫ່ງການກ້າວເດີນ ຈະດໍາເນີນໄປຈົນເຖິງວັນທີ 02 ຕຸລາ 2019 ທີ່ສູນການຄ້າ ວຽງຈັນເຊັນເຕີ ເຊິ່ງຈະເປີດໃຫ້ເຂົ້າຟຣີ.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ