• ໃກ້ຈະສຳເລັດແລ້ວ!! ທາງລົດໄຟ ລາວ-ຈີນ

ໂດຍ: Admin Mahason 24 ກັນຍາ 2019 (10.13 ນ.) Read : 413

     ສຳນັກຂ່າວຊິນຫົວລາຍງານຈາກນະຄອນຫນານຫນິງ ໃນວັນທີ່ 22 ກັນຍາ 2019 ວ່າ ສອນໄຊ ສີພັນດອນ ຮອງນາຍົກລັດຖະມົນຕີລາວ ເປີດເຜີຍຂະນະເດີນທາງຢ້ຽມຢາມເຂດປົກຄອງຕົນເອງກວາງຊີຈ້ວງທາງພາກໃຕ້ຂອງຈີນ ເມື່ອວັນເສົາ (21 ກັນຍາ) ວ່າການການກໍ່ສ້າງທາງລົດໄຟ ລາວ-ຈີນ ມີຄວາມຄືບຫນ້າເກືອບ 80% ແລ້ວ ທ່ານສອນໄຊ ຊື່ງເຂົ້າຮ່ວມງານ ຈີນ-ອາຊຽນ ເອັກຊໂປ (China-ASEAN Expo) ໃນນະຄອນຫນານຫນິງ ກ່າວວ່າທາງລົດໄຟຈີນ-ລາວ ຈະເປັນໂຄງສ້າງພື້ນຖານຫລັກຂອງລະບຽງເສດຖະກິດລະຫວ່າງສອງປະເທດ ລວມເຖິງຈະຊ່ວຍສົ່ງເສີມການຄ້າ ການລົງທືນ

     ອີກຢ່າງ ທາງລົດໄຟ ລາວ-ຈີນ ມີຄວາມໄວອອກແບບ 160 ກິໂລແມັດຕໍ່ຊົ່ວໂມງ ແລະຄາດວ່າຈະດຳເນີນງານຢ່າງເຕັມຮູບແບບພາຍໃນປີ 2021 ຫລັງຈາກມີພິທີວາງສີສາລຶກໃນເດືອນທັນວາ 2015 ແລະເລີ່ມການກໍ່ສ້າງທັງເສັ້ນທາງຢ່າງເປັນທາງການໃນປີຕໍ່ມາ

     ທ່ານສອນໄຊ ກ່າວວ່າຈີນໄດ້ລົງທືນໂຄງການຕ່າງໆໃນລາວທັງຫມົດ 782 ໂຄງການ ຄິດເປັນມູນຄ່າ 1.25 ຫມື່ນລ້ານດອລລາ ເມື່ອນັບຈາກປີ 1988 ເຖິງທ້າຍເດືອນມິຖຸນາປີທີ່ຜ່ານມາ ເຮັດໃຫ້ຈີນເປັນນັກລົງທືນລາຍໃຫ່ຍທີ່ສຸດໃນລາວ ທ່ານຮອງນາຍົກກ່າວເສີມວ່າການລົງທືນຂອງຈີນໃນລາວມຸ່ງເນັ້ນການກໍ່ສ້າງໂຄງພື້ນຖານເປັນຫລັກ ລວມທັງ ໂຮງໄຟຟ້າພະລັງນ້ຳ ທາງຫລວງ ແລະພະລັງງານໄຟຟ້າ

     ການກໍ່ສ້າງທາງລົດໄຟລາວ-ຈີນ ເປັນໜຶ່ງຂອງຄວາມມຸ້ງໝັ້ນຕັ້ງໃຈຂອງລັດຖະບານ ເຂົ້າໃນການເຊື່ອມຈອດຍຸດທະສາດຫັນປະເທດທີ່ບໍ່ມີຊາຍແດນຕິດກັບທະເລໃຫ້ກາຍເປັນປະເທດເຊື່ອມຈອດເຊື່ອມໂຍງ ກັບພາກພື້ນ ແລະ ສາກົນ ຂອງ ສ ປປ ລາວ ກັບຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ຂອງ ສປ ຈີນ, ທິດເໜືອ ເລີ່ມຈາກດ່ານບໍ່ເຕັນ ມາສຸດທີ່ ນະຄອນຫລວງວຽງຈັນ, ມີຄວາມຍາວທັງໝົດ 414 ກິໂລແມັດ, ສຳລັບ ທາງລົດໄຟ ໄດ້ນໍາໃຊ້ມາດຕະຖານ ສປ ຈີນ ແລະ ມາດຕະຖານສາກົນ ໃນການກໍ່ສ້າງ, ອອກແບບຄວາມໄວ ສາມາດແລ່ນລົດໄດ້ 160 ກິໂລແມັດຕໍ່ຊົ່ວໂມງ, ລົດໄຟຂົນສົ່ງຜູ້ໂດຍສານ ແລະ ສິນຄ້າ ແມ່ນໃຊ້ລະບົບຂັບເຄື່ອນໄຟຟ້າ


ທີ່ມາ: ABC Laos News
  • ແທັກທີ່ກ່ຽວຂ້ອງ