• ຫຼາຍຟັງຊັ່ນທີ່ໜ້າສົນໃຈໃນ MITSUBISHI All New Triton 2019

ໂດຍ: ສີເປື້ອນມື 23 ກັນຍາ 2019 (15.04 ນ.) Read : 313

ໃນວັນທີ 20 ກັນຍາ 2019 ທີ່ຜ່ານມາ ຈັດມີການຈັດງານເປີດໂຕລົດລຸ້ນໃໝ່ MITSUBISHI All New Triton 2019  ຢ່າງເປັນທາງການ ທີ່ຫ້ອງຂາຍມິດຊູບິຊິ T2. ໃຫ້ກຽດເຂົ້າຮ່ວມໄດ້ແກ່: ທ່ານ ນາງ ຖາວອນ ວົງສົມບັດ ປະທານກຸ່ມບໍລິສັດ ໂຄລາວ, ທ່ານ ສຸພາວັນ ສໍຣາງກຸນ CEO ບໍລິສັດ Auto World Kolao Developing ຈໍາກັດ,​ ທ່ານ ຊັດຊະວານ ເພີ່ມສຸກຈາຣຸຊັບ ຜູ້ອໍານວຍການໃຫຍ່ MITSUBISHI Motors Laos, Mr. Tay Hong Heng ຜູ້ອໍານວຍການໃຫຍ່ ທະນາຄານ ອິນໂດຈີນ, ທ່ານ ນາງ ຈັນທະນາ ປັນຍາສິຣິ ຫົວໜ້າພະແນກບໍລິຫານ ແລະປະເມີນທຸລະກິດ ກຸ່ມບໍລິສັດໂຄລາວ ແລະທ່ານ ນາງ ລົດແກ້ວ ອິນທະກຸມມານ Presenter MITSUBISHI Motors Laos ພ້ອມດ້ວຍແຂກທີ່ຖືກເຊີນ.

MITSUBISHI All New Triton 2019 ມາພ້ອມຄວາມແຮງ 181 ແຮງມ້າ ຈັກ 2.4L ໄດ້ຖືກແບບອອກແບບໃຫ້ແຂງແກ່ນຍິ່ງຂຶ້ນ,​ ໄຟໜ້າໂປຣເຈັກເຕີແບບ BI-LED ພ້ອມໄຟສ່ອງເວລາກາງເວັນ, ໄຟທ້າຍ ແລະໄຟເບຼກ ແບບ LED ພ້ອມ LED Light Guide, ເພີ່ມໄຟຕັດໝອກດ້ານໜ້າ, ມືຈັບປະຕູຫຼັງແບບໂຄຼມ້ຽມ, ແວ່ນເບິ່ງຂ້າງໂຄຼມ້ຽມ ສາມາດມາດປັບ ແລະພັບໄດ້ດ້ວຍລະບົບໄຟຟ້າ ພ້ອມຕິດໄຟລ້ຽວ, ໂດດເດັ່ນດ້ວຍລໍ້ຂະໜາດ 18 ນີ້ວ, ພວງມະໄລ ມາພ້ອມຫຼາກຫຼາຍຟັງຊັ່ນ ພ້ອມປຸ່ມຄວບຄຸມຕ່າງໆ,​ ລະບົບປັບອາກາດແບບອັດຕະໂນມັດ, ຈໍສະແດງການຂັບຂີ່ແບບສີ ພ້ອມ 3D ANIMATION,​ ກ້ອງຫຼັງ ພ້ອມເຊັນເຊີ. ນອກນັ້ນ, ຍັງມີລະບົບຄວາມປອດໄພຮອບຄັນ ເຊັ່ນ: ລະບົບຄວບຄຸມການຊົງຕົວ, ລະບົບຊ່ວຍອອກໂຕໃນທາງລາດຊັນ, ເພີ່ມຄວາມປອດໄພ ດ້ວຍຖົງລົມນິລະໄພ 7 ຕໍາແໜ່ງ,​ ລະບົບກະແຈອັດສະລິຍະ,​ ລະບົບເສີມແຮງເບຼກ, ລະບົບເບຼກແບບປ້ອງກັນລໍ້ລ໋ອກ ແລະລະບົບຄວບຄຸມກສຍກະຈາຍແຮງເບຼກ. All New Triton 2019 ມີໃຫ້ເລືອກ 6 ສີ ໄດ້ແກ່: ສີຂາວ, ສີປອນເງິນ,​ ສີເທົາ, ສີນໍ້າຕານ,​ ສີດໍາ ແລະສີສົ້ມ.

ສໍາລັບລາຄາທີ່ຈໍາໜ່າຍໃນ ສປປ ລາວ ລຸ່ນຂັບເຄື່ອນສອງລໍ້ເກຍກະປຸກທໍາມະດາ (2WD MT) ແມ່ນ 37.900 USD ຫຼື 341.100.000 ກີບ, ລຸ່ນຂັບເຂື່ອນສີ່ລໍ້ເກຍກະປຸກ (4WD MT) ແມ່ນ 43.900 USD ຫຼື 395.100.000 ກີບ ແລະລຸ້ນຂັບເຄື່ອນສີ່ລໍ້ ເກຍໂອໂຕເມຕິກ (4WD AT) ແມ່ນ 48.900 USD ຫຼື 440.100.000 ກີບ. ສາມາດໄປທົດລອງຂັບກ່ອນຕັດສິນໃຈຊື້ທີ່ ຫ້ອງຂາຍ ມິດຊູບິຊິ T2 ໂທລະສັບ 021 256 280, WhatsApp 020 5758 5555 ຫຼືເພຈເຟສບຸກ MITSUBISHI Motors Laos.


ທີ່ມາ:
  • ຮູບພາບ