• iPhone 11 Pro vs Huawei P30 Pro: ເຮືອທົງລຸ້ນໃດທີ່ຄອງຕໍາແໜ່ງໃນຕອນນີ້!!!

ໂດຍ: ສີເປື້ອນມື 20 ກັນຍາ 2019 (16.39 ນ.) Read : 5,686

ການເປີດໂຕ Apple iPhone 11 ລຸ້ນໃໝ່ເປັນການລໍຄອຍຂອງຫຼາຍຄົນໃນໂລກຂອງເທັກໂນໂລຢີຕອນນີ້ ເນື່ອງຈາກການແຂ່ງຂັນສູງຂອງຕະຫຼາດສະມາດໂຟນເຮັດໃຫ້ຫຼາຍຄົນຕິດຕາມ ແລະ ມີການຈັບເອົາເຮືອທົງຫຼາຍໆຄ້າຍມາປຽບທຽບກັນຢ່າງຫຼວງຫຼາຍເຊັ່ນລຸ້ນເຮືອທົງຂອງຄ້າຍ Huawei ແລະ Samsung ທີ່ເປີດໂຕສະມາດໂຟນເຮືອທົງລຸ້ນໃໝ່ຕະຫຼອດປີ ແລະ ອອກລູກຫຼິ້ນໃໝ່ໆມາໃຫ້ແຟນຄັບໄອທີໄດ້ຕິດຕາມກັນຢ່າງມ່ວນມັນ, ເຊິ່ງຄັ້ງນີ້ທາງເພຈກໍໄດ້ຈັບ Huawei P30 Pro ເຮືອທົງມາແຮງລາຄາປະຢັດມາປຽບທຽບກັບ iPhone 11 Pro ທີ່ຫາກໍເປີດໂຕໃໝ່ສົດໆຮ້ອນ ເປັນແນວໃດມາຕິດຕາມນໍາກັນເລີຍ.

       The New iPhone 11 series            Huawei P30 Pro

- ກ້ອງຫຼັງ

ສໍາລັບລຸ້ນໃໝ່ iPhone 11 Pro ແມ່ນໃຫ້ກ້ອງມາເພີ່ມຈາກເດີມເປັນ 3 ກ້ອງພ້ອມປັບປຸງການຖ່າຍພາບໃນພາວະແສງໜ້ອຍໃຫ້ດີຂຶ້ນ ແລະ ປະສິດທິພາບ HDR ທີ່ດີຂຶ້ນ, ແຕ່ເມື່ອທຽບການຕັ້ງຄ່າກ້ອງໂດຍລວມແມ່ນທາງ Huawei P30 Pro ຈະເຮັດໄດ້ດີກ່ອນເນື່ອງຈາກເປັນກ້ອງ Leica Quad camera ທີ່ມີກ້ອງຫຼັງເຖິງ 4ກ້ອງ ແລະ ຍັງມີປະສິດທິພາບໃນການຊູມເຖິງ 50 ເທົ່າເຮັດໃຫ້ເປັນທີ່ນິຍົມໃນໂລກໂຊຊຽວຫຼາຍໃນຕອນນີ້, ນອກນັ້ນ Huawei P30 Pro ຍັງມີຄຸນສົມບັດໃນການຖ່າຍພາບໃນບ່ອນທີ່ມີແສງໜ້ອຍໄດ້ດີເຊັ່ນກັນ, ມີໂໝດ Macro ຖ່າຍວັດຖຸໃກ້ແບບຄົມຊັດ, ມີ ToF ທີ່ຊ່ວຍເຮັດໃຫ້ການວັດ AR ໂບເກ້ດີຍິ່ງຂຶ້ນ ແລະ ມີ AI Scene Recognition ເຮັດໃຫ້ Huawei P30 Pro ເປັນສະມາດໂຟນທີ່ຄົບເຄື່ອງເລື່ອງກ້ອງເລີຍ.

 

- ແບັດຕາລີ ແລະ ລະບົບສາກໄວ

ສະມາດໂຟນເຮືອທົງຂອງຫົວເຫວີຍໃຊ້ແບັດຕາລີທີ່ໃຫ້ອາຍຸການນໍາໃຊ້ດົນນານ. ສໍາລັບ iPhone 11 pro ໃຫ້ຄວາມຈຸແບັດມາ 3190mAh ພ້ອມລະບົບສາກໄວ 18W ແຕ່ທາງ Huawei P30 Pro ແມ່ນໃຫ້ຄວາມຈຸແບັດ 4200mAh ແລະ 40W ພ້ອມ Super Charge.

- RAM and ROM

ສໍາລັບແຣມ ແລະ ຣອມທາງ iPhone 11 Pro ໃຫ້ແຣມມາທັງໝົດ 4GB ທີ່ຈັບຄູ່ກັບຣອມ 64GB, 256GB ແລະ 512 GB. ສ່ວນດ້ານ Huawei P30 Pro ແມ່ນໃຫ້ຣອມມາ 8GB ທີ່ຈັບຄູ່ກັບພື້ນທີ່ຈັດເກັບຂໍ້ມູນ 256GB ແລະ 512 GB, ສໍາລັບໃຜທີ່ຕ້ອງການຄວາມຈໍາ ແລະ ພື້ນທີ່ຈັດເກັບຂໍ້ມູນແບບໜັກໆກໍຕ້ອງພິຈາລະນາເບິ່ງທາງຄ້າຍຫົວເຫວີຍ. 

- ຂໍ້ສະຫຼຸບລວມ

iPhone 11 Pro ເປັນຜະລິດຕະພັນທີ່ໜ້າປະທັບໃຈທີ່ມີການເພີ່ມກ້ອງມາເປັນ 3 ກ້ອງ ແລະ ປັບປະສິດທິພາບກ້ອງໃຫ້ດີຂຶ້ນ, ທາງດ້ານ Huawei P30 Pro ກໍມີປະສິດທິພາບການຖ່າຍຮູບໄດ້ບໍ່ແພ້ໃຜ ນອກນັ້ນຍັງມີຄວາມເທບໃນການຊູມ ແລະ ຖ່າຍພາບໃນບ່ອນແສງນ້ອຍໄດ້ດີ.

ສໍາລັບໃຜທີ່ກໍາລັງພິຈາລະນາທີ່ຈະຊື້ສະມາດໂຟນຄູ່ໃຈໜ່ວຍໃໝ່ຢາກໄດ້ສະມາດໂຟນທີ່ມີຄວາມໄວແຮງຈຸໃຈ ໃຊ້ໄດ້ຍາວໆກໍແນະນໍາເປັນ iPhone 11 Pro ທີ່ຫາກໍເປີດໂຕມາໃໝ່ໆ, ແຕ່ຖ້າໃຜຢາກໄດ້ສະມາດໂຟນທີ່ມີກ້ອງຖ່າຍພາບມືອາຊີບໃນໂຕ ການອອກແບບທີ່ໂດດເດັ່ນສວຍງາມບໍ່ຊໍ້າໃຜ ລາຄາປະຢັດສາມາດຈັບຕ້ອງໄດ້ກໍແນະນໍາເລີຍ Huawei P30 Pro.

 

iPhone 11 Pro

P30 Pro

Screen

5.8OLED, Super Retina XDR,

82.9%, no 3D Touch

2436 X 1125p (458 ppi)

6.47OLED,

88.6%  , HDR10

2340 x 1080 (398 ppi)

Rear Camera

  1. 12MP, OIS (1/2.55, F1.8)
  2. 12MP2X opticalOIS (1/3.4, F2.0)
  3. 12MPultra-wide, 120°, F2.4

- Night Mode

LEICA Quad-Camera

  1. 40MP Super Sensingf/1.6OIS, Laser AF
  2. 20MP Ultra-widef/2.2, AF, 117°
  3. 8MP, 10x hybrid/ 50x digital zoomf/3.4OISAF
  4. TOF

Memory

6+64 / 6 + 256 / 6 + 512

8+256 / 8+512

HUAWEI NM card

Front Camera

12MP f/2.2, 4K60FPS

32M F2.0

Security

Multi-angle Face ID

Face unlock +

Optical In-Display fingerprint

Battery

3174 mAh

4200mAh

Charging

18W Fast Charge,

Lightning connector

40W HUAWEI Supercharge


ທີ່ມາ: