• ອະຫິວາໝູອາຟຣິກາ ລະບາດໜັກໃນອາຊີ

ໂດຍ: ສີເປື້ອນມື 12 ກັນຍາ 2019 (14.55 ນ.) Read : 191

ຂ່າວ ປະຊາຊາດ ທຸລະກິດ, ອ້າງຕາມ ຂໍ້ມູນຈາກອົງການ ອາຫານ ແລະ ກະສິກຳ ແຫ່ງສະຫະ ປະຊາຊາດ(UN) ລະບຸວ່າ: ປັດຈຸບັນ, ມີຫລາຍປະເທດໃນອາຊີ ພວມຜະເຊີນກັບ ບັນຫາການ ແຜ່ລະບາດ ຂອງພະຍາດອະຫິວາ ໝູອາຟຣິກາ ນັບຕັ້ງແຕ່ ຕົ້ນເດືອນ ເມສາ ທີ່ຜ່ານມາ. ຂະນະທ່ີ ທາງການ ກຳປູເຈຍ ເປີດເຜີຍວ່າ ພະຍາດນີ້ ໄດ້ເລີ່ມແຜ່ລະບາດໜັກ ໃນກຳປູເຈຍ ເປັນຄັ້ງທຳອິດ ເຮັດໃຫ້ກຳປູເຈຍ ໄດ້ກຳຈັດໝູໄປແລ້ວ ເກືອບ 1.000 ໂຕ ເພື່ອຄວບຄຸມ ການແຜ່ລະບາດ ຂອງພະຍາດນີ້ ໃນ 5 ແຂວງທາງພາກໃຕ້ ຂອງປະ ເທດ.

ນອກຈາກນີ້ ເມື່ອເດືອນ ສິງຫາທີ່ຜ່ານມາ ພົບການແຜ່ລະບາດ ຂອງພະຍາດນີ້ ຢູ່ ຫວຽດນາມ ແລະ ຈີນ ເຮັດໃຫ້ ສອງປະເທດ ໄດ້ກຳຈັດໝູດັ່ງກ່າວ ຫລາຍລ້ານໂຕ. ທາງການ ຫວຽດນາມ ໄດ້ກຳຈັດໝູໄປຫລາຍກວ່າ 4,7 ລ້ານໂຕ ຫລັງຈາກ ພະຍາດດັ່ງກ່າວ ໄດ້ແຜ່ລະບາດ ໄປ 63 ແຂວງ  ພາຍໃນປະເທດ. ຂະນະດຽວກັນນັ້ນ ຈີນ ໄດ້ກຳຈັດໝູເຖິງ 100 ລ້ານໂຕ,  ເປັນຕົວເລກຫລາຍທີ່ສຸດ ໃນໂລກ ແລະ  ຈີນ ເປັນປະເທດ ບໍລິໂພກຊີ້ນໝູ ຫລາຍເປັນ ອັນດັບ 1 ຂອງໂລກ.


ທີ່ມາ: ປະເທດລາວ Pathedlao
  • ແທັກທີ່ກ່ຽວຂ້ອງ