• ເປີດນຳໃຊ້ອິນເຕີເນັດຟຣີ ຢູ່ຫຼາຍຈຸດໃນນະຄອນຫຼວງວຽງຈັນ

ໂດຍ: Admin Mahason 05 ກັນຍາ 2019 (09.36 ນ.) Read : 95

     ສປປ ລາວ, ໄດ້ເປີດທົດລອງໃຫ້ມວນຊົນຊົມໃຊັ້ສັນຍານອິນເຕີເນັດໂດຍບໍ່ເສຍຄ່າຢູ່ຫຼາຍເຂດໃນນະຄອນຫຼວງວຽງຈັນ, ພາຍຫຼັງໄດ້ຮັບການສະໜັບສະໜູນຈາກອົງການໂທລະຄົມມະນາຄົມອາຊີ-ປາຊີຟິກ (Asia-Pacific Telecommunkty) ໃນໂຄງການນຳໃຊ້ລະບົບອິນເຕີເນັດຟຣີວາຍຟາຍເພື່ອສົ່ງເສີມການທ່ອງທ່ຽວ ແລະການສຶກສາຢູ່ລາວເປັນເວລາ 1 ປີ, ໂດຍ ກະຊວງໄປສະນີ, ໂທລະຄົມມະນາຄົມ ແລະການສື່ສານໄດ້ຕິດຕັ້ງອຸປະກອນປ່ອຍສັນຍານອິນເຕີເນັດເພື່ອໃຫ້ປະຊາຊົນ ກໍຄືນັກທ່ອງທ່ຽວໄດ້ນຳໃຊ້ໂດຍບໍ່ເສຍຄ່າຢູ່ ສະໜາມບິນສາກົນວັດໄຕ, ສວນສາທາລະນະນຳ້ພຸ ແລະຫໍພິພິທະພັນຫໍພະແກ້ວ.
     ທ່ານຮອງລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໃຫ້ຮູ້ໃນພິທີເປີດໂຄງການດັ່ງກ່າວໃນວັນທີ 3 ກັນຍາ 2019 ນີ້ວ່າ: ປັດຈຸບັນ ອິນເຕີເນັດ ໄດ້ມີບົດບາດສຳຄັນໃນການດຳລົງຊີວິດຂອງຄົນໃນສັງຄົມ, ໂດຍສະເພາະແມ່ນເຮັດໃຫ້ການສື່ສານ, ການຊອກຫາຂໍ້ມູນຂ່າວສານ, ການພົວພັນວຽກງານ, ການດຳເນີນທຸລະກິດຕ່າງໆ ມີຄວາມສະດວ ແລະທັນສະໄໝຫຼາຍຂຶ້ນ, ນອກນີ້ຍັງສາມາຊ່ວຍຊຸກຍູ້ສົ່ງເສີມອຸດສາຫະກຳການທ່ອງທ່ຽວໃນໂລກ ກໍຄືຢູ່ ສປປ ລາວ ເຮົາຂະຫຍາຍຕົວດີຂຶ້ນ.
ผลการค้นหารูปภาพสำหรับ vatai airport
รูปภาพที่เกี่ยวข้อง



ທີ່ມາ: ໜັງສືພິມ ລາວພັດທະນາ
  • ແທັກທີ່ກ່ຽວຂ້ອງ