• ຫລາຍບ້ານ ຢູ່ແຂວງເຊກອງ ໄດ້ຮັບຜົນກະທົບຈາກນໍ້າຖ້ວມ

ໂດຍ: Admin Mahason 04 ກັນຍາ 2019 (10.39 ນ.) Read : 146

      ຂປລ. ແຫລ່ງຂ່າວຈາກ ແຂວງເຊກອງ ໄດ້ໃຫ້ຮູ້ວ່າ: ເຊກອງ ກໍເປັນແຂວງໜຶ່ງທີ່ໄດ້ຮັບຜົນກະທົບຈາກພະຍຸດີເປຣເຊິນ ເຊິ່ງຝົນຕົກແຮງຕິດຕໍ່ກັນຫລາຍຊົ່ວໂມງໃນລະຫວ່າງວັນທີ 2-3 ກັນຍາ 2019 ໄດ້ໃຫ້ນໍ້າໃນຫ້ວຍຮ່ອງຄອງບຶງ, ຫ້ວຍຕ່າງໆທີ່ເປັນສາຂາຂອງນໍ້າເຊກອງ ເພີ່ມຂຶ້ນຢ່າງໄວ ແລະ ໄຫລເຂົ້າຖ້ວມໂຮງຮຽນ, ເສັ້ນທາງຄົມມະນາຄົມ, ເນື້ອທີ່ການຜະລິດ ແລະ ບ້ານເຮືອນຂອງປະຊາຊົນເສຍຫາຍຫລາຍສົມຄວນ.
      ສະເພາະຜົນເສຍຫາຍ ຢູ່ເມືອງລະມາມ ປະກອບມີເນື້ອທີ່ນາ, ເສັ້ນທາງ, ຂົວຫ້ວຍວີບ້ານໂພນ, ບ້ານໜອງບົງ-ຫ້ວຍຂຽວ, ໂຮງຮຽນປະຖົມບ້ານວັດຫລວງ, ເສັ້ນທາງເຂົ້າບ້ານປາກໂທນ, ຮ້ານອາຫານຂົວເຊກອງ, ເຂດຫ້ວຍເຫີບບ້ານເພຍໃໝ່, ເສັ້ນທາງຫລວງ (ເຊກອງ-ອັດຕະປື), ຂົວຫ້ວຍລໍາພັນເຂດບ້ານລະວີຝັ່ງແດງ, ບ້ານເຊນໍ້ານ້ອຍ ແລະ ບ່ອນອື່ນໆ. ສ່ວນຢູ່ເມືອງທ່າແຕງ, ເມືອງກະລຶມ ແລະ ເມືອງດາກຈຶງ ເນື້ອທີ່ການຜະລິດ, ເຮືອນຊານ ບ້ານຊ່ອງ ແລະ ພື້ນຖານໂຄງລ່າງຂອງ ກໍໄດ້ຮັບຜົນກະທົບຈາກນໍ້າຖ້ວມເຊັ່ນດຽວກັນກັນ.
ຈາກເຫດດັ່ງກ່າວ ການນໍາຂອງແຂວງ ແລະ ການນໍາຂອງແຕ່ລະເມືອງ ກໍໄດ້ສົ່ງກໍາລັງທະຫານ ລວມທັງຂະແໜງການກ່ຽວຂ້ອງລົງຊ່ວຍເຫລືອປະຊາຊົນທີ່ໄດ້ຮັບຜົນກະທົບ, ສ່ວນຕົວເລກຜົນເສຍຫາຍ ແມ່ນຍັງຢູ່ໃນຂັ້ນຕອນການຮວບຮວມຂອງພາກສ່ວນກ່ຽວຂ້ອງ.


ในภาพอาจจะมี หนึ่งคนขึ้นไป, ผู้คนกำลังยืน และสถานที่กลางแจ้ง

ในภาพอาจจะมี 1 คน, กำลังยืน, กำลังเดิน และสถานที่กลางแจ้ง

ในภาพอาจจะมี สถานที่กลางแจ้ง

ในภาพอาจจะมี 3 คน, คนที่ยิ้ม, ผู้คนกำลังยืน, ท้องฟ้า, สถานที่กลางแจ้ง, ธรรมชาติ และน้ำ

ในภาพอาจจะมี หนึ่งคนขึ้นไป, ผู้คนกำลังยืน, สถานที่กลางแจ้ง และธรรมชาติ



ທີ່ມາ: ປະເທດລາວ
  • ແທັກທີ່ກ່ຽວຂ້ອງ