• ແຈ້ງການດ່ວນ ເຝົ້າລະວັງ ກຽມປ້ອງກັນ ແລະຊ່ວຍເຫລືອໄພນຳ້ຖ້ວມທົ່ວແຂວງຈຳປາສັກ

ໂດຍ: Admin Mahason 03 ກັນຍາ 2019 (09.14 ນ.) Read : 232

     ປະທານຄະນະກຳມະການປ້ອງກັນແລະຄວບຄຸມໄພພິບັດຂັ້ນແຂວງຂໍຖືເປັນກຽດແຈ້ງມາຍັງທ່ານເພື່ອຮັບຊາບ ກ່ຽວກັບພາຍຸ ດີເປຼຊັນ ທີ່ເພີ່ມກຳລັງແຮງຂື້ນເປັນພະຍຸຫນູນເຂດຮ້ອນ ແລະ ຈະພັດຜ່ານບັນດາແຂວງພາກກາງແລະພາກໃຕ້ ໃນຕອນເຊົ້າຂອງວັນທີ່ 3 ກັນຍາ 2019; ຕາມການແຈ້ງເຕືອນຂອງກົມອຸຕຸນິຍົມແລະອຸທົກກະສາດ, ກະຊວງຊັບພະຍາກອນທຳມະຊາດແລະສິ່ງແວດລ້ອມ ສະບັບເລກທີ 1227/ກອຕທ, ລົງວັນທີ່ 2/9/2019 ສົມທົບກັບລະດັບນ້ຳຂອງ (ປາກເຊ) ປະຈຸບັນ 11,42 ແມັດ (ເວລາ 16:00 ໂມງ, ວັນທີ່ 2/9/2019) ເຂດລະວັງໄພ 11 ແມັດ ແລະ ເຂດອັນຕະລາຍ 12 ແມັດ ຊື່ງມີແນວໂນ້ມຈະເພີ່ມຂື້ນອີກ; ສະນັ້ນ ເພື່ອເປັນການຕອບໂຕ້ສະພາບດັ່ງກ່າວ ຈື່ງແຈ້ງເຕືອນມາຍັງອຳນາດການປົກຄອງທຸກພາກສ່ວນແລະພໍ່ແມ່ປະຊາຊົນຊາວແຂວງຈຳປາສັກ ໂດຍສະເພາະ ຄະນະກຳມະການແລະກອງເລຂາຄະນະກຳມະການປ້ອງກັນ ແລະ ຄວບຄຸມໄພພິບັດຂັ້ນຕ່າງໆ ຕ້ອງເປັນເຈົ້າການຕິດຕາມສະພາບໄພພິບັດ (ນ້ຳຖ້ວມ) ທີ່ອາດຈະເກີດຂື້ນ ເພື່ອແຈ້ງໄປຍັງພໍ່ແມ່ປະຊາຊົນກະກຽມຮັບມືຢ່າງທັນການ; ພ້ອມກັນນັ້ນ ກໍ່ໃຫ້ເກັບກາສະພາບໄພພິບັດ (ຜູ້ປະສົບໄພ ແລະ ຜົນເສຍຫາຍ) ທີ່ເກີດຂື້ນ ລາຍງານຕໍ່ກອງເລຂາຂັ້ນແຂວງເພື່ອສັງລວມລາຍງານຂັ້ນເທີງພິຈາລະນາຊ່ວຍເຫຼືອໄດ້ຢ່າງທັນການ. ດັ່ງນັ້ນຈື່ງແຈ້ງມາຍັງບັນດາທ່ານເພື່ອຊາບ ແລະ ຈັດຕັ້ງປະຕິບັດຕາມເນື້ອໃນແຈ້ງສະບັບນີ້ດ້ວຍ.


ທີ່ມາ: onenewslaos
  • ແທັກທີ່ກ່ຽວຂ້ອງ