• Nera Shop ຈໍາໜ່າຍສິນຄ້າ ລາຄາທຽບເທົ່າຝັ່ງໄທ

ໂດຍ: ສີເປື້ອນມື 02 ກັນຍາ 2019 (16.27 ນ.) Read : 140

ໃນວັນທີ 30 ສິງຫາ 2019 ທີ່ຜ່ານມາ ໄດ້ມີການຈັດງານເປີດຮ້ານ Nera Shop ຢ່າງເປັນທາງການ ທີ່ສູນການຄ້າ ທາດຫຼວງ ພລາຊ່າ. ໃຫ້ກຽດເຂົ້າຮ່ວມໃນພິທີດັ່ງກ່າວມີ: ທ່ານ ຈັນສະໝອນ ສີສະຫວາດ ຮອງຫົວໜ້າກົມສົ່ງເສີມການຄ້າ, ທ່ານ ສົມສະນຸກ ມີໄຊ ຮອງປະທານສະມາຄົມນັກຂ່າວແຫ່ງ ສປປ ລາວ, ທ່ານ ສົມບັດ ສິລິພອນວິທະຍາ ຜູ້ອໍານວຍການ ສູນການຄ້າ ທາດຫຼວງ ພລາຊ່າ, ທ່ານ ນາງ ນິລະນຸດ ບຸນຂັນ ເຂົ້າຂອງຮ້ານ Nera Shop, ທ່ານ ແອໃຫຍ່ ແກ້ວລາດຊະວົງ ເຈົ້າຂອງສູນສອນເຕັ້ນ X-Junior, ທ່ານ ນາງ ຕຸກຕາ ດາລາວົງ ປະທານບໍລິສັດ ຄູນຊັບທະວີ ຈໍາກັດ ແລະທ່ານ ນາງ ດົນນາພາ ລັດນະພາ ລັດທະນາກອນ ເຈົ້າຂອງສິນຄ້າ DP ສະກີນ ພ້ອມດ້ວຍແຂກທີ່ຖືກເຊີນຢ່າງຫຼວງຫຼາຍ.

ຈຸດປະສົງຂອງການເປີດຮ້ານ Nera Shop ຢູ່ສູນການຄ້າ ທາດຫຼວງ ພລາຊ່າ ແມ່ນເພື່ອຢາກໃຫ້ປະຊາຊົນລາວ ໂດຍສະເພາະກໍແມ່ນໃນນະຄອນຫຼວງວຽງຈັນ ໄດ້ຊົມໃຊ້ສິນຄ້າດີ ມີຄຸນນະພາບທີ່ນໍາເຂົ້າຈາກປະເທດໄດ້ໂດຍກົງ, ເປັນອີກຕົວເລືອກໜຶ່ງທີ່ເພີ່ມຄວາມສະດວກສະບາຍໃຫ້ແກ່ລູກຄ້າ ໂດຍບໍ່ຈໍາເປັນຕ້ອງເດີນທາງໄປຊື້ສິນຄ້າຢູ່ຝັ່ງໄທດ້ວຍຕົນເອງອີກແລ້ວ ພ້ອມຍັງໄດ້ລາຄາທີ່ທຽບເທົ່າກັບຢູ່ຝັ່ງນັ້ນອີກດ້່ວຍ. Nera Shop ເປັນຮ້ານຄ້າທີ່ຈໍາໜ່າຍເຄື່ອງອຸປະໂພກ-ບໍລິໂພກ ຫຼາຍປະເພດທີ່ນໍາເຂົ້າຈາກປະເທດ 100 ກວ່າລາຍການ ບໍ່ວ່າຈະເປັນເຄື່ອງໃຊ້ທົ່ວໄປ, ອາຫານກສໍາເລັດຮູບ, ເຄື່ອງຝາກເຄື່ອງຕ້ອນ ເຄື່ອງສໍາອາງ... ເຊິ່ງເປັນສິນຄ້າ SME ທີ່ມີຄຸນນະພາບໄດ້ມາດຕະຖານຂອງ ODOP. ສໍາລັບທ່ານໃດສົນໃຈຢາກໄປຊື້ສິນຄ້າດີ, ລາຄາຖືກ ກໍສາມາດໄປໄດ້ທີ່: ຮ້ານ Nera Shop ຕັ້ງຢູ່ ຊັ້ນ 1 ຂອງສູນການຄ້າ ທາດຫຼວງ ພລາຊ່າ.

 


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ

  • Nera Shop