• ໜ່ວຍສະເພາະກິດແຂວງບໍ່ແກ້ວ ຢຶດຢາເສບຕິດໄດ້ 13 ເປົາ

ໂດຍ: Admin Mahason 29 ສິງຫາ 2019 (11.46 ນ.) Read : 174

      ຂປລ. ແຫລ່ງຂ່າວຈາກແຂວງບໍ່ແກ້ວ ໄດ້ໃຫ້ຮູ້ວ່າ: ໃນຄ່ຳຄືນ ວັນທີ 28 ສິງຫາ 2019, ໜ່ວຍສະເພາະກິດ ຂອງກອງບັນຊາການທະຫານແຂວງບໍ່ແກ້ວ ໄດ້ກວດຢຶດຢາເສບຕິດ ປະເພດຢາບ້າ ຈຳນວນ 13 ເປົາ, ມີທັງໝົດ 1.280 ມັດ, ໜັກ 295 kg ພາຍຫລັງໄດ້ຮັບແຫລ່ງຂ່າວຈາກພົນ ລະເມືອງດີ ວ່າຈະມີການຂົນສົ່ງຢາເສບຕິດລາຍໃຫຍ່ ຢູ່ເຂດບ້ານປາກງາວ ຫາບ້ານຫ້ວຍຕາບ ເມືອງຫ້ວຍຊາຍ ແຂວງບໍ່ແກ້ວ ດັ່ງນັ້ນເຈົ້າໜ້າທີ່ກ່ຽວຂ້ອງຈຶ່ງໄດ້ລົງຕິດຕາມກວດກາ ແລະ ສາມາດຢຶດຂອງກາງໄວ້ໄດ້ ສ່ວນຜູ້ລັກລອບຄ້າຂາຍແມ່ນໄດ້ຫລົບໜີເຂົ້າໄປໃນປ່າ.
      ປັດຈຸບັນ ເຈົ້າໜ້າຕໍາຫລວດ ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ກຳລັງເລັ່ງພວມສືບສວນ-ສອບສວນ ຊອກຫາກຸ່ມແກ້ງຄ້າ-ຂາຍຢາເສບຕິດມາດໍາເນີນຄະດີ ຕາມຂັ້ນຕອນຂອງລະບຽບກົດໝາຍ. ສ່ວນຢາເສບຕິດຈຳນວນດັ່ງກ່າວ ແມ່ນໄດ້ມອບໃຫ້ຫ້ອງຕໍາຫລວດ ພະແນກສະກັດກັ້ນ ແລະ ຕ້ານຢາເສບຕິດ ເພື່ອດໍາເນີນການຕໍ່ໄປ.
ພາບ-ຂ່າວ: ຮທ ວິທູນ ແກ້ວກັນຍາ


ທີ່ມາ: ປະເທດລາວ
  • ແທັກທີ່ກ່ຽວຂ້ອງ