• ເປີດໃຫ້ຈອງແລ້ວ SAMSUNG Galaxy Note 10 I 10+

ໂດຍ: ສີເປື້ອນມື 10 ສິງຫາ 2019 (14.45 ນ.) Read : 64

ໃນວັນທີ 09 ສິງຫາ 2019 ທີ່ຜ່ານມາ ໄດ້ມີການເປີດໂຕສະມາດໂຟນຮຸ່ນໃໝ່ SAMSUNG Galaxy Note 10 I 10+ ຢ່າງເປັນທາງການໃນ ສປປ ລາວ ທີ່ໂຮງແຮມ ຄລາວ ພລາຊ່າ ວຽງຈັນ. ໃຫ້ກຽດເຂົ້າຮ່ວມໄດ້ແກ່: ທ່ານ ນາງ ອໍລະວັນ ຕັ້ງກະມົນສະຖາພອນ ຫົວໜ້າພະແນກມືຖື ລາວຊໍາຊຸງ ອີເລັກໂຕນິກ, ທ່ານ ນາງ ຈິນດາວອນ ບຸນນະລາດ Product Marketing  ແລະທ່ານ ທອມມີ້ ດິດທະວົງ Product Marketing ແລະທ່ານ ສຸພານິດ ວົງແສງທອງ Marketing Communication ພ້ອມດ້ວຍແຂກທີ່ຖືກເຊີນ.

SAMSUNG Galaxy Note 10+ ມີ RAM 12GB/ROM 256GB ແລະ SAMSUNG Galaxy Note 10 ມີ RAM 8GB/ROM 256GB ເຊິ່ງມີໜ່ວຍຄວາມຈໍາທຽບເທົ່າກັບ Laptop. ປະມວນຜົນຢ່າງວ່ອງໄວດ້ວຍ HyperFast Exynos 9825 (ຂະໜາດ 7ນາໂນແມັດ, ມີຄວາມແຮງ 2.7 GHz) ເຊິ່ງປະມວນຜົນໄວຂຶ້ນ 20.7%, ກຣາບຟຣິກເຟຼມດີຂຶ້ນ 45% ແລະປະຢັດພະລັງງານລົງ 18%. ໜ້າຈໍ Dynamic AMOLED Infinity-O, Cinematic Display ສະແດງຜົນທີ່ມີຄຸນນະພາບສົມຈິງ ພ້ອມກັບການອອກແບບໃໝ່ ໂດຍການຍ້າຍປຸ່ມເພີ່ມ-ຫຼຸດລົງສຽງ ແລະ Power ໄວ້ໃນດ້ານດຽວກັນ.

ປະສົບການໃໝ່ໃນການຂຽນດ້ວຍ S Pen ມາພ້ອມກັບສຽງທີ່ຫຼາກຫຼາຍ ແລະເປີດໂລກໃໝ່ຂອງການໃຊ້ສະມາດໂຟນເທິງເຄື່ອງຄອມພິວເຕີ ເຊິ່ງສາມາດໃຊ້ເຊື່ອມຕໍ່ຜ່ານສາຍ USB, ໂອນຂໍ້ມູນຢ່າງສະດວກສະບາຍ, ນໍາໃຊ້ໄດ້ທັງ Mac ແລະ PC. ນອກຈາກນັ້ນ, ຍັງເປັນສະມາດໂຟນທີ່ສ້າງມາເພື່ອເອົາໃຈສາຍເກມໂດຍສະເພາະ ໃນໂໝດ Game Booster

ພັດທະນາການຖ່າຍວີດິໂອດ້ວຍສະມາດໂຟນ ເພີ່ມໂໝດ Super Steady ທີ່ບັນທຶກພາບເຄື່ອນໄຫວໄດ້ສະຖຽນກວ່າເກົ່າ (2 ໂໝດ VDO ແລະHyper lapse) ແລະຖ່າຍພາບເຄື່ອນໄຫວແບບ Live Focus ທີ່ມາພ້ອມ 4 ຕົວເລືອກ. ການຕັດຕໍ່ພາບເຄື່ອນໄຫວແບບມືອາຊີບ ເຊິ່ງຈະເພີ່ມປະສິທິພາບໃນການຕັດຕໍ່ວີດິໂອໄດ້ຫຼາກຫຼາຍຂຶ້ນ, ສາມາດນໍາໃຊ້ S Pen ໃນການຕົກແຕ່ງ ແລະຂຽນ ເພື່ອສ້າງວີດິໂອໃຫ້ມີສີສັນ ດ້ວຍ 5 ຮູບແບບ ເຊັ່ນ: Arranging (add&Edit), Screen Transition effects, Subtitle insertion, Spen Writing & Drawing ແລະ Speed adjustment.

ໂໝດເພີ່ມຕື່ມໃນການຖ່າຍພາບ ໄດ້ແກ່: ໂໝດ Night Shot ເຊິ່ງຮອງຮັບທັງກ້ອງໜ້າ-ຫຼັງ, ໂໝດ Shot Suggestions ເປັນການແນະນໍາຕໍາແໜ່ງກ້ອງທີ່ດີທີ່ສຸດ, ໂໝດ Scene Optimizer ສາມາດປັບໄດ້ເຖິງ 30 ຮູບແບບ ແລະໂໝດ Instagram ເປັນການອັບໂຫຼດເຂົ້າ Feed/Story.

ສີທີ່ຈໍາໜ່າຍໃນ ສປປ ລາວ ມີ: ສີ Aura Glow ແລະAura Black ສໍາລັບ SAMSUNG Galaxy Note 10+ ແລະ ສີ Aura White ແລະ Aura Glow ສໍາລັບ SAMSUNG Galaxy Note 10.

SAMSUNG Galaxy Note 10 I 10+ ໄດ້ເປີດໃຫ້ຈອງແລ້ວນັບຕັ້ງແຕ່ມື້ນີ້ເປັນຕົ້ນໄປຈົນເຖິງ ວັນທີ 21 ສິງຫາ 2019. ລາຄາສໍາລັບ SAMSUNG Galaxy Note 10 ແມ່ນ 8.490.000 ກີບ ພ້ອມຮັບຂອງແຖມ Galaxy Buds ມູນຄ່າ 1.125.000 ກີບ ຟຣີ ແລະ SAMSUNG Galaxy Note 10+ ແມ່ນ 9.790.000 ກີບ ພ້ອມໄດ້ຮັບການອັບເກຼດເຄື່ອງເປັນຄວາມຈຸ 512GB ຟຣີ (ໂປຼໂມຊັ່ນນີ້ສະເພາະຮ້ານຄ້າທີ່ເຂົ້າຮ່ວມລາຍການ)


ທີ່ມາ:
  • ຮູບພາບ