• ເຈົ້າຫນ້າທີ່ໄທ ຈັບນັກສຶກສາລາວ ລັກລອບຂົນຢາອີ ມູນຄ່າປະມານ 10 ລ້ານບາດເຂົ້າໄທ

ໂດຍ: Admin Mahason 09 ສິງຫາ 2019 (09.48 ນ.) Read : 1,836

     ສື່ໄທລາຍງານໃຫ້ຮູ້ວ່າ ເມື່ອຕອນແລງວັນທີ່ 7 ສິງຫາ 2019 ທີ່ດ່ານຊາຍແດນຂົວມິດຕະພາບໄທ-ລາວ ແຫ່ງທີ່ 1 ແຂວງຫນອງຄາຍ ທ່ານສົມບັດ ມອນທອງ ຫົວຫນ້າຝ່າຍສືບສວນແລະປາບປາມດ່ານພາສີຫນອງຄາຍ ແລະທ່ານກຽງສັກ ຈັນທອນທິມ ຫົວຫນ້າຝ່າຍຄວບຄຸມ ແລະກວດສອບທາງສູນພາສີພ້ອມເຈົ້າຫນ້າທີ່ຫນອງຄາຍ ໄດ້ຈັບກຸມທ້າວສຸລິໂຍ ພຸດທະວົງ ນັກສຶກສາຊາວລາວອາຍຸ 20 ປີ ຢູ່ບ້ານດອນແດງ ເມືອງຈັນທະບູລີ ນະຄອນຫລວງວຽງຈັນ ກໍ່ເຫດລັກລອບນຳເຂົ້າຢາອີຈຳນວນ 10.095 ເມັດ ມູນຄ່າປະມານ 10 ລ້ານບາດ ບັນຈຸກ່ອງບັນຈຸເຈ້ຍສີນຳ້ຕານ ເຊື່ອງໃນກະເປົາເປ້ ຊື່ງທ້າວສຸລິໂຍນັ່ງມາກັບລົດເມຮັບຈ້າງຄັນຫນື່ງ ຫລັງຈາກເຈົ້າຫນ້າທີ່ພົບທ່າທາງມີພິລຸດຈື່ງໄດ້ຮຽກກວດຄົ້ນກະເປົາເປ້ທີ່ວາງຢູ່ພາຍໃນລົດຈື່ງຄວບຄຸມໂຕໄວ້


      ສອບຖາມເບື້ອງຕົ້ນ ທ້າວສຸລິໂຍ ຜູ້ຕ້ອງຫາໃຫ້ການວ່າ ມີທ້າວໂຕ້ຊາວລາວທີ່ຮູ້ຈັກກັນໄດ້ວ່າຈ້າງໃຫ້ຕົນນຳກະເປົາເປ້ດັ່ງກ່າວໂດຍທ້າວໂຕ້ບອກວ່າເປັນໄມ້ປິດສະຫນາໃຫ້ໄປສົ່ງທີ່ສະຖານີຂົນສົ່ງຜູ້ໂດຍສານແຂວງອຸດອນ ແລ້ວຈະມີຄົນໄທມາຖ້າຮັບ ແຕ່ກັບຖືກເຈົ້າຫນ້າທີ່ຈັບກຸມໂຕເສຍກ່ອນ ຊື່ງຕົນຄິດວ່າເປັນໄມ້ປິດສະຫນາແທ້ ບໍ່ຄິດວ່າຈະເປັນຢາເສບຕິດ
     ພາຍຫລັງສອບຖາມເບື້ອງຕົ້ນເຈົ້າຫນ້າທີ່ພາສີຫນອງຄາຍໄດ້ສົ່ງໂຕຜູ້ຕ້ອງຫາພ້ອມຂອງກາງໃຫ້ພະນັກງານສືບສວນ ສອບສວນ ສນ ເມືອງຫນອງຄາຍ ເພື່ອດຳເນີນຄະດີຕາມກົດຫມາຍຕໍ່ໄປ


ທີ່ມາ: onenewslaos
  • ແທັກທີ່ກ່ຽວຂ້ອງ