• “ເບີດ” ທົງໄຊ ບໍລິຈາກ 100.000 ບາດ ໃຫ້ຜູ້ປະສົບໄພນໍ້າຖ້ວມໃນລາວ

ໂດຍ: ສີເປື້ອນມື 01 ສິງຫາ 2019 (11.50 ນ.) Read : 19,706

ເບີດ ທົງໄຊ ແມັກອິນໄຕ ຮ່ວມກັບ  ພະລະພົນທະຊະພົນ ພົນກອງເສັງ ແລະ ຕັກກະແຕນ ຊົນລະດາ ທອງຈຸລະກາງ ຮ່ວມສົ່ງກໍາລັງໃຈໃຫ້ກັບພີ່ນ້ອງທາງປະເທດລາວເຮົາ ຈາກກໍລະນີທີ່ປະສົບກັບໄພພິບັດຄັ້ງຍິ່ງໃຫຍ່ທາງພາກໃຕ້ຂອງລາວ ນັ້ນກໍຄືເຫດສັນເຂື່ອນເຊປຽນ-ເຊນໍ້ານ້ອຍແຕກ ເຮັດໃຫ້ຫຼາຍບ້ານໄດ້ຮັບຜົນກະທົບ ແລະການສູນເສຍຄັ້ງໃຫຍ່ ທັງສາມຄົນຈຶ່ງໄດ້ສົ່ງກໍາລັງໃຈມາຊ່ວຍເຫຼືອ ໂດຍຕົ້ນສັງກັດ ຄື ບໍລິສັດ ຈີເອັມເອັມ ແກຼມມີ່ ຈໍາກັດ (ມະຫາຊົນ) ໄດ້ຮ່ວມບໍລິຈາກເງິນຊ່ວຍເຫຼືອຈໍານວນ 100.000 ບາດ ຫຼືປະມານ 28 ລ້ານກວ່າກີບ ແລະພ້ອມດຽວກັນນີ້ ເບີດ ທົງໄຊ ແມັກອິນໄຕ ກໍໄດ້ຮ່ວມບໍລິຈາກເງິນຊ່ວຍເຫຼືອຈໍານວນ 100.000 ບາດເຊັ່ນກັນ.

ເບີດ ທົງໄຊ ແມັກອິນໄຕ ໄດ້ກ່າວວ່າ:​ ເບີດ ຂອງສົ່ງກໍາລັງໃຈໃຫ້ທຸກຄົນ, ຂໍໃຫ້ທຸກຄົນປອດໄພ ແລະຂໍເຊີນຊວນພວກເຮົາທຸກຄົນຊ່ວຍກັນບໍລິຈາກ ແລະໃຫ້ຄວາມຊ່ວຍເຫຼືອແກ່ພີ່ນ້ອງຊາວລາວ. ຜ່ານມາ ເບີດ ກໍໄດ້ມີໂອກາດຮ່ວມງານກັບກາເຟດາວ ແລະບໍລິສັດ ດາວເຮືອງ ກຣຸບ ຈໍາກັດ ເບີດ ຮູ້ສຶກປະທັບໃຈ ແລະອົບອຸ່ນຄືກັບໄດ້ຮ່ວມງານກັບຄອບຄົວດຽວກັນ ທີ່ສໍາຄັນຄືປະເທດໄທ ແລະລາວ ເປັນປະເທດບ້ານໃກ້ເຮືອນຄຽງທີ່ຜູກມິດໄມຕີ, ມີຄວາມຮັກຄວາມຜູກພັນກັນມາຍາວນານ. ດັ່ງນັ້ນ, ໃນພາວະສຸກເສີນແບບນີ້ ເຮົາສາມາດຊ່ວຍເຫຼືອຫຍັງໄດ້ກໍໃຫ້ຊ່ວຍເຫຼືອກັນໄປຄົນລະເລັກຄົນລະໜ້ອຍ.


ທີ່ມາ: https://www.nationtv.tv/main/content/378644197?qj&fbclid=IwAR3Z3lrIGPb9U-sIqUKgrPmjwGDLCru2WznSVGWrpa0yqW5EhrsJL8M37Go
  • ແທັກທີ່ກ່ຽວຂ້ອງ