• VIENTIANE CENTER MOTORS SHOW 2019 ໃນລະຫວ່າງ ວັນທີ 27 ກໍລະກົດ ຫາ 04 ສິງຫາ 2019 ທີ່ສູນການຄ້າ ວຽງຈັນເຊັນເຕີ.

ໂດຍ: ສີເປື້ອນມື 29 ກໍລະກົດ 2019 (18.48 ນ.) Read : 135

ໃນວັນທີ 27 ກໍລະກົດ 2019 ທີ່ຜ່ານມາ ໄດ້ມີການຈັດງານຖະແຫຼງຂ່າວເປີດງານ VIENTIANE CENTER MOTORS SHOW 2019 ຢ່າງເປັນທາງການ ທີ່ສູນການຄ້າ ວຽງຈັນເຊັນເຕີ. ໃຫ້ກຽດເຂົ້າຮ່ວມງານໄດ້ແກ່: ທ່ານ ສົມສະໜຸກ ມີໄຊ ຮອງປະທານ ສະມາຄົມນັກຂ່າວແຫ່ງ ສປປ ລາວ, ທ່ານ ນາງ ສະຫວັນທອງ ອຸ່ນມີໄຊ ຮອງຜູ້ອໍານວຍການ ບໍລິສັດ ພັດທະນາ ເສດຖະກິດການຄ້າຄົບວົງຈອນ ໜອງຈັນຕອນເໜືອ ຈໍາກັດ, ທ່ານ ຄໍາພຸດ ພັນປາຈິດ ຫົວໜ້າກອງຄຸ້ມຄອງ ພາຫະນະ ແລະການຂັບຂີ່ ນະຄອນຫຼວງວຽງຈັນ,​ທ່ານ ໂອເງິນ ປັນຍານຸວົງ ຫົວໜ້າພະແນກກົມພັດທະນາ ການທ່ອງທ່ຽວ, ທ່ານ ຊຸຍໂປ ຮອງອໍານວຍການ ສູນການຄ້າ ວຽງຈັນເຊັນເຕີ, ທ່ານ ນາງ ນວນສີ ມະຫັດທະນະວິໂຣດ ຮອງຜູ້ອໍານວຍການ ສູນການຄ້າ ວຽງຈັນເຊັນເຕີ ແລະທ່ານ ອະພິຊາດ ສະຫວັດມົງຄຸນ ຫົວໜ້າການຕະຫຼາດ ອີເວັ້ນມາເກັດຕິ້ງ ສູນການຄ້າ ວຽງຈັນເຊັນເຕີ ພ້ອມດ້ວຍບັນດາຜູ້ສະໜັບສະໜູນຈາກບໍລິສັດຕ່າງໆ ຈໍານວນ 17 ບໍລິສັດ ໄດ້ແກ່: ບໍລິສັດ ຕັນຈົງ ມໍເຕີລາວ ຈໍາກັດຜູ້ດຽວ (NISSAN), ບໍລິສັດ ນິວຈິບເຊັງ ຈໍາກັດ (Honda), ບໍລິສັດ ລາວໂຕໂຍຕ້າບໍລິການ ຈໍາກັດ (TOYOTA), ບໍລິສັດ ແກ້ວໂອໂຕກຣຸບ ຈໍາກັດ (Mazda), ບໍິລສັດ ເຄພີ 3ຈີ ໂນມູລະ ເທຼດດິງ ຈໍາກັດ (SUZUKI), ບໍລິສັດ ອີຊູຊຸລາວ ບໍລິການ ຈໍາກັດຜູ້ດຽວ (ISUZU), ບໍລິສັດ ອີຊູຊຸລາວ VSA ຈໍາກັດ (ISUZU), ບໍລິສັດ ວຽງຈັນ ມໍເຕີມາເກັດ ຈໍາກັດ (MG), ບໍລິສັດ ເອັສທີ ເມືອງໄທປະກັນໄພ ຈໍາກັດ, ບໍລິສັດ ກຸງສີ ບໍລິການເຊົ່າສິນເຊື່ອ ຈໍາກັດ, ຮ້ານ ບີບີ ໂອໂຕຊ໋ອບ, ເຄື່ອງຕົກແຕ່ງລົດໄອລ້ອນແມນ, ບໍລິສັດ ເຄບີທີ ໂປເຟັສຊັ່ນນໍ ຄາຄັອດຕິ້ງ ຈໍາກັດ, ບໍລິສັດ ປານຄໍາຈໍາປາ ຈໍາກັດຜູ້ດຽວ, ສະຫະພັນກີລາອີສະປອດ ແຫ່ງຊາດລາວ, ອາໝີ ເມັກອັບ (Armee Make Up), Major Platinum Cineplex Blu-O Rhythm & Bowl.

ສໍາລັບປີນີ້ຈັດຂຶ້ນເປັນປີທີ 3 ພາຍໃຕ້ຫົວຂໍ້ ອົບອຸ່ນປອດໄພ ທ່ຽວສະບາຍໄປກັບວຽງຈັນເຊັນເຕີມໍໂຕໂຊເຊິ່ງຈັດຂຶ້ນໃນວັນທີ 27 ກໍລະກົດ ຫາ ວັນທີ 04 ສິງຫາ 2019 ທີ່ສູນການຄ້າ ວຽງຈັນເຊັນເຕີ. ພາຍໃນງານຈະໄດ້ພົບກັບກິດຈະກໍາຢ່າງຫຼວງຫຼາຍ ເຊັ່ນ: ການວາງສະແດງລົດຍົນແຕ່ລະຄ້າຍ ພ້ອມໂປຼໂມຊັ່ນສຸດພິເສດ, ພົບກັບການຮ່ວມມືລະຫວ່າງ Krungsri Leasing Service ແລະSt-Meuangthai Insurance ໃນການໃຫ້ສິດລູກຄ້າຊື້ປະກັນໄພໃນລາຄາພິເສດ.

ນອກຈາກນັ້ນ, ຍັງຈະໄດ້ພົບກັບກິດຈະກໍານໍາຢາງເກົ່າພ້ອມເງິນ 300.000 ກີບມາແລກຮັບຖັງຂີ້ເຫຍື້ອທີ່ຜະລິດຈາກຢາງລົດເກົ່າ, ກິດຈະກໍາແຂ່ງຂັນກີລາ E-Sport ພ້ອມແຈກຂອງລາງວັນ, ກິດຈະກໍາແຂ່ງຂັນເຕັ້ນ K-Pop UYD 2019 ຮອບຄັດເລືອກ ແລະອື່ນໆ.


ທີ່ມາ:
  • ຮູບພາບ