• ສາຍຊັອບປີ້ງບໍ່ຄວນພາດກັບງານ “THAILAND SHOPPING & DINING PARADISE @OUDON THANI” ທີ່ສູນການຄ້າ ເຊັນທຣັນພລາຊ່າ ອຸດອນທານີ

ໂດຍ: ສີເປື້ອນມື 29 ກໍລະກົດ 2019 (17.33 ນ.) Read : 141

ໃນວັນທີ 26 ກໍລະກົດ 2019 ທີ່ຜ່ານມາ ການທ່ອງທ່ຽວແຫ່ງປະເທດໄທ (ທທທ) ຮ່ວມມືພັນທະມິດກັບແຂວງ ອຸດອນທານີ ຖະແຫຼງຂ່າວເປີດໂຄງການ “THAILAND SHOPPING & DINING PARADISE @OUDON THANI” ເພື່ອກະຕຸ້ນການຈັບຈ່າຍໃຊ້ສອຍຂອງນັກທ່ອງທ່ຽວໃນຊ່ວງນອກລະດູການທ່ອງທ່ຽວ ທີ່ສູນການຄ້າເຊັນທຣັນພລາຊ່າ ອຸດອນທານີ. ໃຫ້ກຽດເຂົ້າຮ່ວມໄດ້ແກ່: ທ່ານ ສິທິໄຊ ຈິນດາຫຼວງ ຮອງເຈົ້າແຂວງໆ ອຸດອນທານີ ແລະທ່ານ ກໍລະວິດ ວົງປະເສີດ ຜູ້ອໍານວຍການຝ່າຍສົ່ງເສີມການລົງທຶນອຸດສາຫະກໍາທ່ອງທ່ຽວ ການທ່ອງທ່ຽວແຫ່ງປະເທດໄທ (ທທທ) ພ້ອມບັນດາຜູ້ປະກອບການໃນແຂວງ ອຸດອນທານີ ເຂົ້າຮ່ວມຢ່າງຫຼວງຫຼາຍ.

ໂຄງການ “THAILAND SHOPPING & DINING PARADISE @OUDON THANI” ຈັດຂຶ້ນເປັນປີທີ 2 ແລ້ວ ເຊິ່ງໃນປີນີ້ ຈະຈັດຂຶ້ນໃນລະຫວ່າງວັນທີ 1-30 ສິງຫາ 2019. ໂຄງການດັ່ງກ່າວມີຈຸດປະສົງກະຕຸ້ນໃຫ້ນັກທ່ອງທ່ຽວທັງພາຍໃນ ແລະຕ່າງປະເທດ ໂດຍສະເພາະແມ່ນກຸ່ມ CLMV ປະກອບມີ: ລາວ, ກໍາປູເຈຍ, ມຽນມາ, ແລະຫວຽດນາມ. ຖືວ່າເປັນອີກກິດຈະກໍາໜຶ່ງທີ່ສ້າງສີສັນໃຫ້ກັບແຂວງ ອຸດອນທານີ ໃຫ້ຄຶກຄັກຍິ່ງຂຶ້ນ ໂດຍການຮວບຮວມສິນຄ້າ ແລະບໍລິການຕ່າງໆ ຈາກຫ້າງຮ້ານຕ່າງໆ ທີ່ມີຊື່ສຽງ ແລະໄດ້ຮັບຄວາມນິຍົມໃນແຂວງ ອຸດອນທານີ ຫຼາຍກວ່າ 50 ຮ້ານຄ້າ ທີ່ຈະມາຮ່ວມມອບສິດທິພິເສດໃຫ້ນັກທ່ອງທ່ຽວ ໂດຍການຫຼຸດແລກແຈກແຖມ ໃນຕະຫຼອດເດືອນ ສິງຫາ ນີ້.

ນອກຈາກນັ້ນ, ຍັງມີກິດຈະກໍາຊິງໂຊກ ສໍາລັບຜູ້ທີ່ຊື້ສິນຄ້າ ແລະບໍລິການຄົບ 500 ບາດ ຫຼືປະມານ 145.000 ກີບ ຈະໄດ້ຮັບຄູປອງຊິງໂຊກ 1 ໃບ ຕໍ່ 1 ໃບບິນ (ຈໍາກັດບໍ່ເກີນ 10 ໃບ ຕໍ່ 1 ບິນ) ເພື່ອລຸ້ນຮັບລົດໃຫຍ່ ໂຕໂຍຕ້າ ຢາຣິດ ATIV, ສາຍຄໍຄໍາ, ເຄື່ອງໃຊ້ໄຟຟ້າ,​ ປີ້ຍົນ,​ Gift Voucher ໂຮງແຮມ, Packet ກວດສຸຂະພາບ ແລະຄວາມງາມ... ລວມມູນຄ່າຂອງລາງວັນຫຼາຍກວ່າ 170 ລ້ານກີບ. ການຈັບສະຫຼາກ ແລະປະກາດຫາຜູ້ໂຊກດີ ແມ່ນວັນທີ 07 ກັນຍາ 2019 ທີ່ສູນການຄ້າ ເຊັນທຣັນພລາຊ່າ ອຸດອນທານີ.

ສອບຖາມຂໍ້ມູນເພີ່ມຕື່ມໄດ້ທີ່ Facebook page: Thailandshoppingdining ຫຼື ງານກົນລະຍຸດສົ່ງເສີມການລົງທຶນ ອຸດສາຫະກໍາທ່ອງທ່ຽວ ກອງວາງແຜນລົງທຶນອຸດສາຫະກໍາທ່ອງທ່ຽວ ຝ່າຍສົ່ງເສີມການລົງທຶນທຸລະກິດທ່ອງທ່ອງ ການທ່ອງທ່ຽວແຫ່ງປະເທດໄທ. ເບີໂທລະສັບ 0 2250 5500 ຕໍ່ 2940-2945.




ທີ່ມາ:
  • ຮູບພາບ