• ພິມສຸດາ ຈິວເວີຣີ ອັນຍະມະນີທີ່ສະຫງ່າງາມ

ໂດຍ: ສີເປື້ອນມື 29 ກໍລະກົດ 2019 (15.16 ນ.) Read : 389

ພິມສຸດາ ຈິວເວີຣີ ເປີດໃຫ້ບໍລິການຕັ້ງແຕ່ປີ 2008 ເປັນຕົ້ນມາ ເປັນຜູ້ຈໍາໜ່າຍເຄື່ອງເພັດທີ່ມີຄຸນນະພາບ ໂດຍການອອກແບບມີເອກະລັກທີ່ໂດດເດັ່ນບໍ່ຊໍ້າແບບໃຜ.

ທ່ານ ນາງ ສິລິພອນ ທໍາມະຈັນ ຜູ້ບໍລິຫານຮ້ານ ພິມສຸດາ ຈິວເວີຣີ ໄດ້ໃຫ້ສໍາພາດວ່າ: ໄດ້ແຮງບັນດານໃຈຈາກການເປີດຮ້ານມາຈາກແມ່ ແລະປ້າ ເປັນຜູ້ຖ່າຍທອດຄວາມຮູ້ກ່ຽວກັບອັນຍະມະນີໃຫ້ ຈຶ່ງເຮັດໃຫ້ເຮົາໄດ້ມາເປີດຮ້ານຢູ່ທີ່ຕະຫຼາດເຊົ້າ ຊັ້ນ 2 ແຫ່ງນີ້. ພວກເຮົາໄດ້ຈໍາໜ່າຍຜະລິດຕະພັນ ເຄື່ອງປະດັບເພັດທີ່ມີຄຸນນະພາບ, ເຄື່ອງປະດັບແຟຊັ່ນປະເພດຕ່າງໆ ເຊັ່ນ: ແຫວນ, ສາຍຄໍ,​ ຕຸ້ມຫູ... ເຊິ່ງຜະລິດຕະພັນທີ່ພົ້ນເດັ່ນແມ່ນຕຸ້ມຫູ ເພາະຕຸ້ມຫູເປັນເຄື່ອງປະດັບທີ່ເພີ່ມສະເໜ່, ຄວາມສະຫງ່າງາມ ແລະຄວາມເປັນສິລິມຸງຄົນແກ່ການດໍາລົງຊີວິດ. ນອກນັ້ນ, ຕຸ້ມຫູ ຍັງເປັນເຄື່ອງປະດັບຊະນິດໜຶ່ງທີ່ຜູ້ຄົນໃນສັງຄົມນິຍົມສວມໃສ່ອອກງານສໍາຄັນຕ່າງໆ ເຊັ່ນ:​ ງານວິວາ, ງານໝັ້ນ, ງານລ້ຽງ, ງານວັນເກີດ, ງານສູ່ຂວັນ... ການອອກແບບເຄື່ອງປະດັບແຕ່ລະຢ່າງ ພວກເຮົາໄດ້ມີຄວາມປານີດ ເພື່ອໃຫ້ໄດ້ແບບຕາມລູກຄ້າຕ້ອງການ ແລະບໍ່ຜະລິດຊໍ້າແບບຂອງລູກຄ້າສັ່ງ. ສ່ວນລາຄາເພັດຢູ່ໃນຮ້ານເລີ່ມຕົ້ນທີ່ 1,8 ລ້ານຂຶ້ນໄປ.

ພວກເຮົາບໍ່ໄດ້ຢຸດນີ້ງໃນການພັດທະນາສີມື, ການຮັບປະກັນຄຸນນະພາບ ແລະການບໍລິການລູກຄ້າ ບໍ່ວ່າກ່ອນ ຫຼືຫຼັງການຂາຍ, ເອົາໃຈໃສ່ ແລະໃຫ້ຄວາມສໍາຄັນກັບລູກຄ້າທຸກຄົນທີ່ເຂົ້າມາໃຊ້ບໍລິການ ເພື່ອໃຫ້ລູກຄ້າເພິ່ງພໍໃຈທີ່ສຸດ. ມາເຖິງປັດຈຸບັນ ມີກະແສຕອບຮັບຈາກລູກຄ້າເປັນຢ່າງດີ ແລະພວກເຮົາຈະນໍາເອົາຜະລິດຕະພັນໃໝ່ໆເຂົ້າມາເລື້ອຍໆ.

ໃນອະນາຄົດ ທາງຮ້ານຈະມີແຜນການຂະຫຍາຍສາຂາໄປແຂວງ ສະຫວັນນະເຂດ ແລະຈໍາປາສັກ ເພື່ອຕັ້ງເປົ້າໝາຍໃນການດໍາເນີນທຸລະກິດ, ພັດທະນາສິນຄ້າໃຫ້ໄດ້ຮັບຄວາມນິຍົມຈາກພາຍໃນ ແລະຕ່າງປະເທດ. ຮ້ານ ພິມສຸດາ ຈິວເວີຣີ ຕັ້ງຢູ່ຕະຫຼາດເຊົ້າ (ຕຶກເກົ່າ) ຊັ້ນ 2 ນະຄອນຫຼວງວຽງຈັນ ເບີໂທຕິດຕໍ່: 021 219 545 ແລະ020 5544 2666 ແລະສາມາດຕິດຕາມການອັບເດດຜະລິດຕະພັນໃໝ່ໄດ້ທີ່ ເພຈເຟສບຸກ: Phimsouda Jewelry.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ