• ສະຫວັນນະເຂດ ສົ່ງອອກຖ່ານຂາວຫຼາຍທີ່ສຸດ ເປັນອັນດັບຕົ້ນໆຂອງປະເທດ

ໂດຍ: Admin Mahason 26 ກໍລະກົດ 2019 (10.10 ນ.) Read : 389

     ໃນວັນທີ 22 ກໍລະກົດ 2018 ນີ້, ຢູ່ທີ່ຫໍວັດທະນະທຳ ໄກສອນ ພົມວິຫານ ແຂວງ ສະຫວັນນະເຂດ. ທ່ານ ສີທົນ ນັນທະລາດ ຫົວໜ້າພະແນກອຸດ ສາຫະກຳ ແລະການຄ້າແຂວງ ໄດ້ລາຍງານກ່ຽວກັບການອະ ນຸຍາດ ແລະການຄຸ້ມຄອງໂຮງ ງານຜະລິດຖ່ານຂາວ-ຖ່ານ ດຳ ຕໍ່ກອງປະຊຸມສະໄໝສາມັນ ເທື່ອທີ 7 ຂອງສະພາປະຊາ ຊົນແຂວງ ຊຸດທີ I ເຊິ່ງ ໃຫ້ຮູ້ວ່າ: ຖ່ານດຳແມ່ນຜະລິດ ຕະພັນທີ່ປະຊາຊົນຜະລິດ ນຳໃຊ້ໄມ້ຈາກຫົວໄຮ່ປາຍນາ ໂດຍຜ່ານຂະບວນການປຸງ ແຕ່ງ 3-7 ວັນ ເປັນຜະລິດຕະພັນ ຮັບໃຊ້ພາຍໃນບໍ່ສາມາດສົ່ງ ອອກໄດ້, ຖ່ານດຳນີ້ທາງພະ ແນກອຸດສາຫະກໍາ ແລະການ ຄ້າບໍ່ໄດ້ອອກໃບອະນຸຍາດ ແລະບໍ່ໄດ້ຄຸ້ມຄອງ, ສຳລັບ ຖ່ານຂາວແມ່ນຜະລິດຕະພັນ ທີ່ຜ່ານຂະບວນການປຸງແຕ່ງ ຕາມເຕັກນິກວິຊາການໃຊ້ເວ ລາຜະລິດດົນກວ່າຖ່ານດຳ ໂດຍໃຊ້ເວລາໃນການຜະລິດ 15 ຫາ 20 ວັນ, ໂດຍໃຊ້ວັດ ຖຸດິບຈາກໄມ້ຕິ້ວ ແລະໄມ້ສວນ ປູກ ເປັນຜະລິດຕະພັນທີ່ສາມາດ ສົ່ງຂາຍອອກຕ່າງປະເທດ, ໃນ ທົ່ວແຂວງສະຫວັນນະເຂດມີ ໂຮງງານຜະລິດຖ່ານຂາວ 36 ໂຮງງານ, ຢູ່ຕາມຕົວ ເມືອງຕ່າງໆຄື: ເມືອງອາດ ສະພັງທອງ 7 ໂຮງງານ, ເມືອງພະ​ລານ​ໄຊ 6 ໂຮງງານ, ເມືອງພີນ 4 ໂຮງງານ, ເມືອງ ໄຊບູລີ 3 ໂຮງງານ, ເມືອງໄຊ ພູທອງ, ຈຳພອນ, ສອງຄອນ, ຊົນນະບູລີ, ທ່າປາງທອງ ແລະ ເມືອງນອງເມືອງລະ 2 ໂຮງ ງານ; ນະຄອນໄກສອນ ພົມວິ ຫານ, ເມືອງອາດສະພອນ, ເຊໂປນ ແລະເມືອງວິລະບູລີ ເມືອງລະ 1 ໂຮງງານ.


      ໃນນີ້, ເປັນການລົງທຶນ ຂອງຕ່າງປະເທດ 3 ໂຮງງານ, ສ່ວນທີ່ເຫຼືອແມ່ນການລົງທຶນ ຂອງເອກະຊົນພາຍໃນ, ມີເນື້ອ ທີ່ດິນສວນປູກທັງ 36 ໂຮງ ງານ, ມີທັງໝົດ 1.276 ເຮັກ ຕາ, ເຊິ່ງເປັນດິນຂອງໂຮງ ງານເອງ 383 ເຮັກຕາ, ດິນລັດ 146 ເຮັກຕາ ແລະດິນປະຊາ ຊົນ 147 ເຮັກຕາ. ມີເຕົາເຜົາ ທັງໝົດ 1.401 ເຕົາ ເຊິ່ງເປັນ ເຕົາບັນຈຸໄດ້ 7 ຫາ 10 ຫຼາ, ມີ ແຮງງານ ທີ່ເຮັດວຽກທັງໝົດ 679 ຄົນ, ຍິງ 188 ຄົນ,ໃນ ນັ້ນ ເປັນຄົນຕ່າງປະເທດ 87 ຄົນ, ຍິງ 11 ຄົນ, ມີທຶນຈົດ ທະບຽນ 28 ຕື້ 723 ລ້ານ ກີບ, ການນໍາໃຊ້ວັດຖຸດິບ ຫຼື ໄມ້ ທີ່ນໍາມາຜະລິດຖ່ານຂາວ ແລະ ນໍາມາເປັນເຊື້ອເພີງໃນການ ເຜົາແມ່ນມາຈາກຂີ້ເລື່ອຍ ແລະ ໄມ້ເສດຈາກໂຮງງານປຸງແຕ່ງ ໄມ້, ໄມ້ສວນປູກເຊັ່ນ:ໄມ້ກະຖິນ ນາລົງ, ກະຖິນເທພາ ແລະ ໄມ້ວິກທີ່ໄດ້ຮັບການຢັ້ງຢືນ ທາງດ້ານແຫຼ່ງທີ່ມາ ຈາກຂະ ແໜງກະສິກຳ ແລະປ່າໄມ້. ໄມ້ ຕີ້ວ ຈາກໂຄຕ້າທີ່ລັດຖະບານ ແບ່ງໃຫ້ປະຈຳປີບົນພື້ນຖານ ການສຳຫຼວດຂອງຂະແໜງກະ ສິກຳ ແລະປ່າໄມ້, ໄມ້ຕີ້ວ ແລະ ໄມ້ຟືນ ທີ່ໄດ້ຈາກການບຸກເບີກ ໂຄງການສຳປະທານຕ່າງໆ ທີ່ໄດ້ຮັບການອະນຸມັດ ຈາກລັດ ຖະບານ.

     ສ່ວນຜະລິດຕະພັນ ທີ່ໄດ້ຈາກໂຮງງານຜະລິດຖ່ານ ຂາວປະກອບມີ: ຖ່ານອັດເມັດ, ອັດແທ່ງ, ຖ່ານຜົງ, ຖ່ານມຸ່ນ ແລະຖ່ານທີ່ເປັນກ້ອນ. ສ່ວນຕະ ຫຼາດຈຳໜ່າຍແມ່ນໄດ້ສົ່ງໄປ ຕ່າງປະເທດເຊັ່ນ: ເກົາຫຼີ, ຍີ່ປຸ່ນ.
ທ່ານຫົວໜ້າພະແນກອຸດ ສາຫະກໍາ ແລະການຄ້າຍັງໃຫ້ ຮູ້ຕື່ມອີກວ່າ: ການສ້າງຕັ້ງໂຮງ ງານຖ່ານຂາວ ເຖິງແມ່ນວ່າ ຈະສ້າງຜົນປະໂຫຍດຫຼາຍຢ່າງ ຕໍ່ເສດຖະກິດ-ສັງຄົມຂອງ ຫຼາຍທ້ອງຖິ່ນແຕ່ກໍ່ໃຫ້ເກີດຜົນ ກະທົບທາງລົບໄດ້ເຊັ່ນກັນເປັນ ຕົ້ນແມ່ນ: ການທຳລາຍປ່າໄມ້ ຢ່າງຊະຊາຍ, ການລັກລອບ ຕັດໄມ້ຂອງປະຊາຊົນ, ການ ບໍ່ເຄົາລົບລະບຽບກົດໝາຍ ຂອງຜູ້ປະກອບການ ແລະ ອື່ນໆ ເຊິ່ງກໍຍ້ອນການຄຸ້ມ ຄອງ ຂອງພັກ-ລັດເຮົາຍັງບໍ່ໄດ້ດີ. ຂໍ້ມູນຈາກ: ໜັງສືພິມ ສະຫວັນພັດທະນາ


ທີ່ມາ: ABC Laos News
  • ແທັກທີ່ກ່ຽວຂ້ອງ