• ທຳລາຍຊີ້ນໝູ ຈຳນວນ 60 ກິໂລ ທີ່ນຳເຂົ້າຜິດກົດໝາຍ

ໂດຍ: Admin Mahason 12 ກໍລະກົດ 2019 (13.24 ນ.) Read : 218

ໃນຕອນບ່າຍຂອງວັນທີ 11 ກໍລະກົດ 2019 ຜ່ານມານີ້ ເມືອງໜອງບົກ ແຂວງຄຳມ່ວນ ໄດ້ມີການທຳລາຍສິນຄ້າ ທີ່ນຳເຂົ້າຜິດກົດໝາຍ ໂດຍບໍ່ໄດ້ຮັບອະນຸຍາດ ຈາກຕ່າງປະເທດ ໂດຍມີພາກສ່ວນທີ່ກ່ຽວ ຄື ການຄ້າ, ກະສິກຳ, ສາທາລະນະສຸກ, ພ້ອມດ້ວຍ ປກສ

     ໂດຍປະຕິບັດຕາມກົດໝາຍວ່າດ້ວຍການປົກປ້ອງຜູ້ຊົມໃຊ້ ເລກທີ 02/ ສພຊ, ລົງວັນທີ 30 ມິຖຸນາ 2010 ສະນັ້ນ ໃນເວລາ 15:00 ໂມງ ຂອງວັນທີ 11 ກໍລະກົດ 2019 ຢູ່ທີ່ດ້ານຫຼັງຂອງກອງບັນຊາການ ປກສ ເມືອງໜອງບົກ ໄດ້ມີການຕົກລົງເຫັນດີ ທຳລາຍສິນຄ້າທີ່ບໍ່ໄດ້ຮັບອະນຸຍາດ ທີ່ນຳເຂົ້າຈາກຕ່າງປະເທດ ທີ່ບໍ່ມີເອກະສານຢັ້ງຢືນນຳເຂົ້າ ເຊີ່ງເປັນອັນຕະລາຍຕໍ່ສຸຂະພາບ ຜູ້ບໍລິໂພກ ແລະ ຜູ້ຊົມໃຊ້ ດັ່ງນັ້ນຈື່ງໄດ້ຍຶດສິນຄ້າ ຈາກການລົງກວດການໍາເຂົ້າຈາກຕ່າງປະເທດ (ໄທ) ໂດຍການນໍາພາ ຈາກພາກສ່ວນທີ່ກ່ຽວຂ້ອງ ສິນຄ້າທີ່ນໍາມາທໍາລາຍແມ່ນ ຊີ້ນໝູ ຈຳນວນ 60 ກິໂລ, ເຊີ່ງມີມູນຄ່າ ຈຳນວນ 2.100.000 ກີບ ແລະ ການທຳລາຍໃນຄັ້ງນີ້ ແມ່ນນຳໄປຝັງດິນ.



ທີ່ມາ: ABC Laos News
  • ຮູບພາບ

  • ແທັກທີ່ກ່ຽວຂ້ອງ