• ເທດສະການຮູບເງົາຍີ່ປຸ່ນ ຄັ້ງທີ 2

ໂດຍ: Admin Mahason 19 ທັນວາ 2017 (07.23 ນ.) Read : 477

ເທດສະການຮູບເງົາຍີ່ປຸ່ນ ຄັ້ງທີ 2 ຫຼື “The Japanese Film Festival in Vientiane” ຈັດຂຶ້ນໂດຍ ສູນອາຊີມູນນິທິຍີ່ປຸ່ນ ປະຈໍານະຄອນຫຼວງວຽງຈັນ ຫຼື The Japan Foundation Asia center, Vientiane. ສູນອາຊີມູນນິທິຍີ່ປຸ່ນ ແມ່ນອົງການດຽວທີ່ດໍາເນີນໂຄງການແລກປ່ຽນທາງວັດທະນະທໍາລະຫວ່າງປະເທດ ທີ່ຄວບຄຸມທົ່ວໂລກ ເຊິ່ງກໍ່ຕັ້ງຂຶນໃນປີ 1972 ໃນຖານະນິຕິບຸກຄົນສະເພາະກິດ ພາຍໃຕ້ການຄຸ້ມຄອງຂອງ ກະຊວງການຕ່າງປະເທດຍີ່ປຸ່ນ.

ໃນວັນທີ 16-17 ທັນວາ 2017 ເປັນການຈັດສາຍຮູບເງົາຮອບທໍາອິດ ແລະຮອບທີ 2 ຈັດສາຍໃນວັນທີ 22-24 ທັນວາ 2017 ເຊິ່ງໃນປີນີ້ທາງສູນອາຊີມູນນິທິຍີ່ປຸ່ນ ໄດ້ຮ່ວມກັບ ໂຮງຮູບເງົາ Major Platinum Cineplex ວຽງຈັນ ແລະສະຖານທູດຍີ່ປຸ່ນປະຈໍາລາວ. ພາຍໃຕ້ການເປັນປະທານເຂົ້າຮ່ວມໄດ້ແກ່: ທ່ານ ຊົມພູ ດວງສະຫວັນ ປະທານກວດກາຄະນະພັກສະພາແຫ່ງຊາດ ແລະປະທານກໍາມະການວັດທະນະທໍາສັງຄົມ, ທ່ານ ທາເຄຊິ ຮິກິຮາຣະ ເອກອັກຄະລັດຖະທູດຍີ່ປຸ່ນປະຈໍາລາວ, ທ່ານ ຮິໂລຊິ ອຸຊິດາ ຜູ້ອໍານວຍການ ສູນອາຊີມູນນິທິຍີ່ປຸ່ນ ປະຈໍານະຄອນຫຼວງວຽງຈັນ, ທ່ານ ສົມບັດ ສິຣິພອນວິທະຍາ ຜູ້ອໍານວຍການ ສູນການຄ້າ ວຽງຈັນເຊັນເຕີ ແລະແຂກທີ່ຖືກເຊີນ. 

ໃນນີ້ໄດ້ນໍາສະເໜີຮູບເງົາໃໝ່ຫຼ້າສຸດ 7 ເລື່ອງ ຄື: “Rudolf the Black Cat”, “Her Love Boils Bathwater”, “ReLIFE”, “Let’s Go, JETS!”, “MUMON”, “In this Corner of the World” and “Survival Family”. ນອກຈາກການຈັດສາຍຢູ່ປະເທດລາວແລ້ວ ຍັງໄດ້ສາຍໃນບັນດາປະເທດໃນກຸ່ມອາຊຽນ ລວມທັງອອສເຕເລຍ ແລະອິນເດຍ.



ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ