• ເຈົ້າໜ້າທີ ປກສ ແຂວງບໍ່ແກ້ວຍຶດຢາໄອສໄດ້ 600 ກິໂລ

ໂດຍ: Admin Mahason 04 ກໍລະກົດ 2019 (13.34 ນ.) Read : 313

     ໃນວັນທີ່ 3 ກໍລະກົດ 2019. ເວລາປະມານ 13 ໂມງ 30 ນາທີ ໄດ້ມີລົດຕູ້ສະຕາແລັກ, ໝາຍເລກທະບຽນ 2917 ກໍາແພງນະຄອນ ແລ່ນມາທາງເມືອງຕົ້ນເຜິ້ງ ມຸ້ງໜ້າໄປທາງເມືອງຫ້ວຍຊາຍ, ທາງເຈົ້າໜ້າທີ່ໜ່ວຍສະເພາະກິດທະຫານແຂວງເຫັນວ່າລົດຄັນດັ່ງກ່າວ ມີພິລຸດຜິດປົກກະຕິ ດັ່ງນັ້ນ ທາງໜ່ວຍສະເພາະກິດຈຶ່ງໄດ້ທໍາການຕິດຕາມ ມາຮອດບ້ານນໍ້າເກິ່ງໃໝ່ ຈາກນັ້ນເຈົ້າຂອງລົດຄັນດັ່ງກ່າວຮູ້ຕົວກອ່ນ ຈຶ່ງໄດ້ເອົາລົດເຂົ້າໄປຈອດໄວ້ຢູ່ໂຮງຮຽນປະຖົມສົມບູນ ບ້ານນໍ້າເກິ່ງໃໝ່ ແລ້ວເອົາຕົວລົບໜີ, ຈາກນັ້ນທາງເຈົ້າໜ້າທີ່ໜ່ວຍສະເພາະກິດທະຫານແຂວງ ຈຶ່ງໄດ້ນໍາເອົາລົດຄັນດັ່ງກ່າວ ຂື້ນມາກອງບັນຊາການທະຫານແຂວງ ເພື່ອທໍາການກວດຄົ້ນ ໂດຍສົມທົບກັບພາກສ່ວນທີ່ກຽ່ວຂ້ອງ ຄື: ກອງບັນຊາການທະຫານແຂວງ, ກອງບັນຊາການ ປກສ ແຂວງ ແລະ ອົງການໄອຍະການແຂວງ ຜ່ານການກວດຄົ້ນຕົວຈິງເຫັນວ່າລົດຄັນດັ່ງກ່າວມີຢາເສບຕິດປະເພດຢາໄອສ ຈໍານວນ 30 ເປົາ, ມີ 600 ຫໍ່, ມີນໍ້າໜັກ 600 ກິໂລ, ສ່ວນເຈົ້າຂອງລົດທີເອົາຕົວລົບໜີຢູ່ນັ້ນ ປະຈຸບັນທາງເຈົ້າໜ້າທີ່ຕໍາຫຼວດພວມດໍາເນີນການສຶບຄົ້ນຫາເພື່ອນໍາຈັບຕົວມາດໍາເນີນຄະດີຕາມລະບຽບກົດໝາຍ.
ຂ່າວ: ຄຳໄຕ - ພາບ: ຄຳເພັງ

ທີ່ມາ: ປກສ
  • ຮູບພາບ

  • ແທັກທີ່ກ່ຽວຂ້ອງ