• ທຣຳ ແລະ ກີມ ພົບກັນຢູ່ເສັ້ນແບ່ງແດນສອງພາກເກົາຫຼີ

ໂດຍ: ສີເປື້ອນມື 01 ກໍລະກົດ 2019 (14.18 ນ.) Read : 100

ວັນທີ 30 ມິຖຸນາ 2019 ທີ່ຜ່ານມາ, ປະທານາທິບໍດີ ດໍໂນ ທຣຳ ໄດ້ມີການພົບປະຄັ້ງປະຫວັດສາດກັບຜູ້ນຳ ກີມຈອງອູນ ຢູ່ທີ່ເຂດປອດທະຫານ (DMZ) ເສັ້ນແບ່ງແດນລະຫວ່າງ ສ. ເກົາຫຼີ ແລະສປປ. ເກົາຫຼີ ເຊິ່ງ ທຣຳ ໄດ້ເຊື່ອເຊີນ ກີມ ດ້ວຍທາງ ທະວິດເຕີ.

ທ່ານ ທຣຳ ແລະປະທານາທິບໍດີຂອງ ສ. ເກົາຫຼີ  Moon Jae-in ໄດ້ພ້ອມກັນໄປທີ່ເຂດປອດທະຫານຂອງສອງປະເທດ (DMZ) ເພື່ອພົບປະທະຫານຂອງສອງປະເທດທີ່ເຮັດໜ້າທີ່ປ້ອງກັນຄວາມສະຫງົບຢູ່ຊາຍແດນ, ເປັນເວລາໜຶ່ງຊົ່ວໂມງ, ກ່ອນທີ່ຈະໄປເຂດປອດຄວາມສະຫງົບລວມຂອງເສັ້ນແບ່ງແດນສອງພາກເພື່ອພົບກັບ ກີມຈອງອູນ.

ຜູ້ນຳຂອງ ສປປ. ເກົາຫຼີ ໄດ້ສະແດງທ່າທີດ້ວຍຮອຍຍິ້ມອອກມາ ແລະໄດ້ກ້າວໄປຫາປະທານາທິບໍດີຂອງສະຫະລັດອາເມລິກາ. ສອງຄົນໄດ້ຈັບມືກັນຢູ່ເສັ້ນແບ່ງແດນຂອງສອງພາກ. ກີມເວົ້າດ້ວຍພາສາອັງກິດວ່າ: ດີໃຈທີ່ໄດ້ພົບທ່ານອີກຄັ້ງ”, ຫຼັງຈາກນັ້ນກໍໄດ້ເຊີນທ່ານ ທຣຳ ຢ່າງຂ້າມເສັ້ນແບ່ງແດນໄປຟາກຂອງ ສປປ. ເກົາຫຼີ.

ທ່ານ ທຣຳ ໄດ້ຢ່າງຂ້າມເສັ້ນແບ່ງແດນໄປຟາກຂອງ ສປປ. ເກົາຫຼີ, ເປັນປະທານາທິບໍດີຄົນທຳອິດຂອງສະຫະລັດອາເມລິກາທີ່ໄດ້ຢຽບແຜ່ນດິນຂອງ ສປປ. ເກົາຫຼີ. ທ່ານ ທຣຳຍ່າງໄປປະມານ 20 ບາດກ້າວກໍເຖິງເສັ້ນແບ່ງເຂດແດນ ແລະຈັບມືກັບທ່ານ ກີມຈອງອູນ. ນີ້ແມ່ນບາດກ້າວທີ່ຈົບງາມໃນການພົວພັນຂອງສອງປະເທດ.

ຫຼັງຈານັ້ນ, ຜູ້ນຳສອງປະເທດ ກໍໄດ້ພ້ອມກັນຍ່າງກັບຄືນມາ ເພື່ອເຂົ້າພົບປະກັນຢູ່ທີ່ເຮືອນ ເສລີພາບຢູ່ທາງທິດໃຕ້ຂອງເສັ້ນແບ່ງແດນ. ປະທານາທິບໍດີຂອງສະຫະລັດອາເມລິກາໄດ້ສະແດງຄວາມຮູ້ສຶກພາກພູມໃຈ ແລະເວົ້າວ່າ: ການຢ່າງຂ້າມເສັ້ນແບ່ງແດນໄປຝັ່ງຂອງ ສປປ. ເກົາຫຼີນັ້ນ ແມ່ນຄວາມຮູ້ສຶກເປັນກຽດທີ່ຍິ່ງໃຫ່ຍ”, ໃນຂະນະດຽວກັນຜູ້ນຳ ກີມຈອງອູນ ກໍໄດ້ຍົກຍ້ອງວ່າ: ການກະທຳແບບນີ້ແມ່ນສະແດງໃຫ້ເຫັນຄວາມຈິງໃຈຂອງ ທຣຳ ໃນການ ລືມເບື້ອງຫຼັງທີ່ເປັນອາຄາດ ແລະເປີດອະນາຄົດໃໝ່” . ທຣຳ ແລະກີມ ລ້ວນແຕ່ຢືນຢັນວ່າ: ການພົວພັນຂອງສອງຝ່າຍແມ່ນຈົບງາມທີ່ສຸດພ້ອມດຽວກັນນັ້ນ, ຕ່າງຝ່າຍຕ່າງເຊີນກັນໄປຢ້ຽມຢາມເຊິ່ງກັນ ແລະກັນ.

ຫຼັງຈາກນັ້ນ, ທັງສອງຝ່າຍ ໄດ້ເຈລະຈາປິດລັບນຳກັນປະມານ 50 ນາທີ, ກ່ອນທີ່ປະທານາທິບໍດີ ສະຫະລັດ ແລະປະທານາທິບໍດີ ສ. ເກົາຫຼີ ຈະສົ່ງທ່ານ ກີມ ກັບຄືນຟາກນັ້ນຂອງເສັ້ນແບ່ງແດນ. ທ່ານ ກີມ ໃຫ້ສັນຍານວ່າ: ນັບແຕ່ນີ້ຕໍ່ໄປ ອາດຈະພົບປະກັນເວລາໃດກໍໄດ້”.


ທີ່ມາ: ໜັງສືພີມລາວພັດທະນາ Laophattana News
  • ຮູບພາບ

  • ແທັກທີ່ກ່ຽວຂ້ອງ