• ຮອງປະທານປະເທດ ຕ້ອນຮັບທູດ ອຽກລັງ ເຂົ້າຢ້ຽມອໍາລາ

ໂດຍ: ສີເປື້ອນມື 27 ມິຖຸນາ 2019 (20.24 ນ.) Read : 124

ໃນວັນທີ 27 ມິຖຸນາ 2019, ທ່ານ ພັນຄໍາ ວິພາວັນ ຮອງປະທານປະເທດ ແຫ່ງ ສປ ປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບອຳລາ ຂອງ ທ່ານ ນາງ Cait Moran ເອກອັກຄະລັດຖະທູດວິສາມັນ ຜູ້ມີອຳນາດເຕັມ ແຫ່ງ ອຽກລັງ ປະຈຳ ສປປ ລາວ, ໃນໂອກາດ ສຳເລັດການປະຕິບັດໜ້າທີ່ການທູດຢູ່ ສປປ ລາວ.
ໃນໂອກາດດັ່ງກ່າວ, ທ່ານ ພັນຄຳ ວິພາວັນ ໄດ້ສະແດງຄວາມຍິນດີຕ້ອນຮັບ ແລະຕີລາຄາສູງຕໍ່ຜົນສຳເລັດ ໃນການປະຕິບັດໜ້າທີ່ ຂອງ ທ່ານ ນາງ Cait Moran ໃນໄລຍະຜ່ານມາ, ເຊິ່ງເປັນປະກອບສ່ວນອັນສໍາຄັນເຂົ້າໃນການຊຸກຍູ້, ສົ່ງເສີມການພົວພັນຮ່ວມມືຮອບດ້ານ ລະຫວ່າງສອງປະເທດ ລາວ-ອຽກລັງ ໃຫ້ນັບມື້ນັບກວ້າງຂວາງ ໂດຍສະເພາະດ້ານເສດຖະກິດ, ການຄ້າ-ການລົງທຶນ, ການທ່ອງທ່ຽວ ແລະອື່ນໆ. ພ້ອມນີ້, ທ່ານຮອງປະທານປະເທດ ຍັງໄດ້ອວຍພອນໃຫ້ທ່ານທູດຈົ່ງມີສຸຂະພາບເຂັ້ມແຂງ, ມີພະລານາໄມສົມບູນ, ເດີນທາງກັບຄືນປະເທດ ດ້ວຍຄວາມສະຫວັດດີພາບ ແລະປະສົບຜົນສຳເລັດ ໃນການປະຕິບັດໜ້າທີ່ໃໝ່ ອັນມີກຽດຂອງທ່ານ.

ທີ່ມາ: ປະເທດລາວ Pathedlao
  • ແທັກທີ່ກ່ຽວຂ້ອງ