• ກອງປະຊຸມກະກຽມໃຫ້ແກ່ຜູ້ນໍາລະຫວ່າງໄອປາ ແລະອາຊຽນ

ໂດຍ: ສີເປື້ອນມື 24 ມິຖຸນາ 2019 (11.28 ນ.) Read : 166

(ສພຊ) ໃນວັນທີ 20-23 ມິຖຸນາ 2019, ຄະນະຜູ້ແທນຂັ້ນສູງຂອງສະພາແຫ່ງຊາດລາວ ນໍາໂດຍ ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ພ້ອມດ້ວຍຄະນະ ໄດ້ເດີນທາງເຂົ້າຮ່ວມກອງປະຊຸມພົບປະ ລະຫວ່າງ ຜູ້ນຳລັດຖະສະພາລະຫວ່າງຊາດອາຊຽນ (AIPA) ແລະ ຜູ້ນຳອາ ຊຽນ (ASEAN) ໃນວາລະກອງປະຊຸມສຸດຍອດອາຊຽນຄັ້ງທີ 34 ທີ່ບາງກອກ ປະເທດໄທ.
ກອງປະຊຸມດັ່ງກ່າວ, ແມ່ນກົນໄກການຮ່ວມມືທີ່ສໍາຄັນໜຶ່ງ ລະຫວ່າງ ປະມຸກລັດ, ຫົວໜ້າລັດຖະ ບານ ແລະ ຜູ້ນຳຂອງອົງການນິຕິບັນຍັດ ໄດ້ພົບປະປຶກສາຫາລືກັນ ເພື່ອຊອກຫາຊ່ອງທາງຮ່ວມມືກັນເຮັດແນວໃດໃຫ້ບັນລຸການສ້າງປະຊາຄົມອາຊຽນໃນປີ 2025 ແລະ ເຮັດໃຫ້ສາມເສົາຄໍ້າທາງດ້ານການ ເມືອງ-ຄວາມໝັ້ນຄົງ, ເສົາຄໍ້າເສດຖະກິດ ແລະ ເສົາຄໍ້າວັດທະນະທຳ-ສັງຄົມ ດຳເນີນໄປຢ່າງຕໍ່ເນື່ອງ ແລະ ຍືນຍົງ ໂດຍສະເພາະແມ່ນ ໃຫ້ດຳເນີນໄປຕາມທິດປະຊາຊົນ ແລະ ປະຊາຊົນເປັນໃຈກາງ.

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ