• V369 Academy and Shop ງາມຄົບຈົບບ່ອນດຽວ

ໂດຍ: ສີເປື້ອນມື 19 ພະຈິກ 2019 (16.53 ນ.) Read : 214

ໃນວັນທີ 16 ພະຈິກ 2019 ໄດ້ມີການເປີດໂຮງຮຽນສອນແຕ່ງໜ້າ V369 Academy and Shop ສູນຮຽນຮູ້ຄວາມງາມ, ພັດທະນາບຸກຄະລິກກະພາບ ແລະຈັດຈໍາໜ່າຍອຸປະກອນຄວາມງາມຄົບວົງຈອນຢ່າງເປັນທາງການ. ໂດຍການເປັນປະທານຂອງ ທ່ານ ນາງ ວັນນະລີ ອ່ອນສະຫວັດ ປະທານໂຮງຮຽນສອນແຕ່ງໜ້າ V369 Academy and Shop ພ້ອມດ້ວຍຜູ້ຊ່ຽວຊານໃນການແຕ່ງໜ້າ, ນາຍແບບ-ນາງແບບ ຈາກເວທີລາວຊຸບເປີໂມເດວ ແລະແຂກທີ່ຖືກເຊີນເຂົ້າຮ່ວມຢ່າງຫຼວງຫຼາຍ.

ທ່ານ ນາງ ວັນນະລີ ອ່ອນສະຫວັດ ໄດ້ກ່າວວ່າ: ໂຮງຮຽນ V369 Academy and Shop ເປັນໂຮງຮຽນທີ່ສອນກ່ຽວກັບຄວາມງາມ ເຊິ່ງຄວາມງາມທີ່ພວກເຮົາກ່າວເຖິງ ບໍ່ໄດ້ໝາຍເຖິງການສັນຍະກໍາ ແຕ່ເປັນຄວາມງາມທີ່ຮຽນຮູ້ກ່ຽວກັບການແຕ່ງໜ້າອອກມາໃຫ້ງາມ ແລະເພີ່ມຄວາມໝັ້ນໃຈໃຫ້ເຮົາຫຼາຍຂຶ້ນ ເພາະການມີໃບໜ້າງາມຄືສິ່ງທີ່ຫຼາຍຄົນໄຝ່ຝັນ. ຈຸດປະສົງຂອງການເປີດໂຮງຮຽນສອນແຕ່ງໜ້າແມ່ນ ຍ້ອນຕົນເອງໄດ້ຢູ່ໃນວົງການບັນເທີງມາດົນສົມຄວນ ພ້ອມທັງເປັນເຈົ້າຂອງໂຄງການປະກວດ ລາວຊຸບເປີໂມເດວ ແລະເຫັນບັນດານາຍແບບ-ນາງແບບ ຕ້ອງມີຕົວຊ່ວຍໃນການແຕ່ງໜ້າເພື່ອເພີ່ມຄວາມໝັ້ນໃຈໃຫ້ກັບຕົນເອງ ພ້ອມທັງເປັນການເປີດໂອກາດໃຫ້ຜູ້ທີ່ມີຄວາມສົນໃຈ ຢາກເປັນຊ່າງແຕ່ງໜ້າແບບມືອາຊີບ ຫຼືອາດຈະຮຽນແຕ່ງໜ້າຕົນເອງ ໄດ້ມາຮຽນຜ່ານຫຼັກສູດ ແລະຮຽນຮູ້ວິທີການແຕ່ງໜ້າຢ່າງຖືກຕ້ອງ.

ນອກນັ້ນ, ຍັງໄດ້ຈໍາໜ່າຍເຄື່ອງສໍາອາງ ແລະອຸປະກອນແຕ່ງໜ້າຫຼາຍກວ່າ 10 ແບຣນ ເຊັ່ນ: KARMART, Touch Up, Bohktoh, SIVANNA COLORS, Magic Professional Cosmetics, REVLON, METINEE’S Secret, Mistine, Make Up, Nin… ນອກນັ້ນ, ຍັງມີບັນດາກະເປົ໋າ ແລະເຄື່ອງປະດັບຕ່າງໆ ເພື່ອໃຫ້ທຸກຢ່າງງາມຄົບຈົບຢູ່ບ່ອນດຽວ.

ສໍາລັບຜູ້ໃດທີ່ສົນໃຈກໍສາມາດເຂົ້າໄປເບິ່ງຂໍ້ມູນລາຍລະອຽດເພີ່ມຕື່ມໄດ້ທາງເພຈເຟສບຸກ V369 Academy and Shop ແລະສາມາດຕິດຕໍ່ໄດ້ທີ່ເບີໂທ: 020 9666 1369. ສະຖານທີ່ຕັ້ງຢູ່ບ້ານ ສາຍນໍ້າເງິນ (ເຂດສີວິໄລ ທາງລັດໄປຫາຫ້ວຍຫົງ) ເມືອງ ໄຊທານີ ນະຄອນຫຼວງວຽງຈັນ.




ທີ່ມາ:
  • ຮູບພາບ