• ໂຮງໝໍ ເຄແອລວາຍ ທີ່ປຶກສາພະຍາດຜິວໜັງ ແລະຄວາມງາມ

ໂດຍ: ສີເປື້ອນມື 30 ເມສາ 2019 (11.06 ນ.) Read : 525

ໂຮງໝໍ ເສີມຄວາມງາມ ແລະປິ່ນປົວພະຍາດຜິວໜັງ ຫຼື ບິວຕີ້ ເຄແອລວາຍ (KLY BEAUTY HOSPITAL) ໄດ້ເປີດຢ່າງເປັນທາງການ ໃນວັນທີ 27 ເມສາ 2019 ຜ່ານມາ ໂດຍການເປັນປະທານຂອງທ່ານ ນາງ ວັນດີ ແລະທ່ານໝໍ ທິຕິກອນ ແພດຊີບ ແພດປະຈໍາໂຮງໝໍ ບິວຕີ້ ເຄແອລວາຍ ແລະທ່ານໝໍ ບຸດດາ ບຸນມີວິເສດ ພະແນກພະຍາດຜິວໜັງທົ່ວໄປ ແລະພະຍາດຕິດຕໍ່ທາງເພດສໍາພັນ ປະຈໍາໂຮງໝໍ ເຄແອລວາຍ ພ້ອມດ້ວຍແຂກທີ່ຖືກເຊີນເຂົ້າຮ່ວມຢ່າງຫຼວງຫຼາຍ.

ໂຮງໝໍ ເຄແອລວາຍ ໃຫ້ບໍລິການກ່ຽວກັບການປິ່ນປົວພະຍາດທັງພາຍໃນ ແລະພາຍນອກ ເນັ້ນການໃຫ້ຄໍາແນະນໍາ ແລະທໍາການກວດສຸຂະພາບກ່ອນການປິ່ນປົວສະເໝີ, ປິ່ນປົວຕາມຂັ້ນຕອນ ແລະໃຫ້ບໍລິການດ້ານຄວາມງາມທຸກປະເພດ. ໂຮງໝໍດັ່ງກ່າວ ມີຫ້ອງກວດພະຍາດ ຈໍານວນ 2 ຫ້ອງ, ຫ້ອງ Sterile ອຸປະກອນ, ຫ້ອງສໍານັກງານ, ຫ້ອງປະຊຸມ, ຫ້ອງຫັດຖະການສະເພາະ, ຫ້ອງເລເຊີ 3 ຫ້ອງ, ຫ້ອງຜ່າຕັດເສີມຄວາມງາມ ແລະຫ້ອງພັກຟື້ນ VIP ຈໍານວນ 4 ຫ້ອງ (ລວມທັງໝົດ 14 ຫ້ອງ). ສ່ວນຕຽງພັກຟື້ນຂອງຄົນເຈັບ ມີຈໍານວນ 6 ຕຽງ,​ ຕຽງຫັດຖະການ 11 ຕຽງ ແລະຕຽງຜ່າຕັດ 1 ຕຽງ (ລວມ 11ຕຽງ). ນອກນັ້ນ, ມີແພດໝໍ ຈໍານວນ 8 ຄົນ; ຍິງ 2 ຄົນ ແລະມີຄະນະອໍານວຍການ 10 ທ່ານທີ່ປະຈໍາການຢູ່ທີ່ໂຮງໝໍແຫ່ງນີ້ ເຊິ່ງມີປະສົບການຫຼາຍກວ່າ 15 ປີ, ອຸປະກອນປິ່ນປົວ ເປັນເຄື່ອງມືທີ່ທັນສະໄໝ ໄດ້ມາດຕະຖານສາກົນ ແລະນໍາເຂົ້າຈາກຕ່າງປະເທດ. ໂຮງໝໍເນັ້ນການໃຫ້ຄໍາແນະນໍາກ່ອນການປິ່ນປົວ ແລະຮັກສາພະຍາດຕ່າງໆ ຕາມຄວາມເໝາະສົມ ເນັ້ນໃຫ້ບໍລິການທີ່ຈະເກີດຜົນລັບຢ່າງແທ້ຈິງໃຫ້ກັບລູກຄ້າ ພາຍໃຕ້ຄໍາຂວັນທີ່ວ່າ: ຈິດຄອຍຮັບໃຊ້-ໃຈພ້ອມບໍລິການ.

ໂຮງໝໍ ເສີມຄວາມງາມ ແລະປິ່ນປົວພະຍາດຜິວໜັງ ຫຼື ບິວຕີ້ ເຄແອລວາຍ ຕັ້ງຢູ່ແຄມທາງໃຫຍ່ບ້ານໂພນທັນ ໂດຍຂຶ້ນກັບບ້ານ ສະພັງໝໍ້ ເມືອງ ໄຊເສດຖາ ນະຄອນຫຼວງວຽງຈັນ. ເບີໂທລະສັບຕິດຕໍ່ 021 417 986 ແລະ020 5228 8265 ຫຼືສາມາດຕິດຕາມຂໍ້ມູນເພີ່ມຕື່ມໄດ້ທາງເພຈເຟສບຸກ KLY Beauty Hospital.




ທີ່ມາ:
  • ຮູບພາບ