• ໂຮງໝໍ ສັນຍະກໍາ ເຊີຈິ ສະກີນ ພ້ອມໃຫ້ບໍລິການແລ້ວ

ໂດຍ: ສີເປື້ອນມື 16 ມີນາ 2019 (14.58 ນ.) Read : 99

ຄວາມງາມເປັນສິ່ງທີ່ທຸກຄົນປາຖະໜາ ບໍ່ວ່າຈະເປັນເພດໃດກໍຕາມ ເພາະມັນເປັນຄວາມໝັ້ນເຊື່ອທີ່ໃຜໆກໍຢາກຈະມີ ແນ່ນອນຜູ້ທີ່ມີຮູບຮ່າງໜ້າຕາບໍ່ຄ່ອຍດີ ກໍມັກເພິ່ງພາອາໄສສູນຄວາມງາມ ເພື່ອປັບແຕ່ງ ຫຼືເພີ່ມຄວາມໝັ້ນໃຈໃຫ້ກັບຕົນເອງ.

ປັດຈຸບັນ ກໍມີໂຮງໝໍ ສັນຍະກໍາ ເປີດຂຶ້ນຫຼາຍແຫ່ງໃນປະເທດລາວ ຍ້ອນໄດ້ຮັບຄວາມນິຍົມເປັນຢ່າງຍິ່ງ ໂດຍສະເພາະແມ່ນການສັນຍະກໍາໃບໜ້າ ແລະໜ້າເອິກ ໂດຍສ່ວນຫຼາຍແລ້ວມາຈາກຕ່າງປະເທດ ເພາະຈະເຮັດໃຫ້ຄົນລາວເຮົາເຊື່ອໝັ້ນໃນສີມື ແລະເຄື່ອງມືການແພດທີ່ທັນສະໄໝ ໄດ້ມາດຕະຖານສາກົນ. ເຊັ່ນດຽວກັນກັບໂຮງໝໍ ສັນຍະກໍາ ເຊີຈິ ສະກີນ ເປັນໂຮງໝໍສັນຍະກໍານ້ອງໃໝ່ ທີ່ກໍາລັງຈະເປີດໃຫ້ບໍລິການຢ່າງເປັນທາງການໃນໄວໆນີ້ ເຊິ່ງເປັນໂຮງໝໍສັນຍະກໍາແຫ່ງນີ້ ເປັນແຫ່ງທໍາອິດທີ່ເປັນຂອງຄົນໄທ.

ໂຮງໝໍ ສັນຍະກໍາ ເຊີຈິ ສະກີນ ໃຫ້ບໍລິການເລື່ອງຂອງການສັນຍະກໍາແບບຄົບວົງຈອນ ບໍ່ວ່າຈະເປັນຜິວພັນ, ໃບໜ້າ ແລະຕົນຕົວ, ການເຮັດທຼີດເມັ້ນໜ້າ, ການຮັກສາດ້ວຍ ໂບທັອກ ແລະຟິລເລີ ແລະເລເຊີຄວາມງາມ. ນອກຈາກນີ້, ຍັງມີຈຸດເດັ່ນຂອງໂຮງໝໍແຫ່ງນີ້ຄື ການສັນຍະກໍາໝົດທັງໃບໜ້າ ເຊັ່ນ: ການສີດໄຂມັນ, ເສີມດັງ, ເສີມຄາງ, ເຮັດແກ້ມບ່ອງ, ເສີມໂໜກແກ້ມ ແລະໜ້າຜາກ. ພາກສ່ວນຮ່າງກາຍ ເຊັ່ນ: ການເສີມໜ້າເອິກ ແລະດູດໄຂມັນ ເພື່ອເຮັດໃຫ້ໄດ້ຮູບຮ່າງຕາມຄວາມຕ້ອງການ ເຊິ່ງໄດ້ທ່ານໝໍ ທີ່ມີປະສົບການເຖິງ 15 ປີມາເປັນແພດປະຈໍາ ເພື່ອໃຫ້ຄໍາປຶກສາ ແລະແນະນໍາກ່ອນການສັນຍະກໍາ ໂຮງໝໍດັ່ງກ່າວ ບໍລິຫານໂດຍ: ທ່ານ ນາງ ຈອມຂວັນ ເຄົາໄວ ຜູ້ອໍານວຍການ ໂຮງໝໍ ສັນຍະກໍາ ເຊີຈິ ສະກີນ (SURGISKIN HOSPITAL) ແລະທ່ານແພດ ດຣ. ໂອພາດ ຄຸ້ມກອງສຸວັນ ໝໍປະຈໍາໂຮງໝໍ ສັນຍະກໍາ ເຊີຈິ ສະກີນ ພ້ອມດ້ວຍພະນັກງານຂອງໂຮງໝໍ.

ໂຮງໝໍ ສັນຍະກໍາ ເຊີຈິ ສະກີນ ຈະເປີດເປັນທາງການໃນວັນທີ 28 ມີນາ 2019 ນີ້. ສະຖານທີ່ຕັ້ງຢູ່ບ້ານ ໂພນໄຊ ເມືອງ ໄຊເສດຖາ ນະຄອນຫຼວງວຽງຈັນ (ກົງກັນຂ້າມກັບສູນ ຢູນິເທວ) ສາມາດຕິດຕາມການເຄື່ອນໄຫວ ຫຼືອັບເດດ ໂປຼໂມຊັ່ນຄວາມງາມຕ່າງໆ ໄດ້ທາງເຟສບຸກ SURGISKIN HOSPITAL. ພິເສດ! ຊ່ວງເປີດໂຮງໝໍໃໝ່ຢ່າງເປັນທາງການ ທາງໂຮງໝໍກໍໄດ້ຈັດໂປຼໂມຊັ່ນພິເສດ ດ້ວຍການຫຼຸດລາຄາບໍລິການໃນທຸກລາຍການ 50% ເປັນເວລາ 1 ເດືອນ.


ທີ່ມາ:
  • ຮູບພາບ