• Pardesco Beauty Review Battle Fair 2019 ຄັ້ງທີ 1

ໂດຍ: ສີເປື້ອນມື 05 ກຸມພາ 2019 (11.50 ນ.) Read : 239

ໃນວັນທີ 02 ກຸມພາ 2019 ຜ່ານມາ ໄດ້ມີການຈັດງານວາງສະແດງສິນຄ້າຄວາມງາມຮູບແບບໃໝ່ Pardesco Beauty Review Battle Fair 2019 ຄັ້ງທີ 1ທີ່ສູນການຄ້າ ວຽງຈັນເຊັນເຕີ. ໃຫ້ກຽດເຂົ້າຮ່ວມງານ ໄດ້ແກ່: ທ່ານ ນາງ ພອນພັນ ຈຽມກັນຊານ ປະທານບໍລິຫານ ບໍລິສັດ ປິ້ນແບນ ຈໍາກັດ ແລະຜູ້ບໍລິຫານ ພາເດສໂກ້ ໃນນາມປະທານຈັດງານ Pardesco Beauty Review Battle Fair 2019, ທ່ານ ນາງ ປະວິຕຣາ ມ່ວງສະກຸນ ຜູ້ອໍານວຍການ ສໍານັກງານສົ່ງເສີມການຄ້າໃນຕ່າງປະເທດ, ທ່ານ ສີສັງສົມ ຮອງອະທິການບໍດີກົມສົ່ງເສີມ ແລະພັດທະນາສິນຄ້າ, ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວແຫ່ງປະເທດ, ທ່ານ ນາງ ອອນອານົງ ຫອມສົມບັດ Miss Universe Laos 2018, ທ່ານ ສາຍແກ້ວ ສີດາວົງ ຊ່າງແຕ່ງໜ້າຊື່ດັງ ແລະທ່ານ ບັນດິດ ລາດຊະວົງ ເຈົ້າຂອງຫ້ອງເສື້ອ Men Folder, ທ່ານ ນາງ ນ້ອຍ ລັດສະໝີ ນາງແບບຊື່ດັງ ແລະບັນດາ 6 ເຈົ້າຂອງຜະລິດຕະພັນ ໄດ້ແກ່: ນາຍແພດ ປຣີດີ ຄິວຕະກູນ; ທ່ານ ວໍຣຸດ ມະລິຂາວ ເຈົ້າຂອງແບຣນ Ze Seven, ທ່ານ ນາງ ພອຍ ລະລິຕາ ຄົງໝັ້ນ ເຈົ້າຂອງແບຣນ Chloris, ທ່ານ ນາງ ສິລິພອນ ເອິນຫຼ້າຫາ ເຈົ້າຂອງແບຣນ Siriman, ທ່ານ ນາງ ວອນນະພາ ຕັ້ງວົງງາມ ເຈົ້າຂອງແບຣນ Zense, ປໍລະວັນ ຫົງທອງ ເຈົ້າຂອງແບຣນ U Beautiful  ແລະນາງ ທ່ານ ສຸລິວັນ ທະວີສິນ ໃບເຕີຍ ອາສະຫຍາມ ເຈົ້າຂອງແບຣນ Zasa by Charm.

ງານວາງສະແດງສິນຄ້າຄວາມງາມດັ່ງກ່າວເປັນການຮວບຮວມເອົາບັນດາຜະລິດຕະພັນທີ່ມີຄຸນນະພາບ ແລະມີຊື່ສຽງຈາກປະເທດໄທ ມານໍາສະເໜີໃຫ້ຊາວລາວ ໄດ້ທົດລອງໃຊ້ຢ່າງເຕັມທີ່. ພິເສດພາຍໃນງານຍັງໄດ້ເປີດຮັບສະໝັກຕົວແທນຜູ້ທີ່ສົນໃຈໃນຜະລິດຕະພັນຕ່າງໆ ແລະມີຄວາມຕ້ອງການທີ່ຈະພັດທະນາຕົນເອງທາງດ້ານບຸກຄະລິກກະພາບພາຍໃຕ້ການເບິ່ງແຍງຂອງສິນຄ້ານັ້ນໆ ມາຮ່ວມສະໝັກ ແລະປະກວດຄວາມງາມ-ຄວາມໝັ້ນໃຈ ຮອບຄັດເລືອກໃນວັນທີ 02-03 ກຸມພາ 2019 ທີ່ຜ່ານມາ ແລະຈະປະກາດຜົນໃນວັນທີ 06-07 ເມສາ 2019 ທີ່ຮ້ານ ຄວາມງາມ Pardesco ຕັ້ງຢູ່ຊັ້ນ 1 ຂອງສູນການຄ້າ ວຽງຈັນເຊັນເຕີ. ໂຄງການປະກວດັ່ງກ່າວມີຄວາມມຸ່ງຫວັງເປັນຢ່າງຍິ່ງວ່າຈະມີສ່ວນໃນການຊ່ວຍຕື່ມຝັນດ້ານຄວາມງາມຂອງທຸກຄົນໃຫ້ກາຍເປັນຈິງ. ສາມາດຕິດຕາມການເຄື່ອນໄຫວຂອງກິດຈະກໍາຕ່າງໆໄດ້ທີ່ແຟນເພຈຂອງ Pardesco.


ທີ່ມາ:
  • ຮູບພາບ