• ລະງັບອາການຫິວເຂົ້າຕອນເດິກດ້ວຍ 7 ວິທີ

ໂດຍ: ແມວດຳ 04 ກຸມພາ 2019 (14.43 ນ.) Read : 405

ອາການຫິວເຂົ້າຕອນເດິກເປັນສາເຫດໜຶ່ງທີ່ພາໃຫ້ນ້ຳໜັກຂຶ້ນໄດ້ຢ່າງໄວວາ, ດັ່ງນັ້ນ ຖ້າບໍ່ຢາກພົບບັນຫາຫິວເຂົ້າຕອນເດິກໆ ທ່ານກໍຕ້ອງແກ້ໄຂທີ່ຕົ້ນເຫດດ້ວຍ 7 ວິທີດັ່ງນີ້:

ງົດເບິ່ງລາຍການ ຫຼືວິດີໂອກ່ຽວກັບອາຫານ:ເພາະມັນເປັນຕົ້ນເຫດສຳຄັນທີ່ເຮັດໃຫ້ທ່ານຮູ້ສຶກຫິວ, ນຳພາໃຫ້ທ່ານໄປເປີດຕູ້ເຢັນຫາຂອງກິນຕອນເດິກໆ.

ອາຫານໃນຕູ້ເຢັນເປັນເຫດ:ຖ້າຫາກການເປີດຕູ້ເຢັນໃນຕອນເດິກເຮັດໃຫ້ທ່ານຫ້າມໃຈບໍ່ໄດ້ທີ່ຈະຈັບອາຫານມາກິນ, ທາງອອກທີ່ດີກໍຄື ບໍ່ຄວນຊື້ເຂົ້າໜົມ ຫຼືນ້ຳຫວານຕ່າງໆມາໄວໃນຕູ້ເຢັນ.

ດື່ມນ້ຳແທນການກິນອາຫານ:ເພາະນ້ຳຈະຊ່ວຍໃຫ້ທ່ານບໍ່ຮູ້ສຶກວ່າທ້ອງວ່າງຈົນເກີນໄປ. ພ້ອມທັງຊ່ວຍລະລາຍກົດທີ່ພາໃຫ້ທ່ານຮູ້ສຶກຫິວ.

ຢ່າໂພສວ່າຫິວລົງເທິງສື່ອອນລາຍ:ເພາະມັນເປັນເຄື່ອງມືດີໆທີ່ໝູ່ຂອງທ່ານຈະເຂົ້າມາສະແດງຄວາມຄິດເຫັນດ້ວຍຮູບພາບອາຫານຍິ່ງເຮັດໃຫ້ຮູ້ສຶກຫິວ.

ຖູແຂ້ວ ພ້ອມກັບໃຊ້ນ້ຳຢາບ້ວນປາກ:ເປັນການກຽມພ້ອມກ່ອນເຂົ້ານອນ, ສິ່ງສຳຄັນການຖູແຂ້ວແບບລະອຽດບໍ່ຟ້າວຟັ່ງ ແລະໃຊ້ນ້ຳຢາບ້ວນປາກທຸກຄັ້ງຈະຊ່ວຍຫຼຸດຄວາມຢາກອາຫານໃນຕອນເດິກໆໄດ້.

ເຂົ້ານອນໄວໄວ:ເພາະຍິ່ງນອນເດິກຫຼາຍເທົ່າໃດທ່ານກໍຈະຮູ້ສຶກຫິວຫຼາຍຂຶ້ນເທົ່ານັ້ນ ດັ່ງນັ້ນ, ຄວນຕັດບັນຫາດ້ວຍການເຂົ້ານອນໃຫ້ໄວເພື່ອຕັດຄວາມສົນໃຈເລື່ອງອາຫານໃນຕອນເດິກ.

ຖ້າອົດບໍ່ໄຫວກໍຕ້ອງຫາແນວກິນເພື່ອຮອງທ້ອງ:ເພາະການປ່ອຍໃຫ້ຕົວເອງຫິວ ແລະປ່ອຍໃຫ້ນ້ຳຍ່ອຍກັດກະເພາະກໍບໍ່ແມ່ນເລື່ອງທີ່ດີສຳລັບສຸຂະພາບ, ແຕ່ຄວນກິນອາຫານທີ່ມີແຄຣໍລີ່ຕ່ຳ ເຊັ່ນ: ໝາກແອັບເປິ້ນ, ກ້ວຍ ຫຼືໂຢເກິດ ແລະຕ້ອງກິນໃນປະລິມານທີ່ພໍຮອງທ້ອງ, ບໍ່ຄວນກິນຫຼາຍຈົນແໜ້ນທ້ອງເດີທ່ານຜູ້ອ່ານ.
ເຖິງແມ່ນວ່າທ່ານຈະສຶກສາວິທີການລະງັບຄວາມຫິວໂຫຍໃນຕອນເດິກ 100 ຢ່າງ 1000 ວິທີແລ້ວກໍຕາມ, ແຕ່ສິ່ງໜຶ່ງຈະ ຊ່ວຍໃຫ້ທ່ານລະງັບມັນໄດ້ດີທີ່ສຸດກໍຄືການຫັກຫ້າມໃຈຕົວເອງ ແລະຕ້ອງມີກົດລະບຽບໃນຕົວ ເພາະວ່າ: “ສຸຂະພາບເປັນ ຂອງທ່ານຢ່າທຳລາຍມັນດ້ວຍຕົວທ່ານເອງ”.



ທີ່ມາ: