• ຢາກຕື່ນມາໜ້າໃສ ກ່ອນນອນຕ້ອງບຳລຸງແບບໃດ?

ໂດຍ: ແມວດຳ 30 ພະຈິກ 2018 (14.45 ນ.) Read : 327

ສຳລັບສາວໆທີ່ຢາກຕື່ນມາໜ້າໃສ, ໄຮ້ສິວ ວາລະສານມະຫາຊົນຂໍແນະນຳວ່າບໍ່ແມ່ນເລື່ອງຍາກ, ພຽງແຕ່ທ່ານປະຕິບັດຕາມຂັ້ນຕອນການບຳລຸງໃຫ້ຖືກວິທີດັ່ງຕໍ່ໄປນີ້ ທ່ານກໍຈະຕື່ນມາໜ້າຕາສົດໃສໄດ້ແບບທຳມະຊາດ.

1.ລ້າງໜ້າໃຫ້ສະອາດກ່ອນນອນ:ຖືເປັນຂັ້ນຕອນທຳອິດໃນການເບິ່ງແຍງ, ຮັກສາຜິວໜ້າໃຫ້ມີຄວາມຂາວ, ໃສ. ໂດຍສະເພາະຄົນທີ່ມັກແຕ່ງໜ້າຈຳເປັນຕ້ອງລ້າງເຄື່ອງສຳອາງອອກໃຫ້ໝົດ, ຖ້າຫາກປະໄວ້ຂ້າມຄືນຮັບຮອງວ່າສິວຈະຖາມຫາໃນມື້ຕໍ່ມາຢ່າງແນ່ນອນ. ສິ່ງສຳຄັນຄວນເລືອກໂຟມລ້າງໜ້າ ຫຼື Make up remover ທີ່ເໝາະກັບສະພາບຜິວຂອງທ່ານ.

2.ທາເຊລໍ່າ:ບໍ່ວ່າທ່ານຈະຢູ່ໃນໄວອາຍຸໃດການທາເຊລໍ່າກໍເປັນສິ່ງທີ່ສຳຄັນເພາະມັນຈະຊ່ວຍຫຼຸດການເກີດຮອຍຫ່ຽວເທິງໃບໜ້າ, ພ້ອມທັງເປັນການເຕີມສານອາຫານໃຫ້ກັບຜິວໜ້າອີກດ້ວຍ.

3.ທາຄຣີມບຳລຸງເພື່ອເພີ່ມຄວາມຊຸ່ມຊື່ນ:ໂດຍສະເພາະສາວໆ ທີ່ນອນໃນຫ້ອງແອຈະເຮັດໃຫ້ຜິວແຫ້ງ, ດັ່ງນັ້ນ ການທາຄີມບໍາລຸງໃນຕອນກາງຄືນຈຶ່ງເປັນສິ່ງທີ່ສໍາຄັນທີ່ຈະຊ່ວຍຮັກສາຄວາມຊຸ່ມຊື່ນໃຫ້ຜິວ, ນອກຈາກນີ້ ການທາຄຣີມແຕ່ລະຄັ້ງຄວນທາງໃຫ້ທົ່ວໃບໜ້າ ແລະລຳຄໍ.

4.ທາຄຣີມບຳລຸງເປືອກຕາ:ເຮົາຈະສັງເກດເຫັນໄດ້ວ່າຮອຍຕີນກາເທິງໃບໜ້າສ່ວນໃຫຍ່ຈະເກີດຂຶ້ນຢູ່ທີ່ຫາງຕາເປັນອັນດັບທຳອິດ, ດັ່ງນັ້ນ ການບຳລຸງຜິວຮອບດວງຕາຈຶ່ງເປັນສິ່ງທີ່ຈຳເປັນ ແລະສຳຄັນ. ເຊິ່ງການທາຄຣີມບຳລຸງເປືອກຕາຄວນເລີ່ມຈາກບໍລິເວນຫົວຕາ ແລ້ວຄ່ອຍໆທາໄປຫາຫາງຕາ.

5.ຈັດຊົງຜົມກ່ອນນອນ:ເນື່ອງຈາກເສັ້ນຜົມຂອງເຮົາມີສິ່ງທີ່ເປິເປື້ອນສະສົມຢູ່ເປັນຈຳນວນຫຼາຍທີ່ມີສ່ວນທີ່ເຮັດໃຫ້ເກີດຮອຍຫ່ຽວ, ເກີດສິວເທິງໃບໜ້າ, ດັ່ງນັ້ນ ກ່ອນນອນສາວໆຄວນຍົກຜົມຂຶ້ນເໜືອຫົວແລ້ວນອນລົງ ເພື່ອບໍ່ໃຫ້ເສັ້ນຜົມຖູເອົາເຊລໍ່າ ແລະຄຣີມບຳລຸງອອກໄປຈາກໃບໜ້າໃນເວລານອນຫຼັບ.


ທີ່ມາ: