• ວິທີແກ້ບັນຫາ ເມື່ອຜິວໜ້າແພ້ເຄື່ອງສຳອາງ

ໂດຍ: ແມວດຳ 28 ພະຈິກ 2018 (14.58 ນ.) Read : 94

ການໃຊ້ຜະລິດຕະພັນບຳລຸງຜິວໂດຍສະເພາະຜິວໜ້າບາງຄັ້ງກໍສ້າງບັນຫາໃຫ້ທ່ານແບບບໍ່ຄາດຄິດ, ເພາະເຮົາບໍ່ສາມາດຮູ້ໄດ້ວ່າຜະລິດຕະພັນແບບໃດທີ່ໃຊ້ແລ້ວຈະໄດ້ຜົນ 100%, ດັ່ງນັ້ນ ຖ້າຫາກທ່ານເກີດມີອາການແພ້ເຄື່ອງສຳອາງສິ່ງທີ່ທ່ານຄວນເຮັດມີຄື:

ຢ່າຕຶງຄຽດຫຼາຍເກີດໄປ:ເພາະມັນຈະເຮັດໃຫ້ຮໍໂມນໃນຮ່າງກາຍບໍ່ສົມດຸນ, ເຮັດໃຫ້ຜິວທີ່ອ່ອນແອຂອງທ່ານໃນຂະນະທີ່ແພ້ສານເຄມີນັ້ນມີບັນຫາໜັກຂຶ້ນ ເຊັ່ນ: ມີອາການຄັນ ແລະຜິວແຫ້ງໜັກກວ່າເກົ່າ.

ຢຸດໃຊ້ຜະລິດຕະພັນທີ່ປະສົມນ້ຳຫອມ:ເພາະນ້ຳຫອມເປັນສິ່ງທີ່ກະຕຸ້ນອາການຄັນຄາຍເທິງໃບໜ້າ ເຮັດໃຫ້ຜິວແຫ້ງ ແລະເປັນຜື່ນຄັນເພີ່ມຂຶ້ນ.

ເລືອກໃຊ້ຜະລິດຕະພັນທີ່ມີໂຄງສ້າງຄືກັບໄຂມັນເທິງຜິວໜັງ:ຜິວແຫ້ງ, ແດງ ແລະຄັນ ເປັນສັນຍານເຕືອນວ່າ ພູມຄຸ້ມກັນຊັ້ນຜິວໜັງຂອງທ່ານກຳລັງຖືກທຳລາຍ, ດັ່ງນັ້ນ ຄວນເລືອກໃຊ້ຜະລິດຕະພັນບຳລຸງຜິວທີ່ຊ່ວຍຟື້ນຟູຜິວທີ່ເກີດຈາກແພ້ເຄື່ອງສຳອາງ ເຊັ່ນ: ຜະລິດຕະພັນໃນຕະກູນ Sooting Care, Biomimic Technology ແລະ Palmitamide MEA ເຊິ່ງຜະລິດຕະພັນທີ່ມີສ່ວນປະສົມຂອງສານເຫຼົ່ານີ້ຈະຊ່ວຍປົກປ້ອງ ແລະເກັບຄວາມຊຸ່ມຊື່ນໃຫ້ກັບຜິວ, ຊ່ວຍເຮັດໃຫ້ຜິວແພ້ງ່າຍ, ອາການຄັນຄາຍ ແລະຮອຍແດງທີ່ເກີດຈາກການແພ້ດີຂຶ້ນແບບບໍ່ຕ້ອງໃຊ້ຢາແກ້ແພ້.



ທີ່ມາ: