• ເລືອກແວ່ນກັນແດດໃຫ້ເຂົ້າກັບໜ້າ

ໂດຍ: ແມວດຳ 23 ພຶດສະພາ 2018 (02.38 ນ.) Read : 287

ເຖິງວ່າຜູ້ຊາຍຈະບໍ່ມັກເລືອກເຄື່ອງດົນໆຄືກັບແມ່ຍິງ ແຕ່ກໍບໍ່ໄດ້ໝາຍຄວາມວ່າຈະບໍ່ມີຄວາມກັງວົນໂດຍສະເພາະ ການເລືອກຊື້ແວ່ນຕາກໍເປັນສິ່ງທີ່ຍາກຄືກັນກັບຜູ້ຍິງເລືອກເຄື່ອງນຸ່ງ. ດັ່ງນັ້ນ ສະບັບນີ້ຜູ້ຂຽນຈຶ່ງໄດ້ນຳເອົາເທັກນິກການເລືອກແວ່ນຕາເພື່ອໃຫ້ເຂົ້າກັບຮູບໜ້າສຳລັບທ່ານຊາຍມາຝາກມາຕ້ອນທ່ານຜູ້ອ່ານ.

1.ຮູບໜ້າກົມຄວນເລືອກແວ່ນກັນແດດທີ່ມີການອອກແບບເປັນຫຼ່ຽມ, ພິເສດຄວນເລືອກແວ່ນທີ່ມີຂະໜາດໃຫຍ່ໄວ້ກ່ອນເມື່ອສວມໃສ່ແລ້ວຈະເຮັດໃຫ້ໜ້າຄືກັບວ່າກົມໜ້ອຍລົງ.

2.ຮູບໜ້າຫຼ່ຽມເໝາະສົມກັບແວ່ນກັດແດດຊົງນັກບິນ (Aviator) ຫຼືແວ່ນຊົງກົມແບບວິນເທດກໍຈະຊ່ວຍເສີມບຸກຄະລິກໃຫ້ເຈົ້າຊູ້ຄືກັບນາຍແບບໄດ້.

3.ໜ້າຮູບໄຂ່ສ່ວນຫຼາຍເປັນຮູບໜ້າຂອງຄົນອາຊີ ແລະສາມາດສວມໃສ່ແວ່ນໄດ້ທຸກແບບຕາມທີ່ຕ້ອງການ, ແຕ່ບໍ່ຄວນເລືອກແວ່ນທີ່ມີຂອບໜາເກີນໄປ, ລວມໄປເຖິງແວ່ນທີ່ມີບ່ອນພັກສັນດັງຕ່ຳ.

4.ຮູບໜ້າຍາວເປັນຮູບໜ້າທີ່ສາມາດໃສ່ແວ່ນໄດ້ທຸກຮູບຊົງ, ແຕ່ສິ່ງສຳຄັນທີ່ຄວນຈື່ໄວ້ຄື: ຢ່າໃສ່ແວ່ນຕາກັນແດດທີ່ມີຂະໜາດນ້ອຍເກີນໄປ.

ສຳລັບທ່ານຊາຍທ່ານໃດທີ່ກຳລັງເລືອກຊື້ແວ່ນຕາກັນແດດແຕ່ບໍ່ຮູ້ວ່າໃສ່ແບບໃດຈຶ່ງເໝາະສົມກັບຕົນເອງກໍຢ່າລືມນຳເອົາເທັກນິກການເລືອກແວ່ນຕາທີ່ຜູ້ຂຽນເອົາມາຝາກໃນສະບັບນີ້ໄປໃຊ້ເພື່ອເລືອກຊື້ແວ່ນຕາໄດ້ເລີຍເດີ!.

ທີ່ມາ: